ព្រឹត្តិការណ៍ព័ត៌មាន
ចំណេះជីវិត
ជំនាញ
យុវជនឆ្នើម
អប់រំកុមារតូច
ព័ត៌មានអាហារូបករណ៍
មាតិកាឌីជីថល
អនាគត
ពន្លកបៃតង
កម្ពុជា 360°
សកម្មភាពប្រចាំថ្ងៃដូចជា ដេកដើរ ឈរអង្គុយ ការញ៉ាំ គេង និងការថែរក្សារាងកាយជាដើម បើក្រឡេកមើលមួយភ្លែតគឺជាចំណុចសាមញ្ញដែលមនុស្សភាគច្រើនសុទ្ធតែបានធ្វើជារៀងរាល់ថ្ងៃ តែអ្នកមានដឹងទេថា សកម្មភាពទាំងនោះមួយចំនួនអាចធ្វើឱ្យប៉ះពាល់ដល់សុខភាពខួរក្បាល ប្រសិនបើយើងមិនចេះគ្រប់គ្រង។ Wealth of geeks បង្ហាញពីសកម្មភាពប្រចាំថ្ងៃមួយចំនួនដែលបង្កឱ្យមានប៉ះពាល់ទៅកាន់សុខភាពខួរក្បាល។
១. បរិភោគលើសចំណុះ ៖ ទោះបីជាទទួលទានអាហារដែលផ្តល់នូវជីវជាតិគ្រប់គ្រាន់ក៏ដោយ ប៉ុន្តែមិនអាចលើសលប់បានឡើយ ចាំបាច់ត្រូវតែរក្សាក្នុងបរិមាណមួយដែលមានដែនកំណត់ រួមទាំងស្របនឹងតម្រូវការ នៃរាងកាយ។ មិនថាយើងបរិភាគអាហារប្រភេទណានោះទេ ហូបអាហារលើសលប់ពេកគឺជាក្ដីកង្វល់មួយ និងនាំឱ្យប៉ះពាល់ដល់បញ្ហាបេះដូង មហារីក សម្ពាធឈាមឡើងខ្ពស់ និងបញ្ហាជាច្រើនទៀតទៅកាន់សុខភាពរាងកាយ និងសុខភាពផ្លូវចិត្ត។
២. ស្តាប់សម្លេងឮខ្លាំងៗ ៖ ប្រសិនបើលោកអ្នកចូលចិត្តប្រើប្រាស់កាសហើយបើកសម្លេងឮៗខ្លាំង គឺជាការផ្តល់ឱកាសឱ្យកើតមាននូវ ខួរក្បាល ឬសុខភាពផ្លូវចិត្ត។ សម្លេងដែលបើកតាមរយៈការស្ដាប់កាសនឹងត្រចៀក មិនគួរបើកលើសពី៦០ភាគរយនោះទេ។
៣. ងប់ងល់នឹងការសម្លឹងស្រ្គីន ៖ ប្រើពេលច្រើនពេកក្នុងការចុចទូរស័ព្ទ ប្រើប្រព័ន្ធផ្សព្វផ្សាយ ឬការសម្លឹងមើលអេក្រង់អេឡិចត្រូនិចក្នុងរយៈពេលយូរ មិនត្រឹមតែខ្ជះខ្ជាយពេលផ្ទាល់ខ្លួនប៉ុណ្ណោះទេ ប៉ុន្តែផលដែលកាន់តែអាក្រក់នោះ គឺ ប៉ះពាល់ទៅកាន់សមត្ថភាពនៃខួរក្បាល។
៤. អង្គុយយូរៗ ៖ ស្ថិតក្នុងទីតាំងដែលមិនមានកន្លែងសម្រាប់សម្រាកដើរលំហែ ជាកត្តាជំរុញឱ្យមនុស្សអង្គុយធ្វើការ ឬសិក្សាក្នុងរយៈពេលយូរៗ ដែលទាំងនេះសុទ្ធសឹងតែជាចំណែកធ្វើឱ្យប៉ះពាល់ទៅកាន់ខួរក្បាល៕
