ព្រឹត្តិការណ៍ព័ត៌មាន
ចំណេះជីវិត
ជំនាញ
យុវជនឆ្នើម
អប់រំកុមារតូច
ព័ត៌មានអាហារូបករណ៍
មាតិកាឌីជីថល
អនាគត
ពន្លកបៃតង
កម្ពុជា 360°
សៀវភៅដែលអាចបង្កើតផ្នត់គំនិតវិជ្ជមាន និងផ្លាស់ប្តូរជីវិត ក៏ដូចជាការអភិវឌ្ឍន៍បុគ្គលិកលក្ខណៈ គឺមានភាពចាំបាច់សម្រាប់យកមកប្រើប្រាស់ចំពោះសកម្មភាពប្រចាំថ្ងៃ។ នៅពេលអានប្រភេទសៀវភៅអភិវឌ្ឍន៍ស្មារតី នឹងធ្វើឱ្យមនុស្សចាប់ផ្តើមមានគំនិតមន្ទិលថា ខ្លួនជានរណា? ធ្វើសកម្មភាពដើម្បីអ្វី? រួមទាំងសិក្សាស្វែងយល់ ពីរបៀបថ្មីប្លែក ជាប្រចាំដើម្បីជួយខ្លួនឯងឱ្យកាន់តែប្រសើរពីមួយពេល ទៅមួយពេល។ តាមរយៈគេហទំព័រ Best Life បានបង្ហាញសៀវភៅ ៣ក្បាល ដែលវាអាចជួយឱ្យអ្នកអភិវឌ្ឍខ្លួនឯង។
១.ទម្លាប់ទាំង៧ មានប្រសិទ្ធភាពសម្រាប់យុវវ័យ ៖ សៀវភៅនេះ និពន្ធដោយលោក Stephen R. Covey និងសរសេរជាភាសាឡាតាំងថា The 7 Habits of Highly Effective People បោះពុម្ពដំបូងនៅឆ្នាំ១៩៨៩។ ខ្លឹមសារអប់រំក្នុងសៀវភៅ បាននិយាយរៀបរាប់អំពីភាពជាអ្នកដឹកនាំ និងកត្តាដែលរុញច្រានខ្លួនឯងឱ្យធ្លាក់ចូលទៅក្នុងទម្លាប់មិនល្អ ការស្វែងរកសក្ដានុពលខ្លួនឯង សារៈសំខាន់នៃការធ្វើឱ្យខ្លួនឯងមានភាពសកម្ម របៀបនៃការគិតវិជ្ជមាន និងការរៀបចំកាលវិភាគទៅតាមប្រភេទការងារសំខាន់ៗ និងការងារមិនសូវសំខាន់ តាមលំដាប់លំដោយ។ បន្ថែមពីនោះ ក៏មានរៀបរាប់អំពីការសម្រេចចិត្តរបស់យុវវ័យ និងការបង្កើត រក្សាទំនាក់ទំនងជាមួយមនុស្ស រួមទាំងសិល្បៈនៃការស្តាប់ផងដែរ ដែលមានតួនាទីសម្រួលទាំងដំណើរការសិក្សា និងអាជីពការងារ។
២.សិល្បៈផ្សារភ្ជាប់ទំនាក់ទំនង និងការពង្រឹងសមត្ថភាពខ្លួនឱ្យមានឥទ្ធិពល ៖ សៀវភៅនេះសរសេរជាភាសាអង់គ្លេសមានចំណងជើងថា How to Win Friends and Influence People តាក់តែងដោយ លោក Daniel Kahneman ហើយសៀវភៅនេះ ក៏មានបកប្រែជាភាសាខ្មែរ និងលក់នៅទីផ្សារដែលភាគច្រើនគេស្គាល់ថា វិធីចងចិត្តមិត្ត និងការបន្ទន់ចិត្តអ្នកដទៃ។ សៀវភៅប្រភេទនេះ គេផ្តោតទៅលើជំនាញនៃការទំនាក់ទំនង ឬការប្រាស្រ័យទាក់ទងអន្តរបុគ្គល និងកិច្ចពិភាក្សាដែលមានប្រសិទ្ធភាព និងការកសាងសមត្ថភាពខ្លួនឯង ដើម្បីឈានទៅអភិវឌ្ឍជំនាញទំនាក់ទំនងជាមួយមនុស្សជុំវិញខ្លួន ជាពិសេសក្នុងរង្វង់ការងារ។
៣.គិតលឿន និងគិតយឺត ៖ គិតលឿន និងគិតយឺត ជាសៀវភៅមួយមានប្រជាប្រិយភាព ជាភាសាឡាតាំងដាក់ថា Thinking, Fast and Slow សរសេរដោយអ្នកជំនាញចិត្តវិទ្យាម្នាក់ឈ្មោះ Daniel Kahneman គាត់ក៏ជាអ្នកទទួលបានរង្វាន់ណូបែលផ្នែកសេដ្ឋកិច្ច។ សៀវភៅនេះមានអត្ថន័យអប់រំមនុស្សអំពីសមត្ថភាពនៃការផ្តោត ផលជះមិនល្អនៃការពន្យារពេល ឬភាពកម្ជិល និងដំណើរការ នៃការគិតរបស់មនុស្សនៅពេលជួបប្រទះនូវបញ្ហា៕
