ព្រឹត្តិការណ៍ព័ត៌មាន
ចំណេះជីវិត
ជំនាញ
យុវជនឆ្នើម
អប់រំកុមារតូច
ព័ត៌មានអាហារូបករណ៍
មាតិកាឌីជីថល
អនាគត
ពន្លកបៃតង
កម្ពុជា 360°
វិទ្យាស្ថានពហុបច្ចេកទេសខេត្តកំពង់ឆ្នាំង ប្រកាសជ្រើសរើសបេក្ខជន បេក្ខនារី និងសាធារណជន ឱ្យសិក្សាជំនាញវិជ្ជាជីវៈថ្នាក់សញ្ញាបត្របច្ចេកទេស និងវិជ្ជាជីវៈ១ ចំនួន៦៦៥នាក់។ ការសិក្សាជំនាញបច្ចេកទេស ផ្ដល់ជូនក្រោមគម្រោងសិក្សា ១លាន៥សែននាក់។
ជំនាញដែលអាហារូបករណ៍ផ្ដល់ជូនរួមមាន ការតម្លើង និងអនុវត្តបច្ចេកវិទ្យាឌីជីថល (ជំនាញកុំព្យូទ័រ) ៧០នាក់, ការរចនាក្រាហ្វិកដោយកុំព្យូទ័រ ១០៥នាក់, ការថែទាំ និងជួសជុលរថយន្ត១០៥នាក់, សេវាកម្មបរិក្ខាត្រជាក់ក្នុងគេហដ្ឋាន១០៥នាក់, ការថែទាំ និងជួសជុលម៉ូទ័រអគ្គិសនី៧០នាក់, ការតម្លើងបណ្ដាញអគ្គិសនីក្នុងអគារ៣៥នាក់, សេវាកម្មសម្អាងកាយ៧០នាក់, ការថែទាំ និងជួសជុលម៉ាស៊ីនត្រជាក់រថយន្ត៣៥នាក់, ការថែទាំ និងជួសជុលអគ្គិសនីរថយន្ត ៣៥នាក់ និង ការកែច្នៃបន្លៃ និងផ្លែឈើ៣៥នាក់។ ការសិក្សាមានវេនរៀនចំនួន៣ ដោយវេនច័ន្ទ-សុក្រ (ព្រឹក-រសៀល) រយៈពេល៤ខែ វេនច័ន្ទ-សុក្រ(យប់) រយៈពេល៨ខែ និងវេនសៅរ៍-អាទិត្យ រយពេល៨ខែ។
បេក្ខជន-បេក្ខនារី ដែលមានចំណាប់អារម្មណ៍ក្នុងការដាក់ពាក្យសិក្សា ត្រូវមានលក្ខខណ្ឌដូចជា មានអាយុចាប់ពី១៥ឆ្នាំឡើងទៅ ជាបេក្ខជនមកពីគ្រួសារដែលមានបណ្ណក្រីក្រ១ និង២ និងគ្រួសារដែលមានបណ្ណសម្គាល់ជនងាយរងហានិភ័យ ទទួលបានការសិក្សាដោយឥតគិតថ្លៃ និងបានប្រាក់ឧបត្ថម្ភ២៨ម៉ឺនរៀលក្នុងមួយខែ។ សម្រាប់យុវជនទូទៅដែលមិនមែនជានិស្សិតកំពុងសិក្សានៅគ្រឹះស្ថានសិក្សា ទទួលបានការសិក្សាដោយឥតគិតថ្លៃ។
សម្រាប់ព័ត៌មានបន្ថែម បេក្ខជន បេក្ខនារី អាចទំនាក់ទំនងជាមួយអាជ្ញាធរមូលដ្ឋាន(ឃុំ/សង្កាត់) ដែលរស់នៅ ឬទៅកាន់វិទ្យាស្ថានពហុបច្ចេកទេសខេត្តកំពង់ឆ្នាំងផ្ទាល់ ដែលមានទីតាំងនៅ ភូមិទួលក្រឡាញ់ សង្កាត់កំពង់ឆ្នាំង ក្រុងកំពង់ឆ្នាំង ខេត្តកំពង់ឆ្នាំង ជាប់មន្ទីរអប់រំ យុវជន និងកីឡាខេត្តកំពង់ឆ្នាំង។ បេក្ខជនក៏អាចទំនាក់ទំនងទៅកាន់ ០១២ ៤៧៤ ៣៤១ / ០១៥ ៩៤០ ៤២០ / ០១០ ៥៤៦ ១៧៧ / ០៩៧ ២៦៩ ៥៧១៣ ។
ចាប់ទទួលពាក្យពីថ្ងៃផ្សាយដំណឹងរហូតដល់គ្រប់ចំនួន ដោយវគ្កសិក្សាថ្មីចូលរៀនថ្ងៃទី០១ ខែមិថុនា ឆ្នាំ២០២៥៕
