ព្រឹត្តិការណ៍ព័ត៌មាន
ចំណេះជីវិត
ជំនាញ
យុវជនឆ្នើម
អប់រំកុមារតូច
ព័ត៌មានអាហារូបករណ៍
មាតិកាឌីជីថល
អនាគត
ពន្លកបៃតង
កម្ពុជា 360°
កម្មវិធីអាហារូបករណ៍ និងការផ្លាស់ប្តូរការសិក្សាសម្រាប់ការអភិវឌ្ឍ ដំណាក់កាលទី ២ (Scholarships and Educational Exchanges for Development – Phase 2 ឬ SEED-2) ដែលផ្តល់ដោយរដ្ឋាភិបាលកាណាដា (Global Affairs Canada) កំពុងបើកឱកាសដល់និស្សិតមកពីបណ្តាប្រទេសក្នុងតំបន់អាស៊ាន (រួមទាំងកម្ពុជា) ក៏ដូចជាបណ្តាប្រទេសក្នុងកោះប៉ាស៊ីហ្វិក និងម៉ុងហ្គោលី ដើម្បីទៅសិក្សា ឬធ្វើកម្មសិក្សានៅប្រទេសកាណាដា។
គោលបំណងនៃកម្មវិធី
អាហាររូបករណ៍នេះត្រូវបានផ្តល់មូលនិធិក្រោម យុទ្ធសាស្ត្រឥណ្ឌូប៉ាស៊ីហ្វិករបស់កាណាដា ក្នុងគោលបំណងពង្រឹងទំនាក់ទំនងរវាងប្រជាជន និងប្រជាជន ព្រមទាំងចូលរួមចំណែកក្នុងការសម្រេចបាននូវ របៀបវារៈឆ្នាំ ២០៣០ សម្រាប់ការអភិវឌ្ឍប្រកបដោយចីរភាព (SDGs)។
កម្រិតសិក្សាដែលផ្តល់ជូន ៖ ការសិក្សារយៈពេលខ្លី ឬការស្រាវជ្រាវនៅកម្រិតឧត្តមសិក្សា (Post-secondary)។
អាហារូបករណ៍នឹងគ្របដណ្តប់លើថ្លៃសំបុត្រយន្តហោះ, ទិដ្ឋាការ (Visa), ធានារ៉ាប់រងសុខភាព និងប្រាក់ឧបត្ថម្ភការរស់នៅ (ចន្លោះពី ១០២០០ដុល្លារកាណាដា ដល់ ១៥៩០០ដុល្លារកាណាដា អាស្រ័យលើរយៈពេល និងកម្រិតសិក្សា)។
ឯកសារចាំបាច់ ៖ លិខិតឆ្លងដែន ឬអត្តសញ្ញាណប័ណ្ណ, លិខិតបង្ហាញពីគោលបំណង/ចំណាប់អារម្មណ៍របស់បេក្ខជន (Letter of Intent), លិខិតបញ្ជាក់ការសិក្សាពេញម៉ោងពីគ្រឹះស្ថានសិក្សាសាម៉ី, លិខិតគាំទ្រពីគ្រឹះស្ថានសិក្សាសាម៉ី (Letter of Support), សេចក្តីថ្លែងការណ៍ជូនដំណឹងអំពីឯកជនភាព (Privacy Notice Statement) ដែលមានចុះហត្ថលេខា។
សម្រាប់ព័ត៌មានលម្អិតបន្ថែម សូមចូលទៅកាន់គេហទំព័រផ្លូវការ EduCanada.ca
ផុតកំណត់ថ្ងៃទី២៤ ខែមីនា ឆ្នាំ២០២៦ (វេលាម៉ោង ១១:៥៩នាទីយប់ ម៉ោងនៅប្រទេសកាណាដា)៕
