ព្រឹត្តិការណ៍ព័ត៌មាន
ចំណេះជីវិត
ជំនាញ
យុវជនឆ្នើម
អប់រំកុមារតូច
ព័ត៌មានអាហារូបករណ៍
មាតិកាឌីជីថល
អនាគត
ពន្លកបៃតង
កម្ពុជា 360°
ភាពតានតឹងមុនពេលប្រឡងមកដល់ តែងកើតមានជាទូទៅចំពោះសិស្ស ឬនិស្សិត គ្រាន់តែតិច ឬច្រើនប៉ុណ្ណោះ ហើយអ្វីដែលសំខាន់នោះ គឺថា តើត្រូវធ្វើយ៉ាងណាដើម្បីដោះស្រាយបញ្ហានេះ? ព្រោះការបណ្តោយឱ្យអារម្មណ៍ធុញថប់កើតមានលើសលប់ អាចបណ្តាលឱ្យសុខភាពផ្លូវចិត្តរបស់សិស្សចាប់ផ្តើមថមថយ និងប៉ះពាល់ទៅកាន់ផលិតភាពនៃការសិក្សាផងដែរ។
យ៉ាងណាក៏ដោយ តាមរយៈគេហទំព័រ Coursera បានបង្ហាញគន្លឹះមួយចំនួន ក្នុងការកាត់បន្ថយ អាការតានតឹងមុនពេលប្រឡង ដោយមានរៀបរាប់លម្អិតនៅខាងក្រោម ៖
ទៅរៀននៅកន្លែងដែលមានភាពស្រដៀងគ្នានឹងបរិយាកាសប្រឡង ៖ ការជ្រើសរើសបរិយាកាសស្រដៀងទៅនឹងកន្លែងដែលត្រូវធ្វើតេស្ត បើអាចទៅអង្គុយរៀននៅបន្ទប់ប្រឡងតែម្តង នេះគឺជាវិធីសាស្រ្តមួយក្នុងការបន្សាំខ្លួនឯងឱ្យមានផាសុកភាពជាមួយនឹងបរិយាកាសទាំងនោះ ដែលជាការរួមចំណែកដ៏សំខាន់ជួយឱ្យអារម្មណ៍នឹងធឹង និងអាចផ្តោតលើកិច្ចការប្រឡងបានល្អ ក៏ដូចជាជួយឱ្យព័ត៌មានមេរៀនដែលធ្លាប់អានពីមុនៗ ត្រូវបានរំលឹកឡើងវិញក្នុងរយៈពេលខ្លីអំឡុងពេលប្រឡង។
គុណភាព នៃការគេង ៖ ទទួលទានដំណេកដែលស្ងប់និងគ្រប់ម៉ោង ជាចំណុចសំខាន់ចំពោះមនុស្សជាទូទៅត្រូវមាន ខណៈសិស្សត្រូវការថាមពល និងភាពក្លៀវក្លាក្នុងការប្រយុទ្ធនៅពេលប្រឡង គឺមិនអាចធ្វេសប្រហែសបានឡើងនៅក្នុងចំណុចនេះ។
អត្ថប្រយោជន៍ នៃការទទួលបានគុណភាពដំណេក មិនត្រឹមតែផ្តោតនៅយប់មុនពេលប្រឡងនោះទេ ប៉ុន្តែសំដៅជារួមមុនពេលប្រឡងផងដែរ ព្រោះអំឡុងពេលស្វ័យសិក្សា ខួរក្បាល និងរាងកាយ ត្រូវការថាមពលច្រើនក្នុងការគិតឬចងចាំ ដូចនេះប្រសិនបើគេងមិនបានគ្រប់ វាក៏នឹងប៉ះពាល់ទៅកាន់សុខភាពជារួម មិនថាសុខភាពផ្លូវកាយ ឬសុខភាពផ្លូវចិត្តនោះទេ ដែលឈានទៅដល់ការថយចុះនៃផលិតភាពសិក្សា។
ចំណាយពេលរៀបចំ និងរៀនឱ្យគ្រប់ជ្រុងជ្រោយ ៖ ការអនុវត្តន៍តែងនាំទៅរកភាពល្អឥតខ្ចោះ ហើយការត្រៀមខ្លួន ឬការរៀបចំទុកជាមុន គឺជាវីធីមួយក្នុងការបន្ធូរបន្ថយភាពតានតឹង តាមរយៈការបង្កើតផែនការសកម្មភាពមុនពេលរៀន ទុកចន្លោះដែលមានមុនពេលប្រឡងទៅពិនិត្យរាល់សម្ភារដែលត្រូវការសំខាន់ៗ ក៏ដូចជាអនុវត្តន៍រាល់មេរៀនបន្ថែម។ គួរជម្រាបជូនថា ទោះបីជាសកម្មភាពដែលត្រូវអនុវត្តន៍ទាំងនោះតិចក្ដីច្រើនក្ដី ប៉ុន្តែវាជាវិធីមួយ នាំទៅរកភាពជោគជ័យក្នុងដំណើរនៃការសិក្សា៕
