ព្រឹត្តិការណ៍ព័ត៌មាន
ចំណេះជីវិត
ជំនាញ
យុវជនឆ្នើម
អប់រំកុមារតូច
ព័ត៌មានអាហារូបករណ៍
មាតិកាឌីជីថល
អនាគត
ពន្លកបៃតង
កម្ពុជា 360°
បើតាមការចុះផ្សាយរបស់ Knowridge Science Report បានបញ្ជាក់ថា ការធ្វើឱ្យរាងកាយមានចលនាទៀងទាត់ គឺជាភាពចាំបាច់ ដើម្បីរក្សាសុខភាពឱ្យមាំទាំ និងទ្រទ្រង់សុខុមាលភាពទូទៅ ជាពិសេសអភិវឌ្ឍន៍ចង្វាក់បេះដូងឱ្យមានដំណើរការល្អ ថែមទាំងរក្សាគីឡូឱ្យមានតុល្យភាពស្របទៅនឹងសារពាង្គកាយ និងពង្រឹងសាច់ដុំបេះដូង ។ ជាងនេះទៅទៀត អាចកាត់បន្ថយហានិភ័យ នៃជំងឺបេះដូង ជំងឺលើសឈាម និងបញ្ហាដាច់សរសៃឈាមខួរក្បាល។
ការធ្វើឱ្យរាងកាយមានចលនាជាប្រចាំ គឺអភិវឌ្ឍន៍ឱ្យមនុស្សចេះយកចិត្តទុកដាក់ចំពោះខ្លួនឯង (Self-esteem) និងស្រឡាញ់ពេញចិត្តចំពោះរូបរាងរបស់ខ្លួនបានប្រសើរជាងមុន ដែលកត្តានេះហើយ វាបានជះផលវិជ្ជមានទៅកាន់សុខភាពផ្លូវចិត្ត ថែមទាំងជួយឱ្យការរំលាយអាហារបានល្អផងដែរ ។ ការធ្វើចលនារាងកាយជាប្រចាំបានកាត់បន្ថយជំងឺមហារីកមួយចំនួនដូចជា មហារីកសុដន់ និងពោះវៀនធំ ជាដើម។
ការធ្វើចលនារាង្កាយ ឬធ្វើលំហាត់ប្រាណ ក៏នាំឱ្យកាត់បន្ថយរោគសញ្ញា នៃការថប់បារម្ភ និងការធ្លាក់ទឹកចិត្ត ដែលវាអាចជំរុញឱ្យអារម្មណ៍ល្អ និងប្រព័ន្ធនៃការគិតបានល្អ ។ ជាងនោះទៅទៀត កាត់បន្ថយភាពតានតឹង និងបង្កើនគុណភាព នៃការគេង ជំរុញឱ្យមានសុខមាលភាពផ្លូវចិត្ត និងគុណភាពជីវិត បង្កើនបាននូវថាមពលបន្ថែមមួយកម្រិតទៀត។
ជារួម ការធ្វើឱ្យរាងកាយដំណើរការជាប្រចាំ គឺទាញបាននូវផលប្រយោជន៍ ទាំងសុខភាពផ្លូវកាយនិងផ្លូវចិត្ត ហើយបង្កើតបានគុណភាពក្នុងការរស់នៅ។ បើនិយាយអំពីការធ្វើឱ្យរាងកាយមានភាពសកម្ម គឺមានច្រើនប្រភេទដើម្បីជ្រើសរើស ហើយវិធីដែលគេនិយមប្រើមានដូចជា រត់ ដើរ ជិះកង់ ហែលទឹក ធ្វើយូហ្គា និងធ្វើតាមលំនាំនៃការបង្រៀនហាត់ប្រាណនានា។ ចំណែកឯក្នុងការចាប់ផ្តើមអនុវត្តន៍វិញ គឺជ្រើសយកតែវិធីណាដែលសមស្របនឹងស្ថានភាពប៉ុណ្ណោះ ដោយធ្វើពីមួយជំហានទៅមួយជំហាន គឺមានន័យថា ផ្តើមតាមសម្រួលតិចៗ ប៉ុន្តែទៀងទាត់៕
