ព្រឹត្តិការណ៍ព័ត៌មាន
ចំណេះជីវិត
ជំនាញ
យុវជនឆ្នើម
អប់រំកុមារតូច
ព័ត៌មានអាហារូបករណ៍
មាតិកាឌីជីថល
អនាគត
ពន្លកបៃតង
កម្ពុជា 360°
ការកត់ត្រា ឬរក្សាទិន្នន័យបែបឌីជីថល មានន័យថា ជាការបំប្លែង ព័ត៌មានទាំងឡាយ អំពីការនិយាយ ឬអាន និងសៀវភៅបោះពុម្ពជាដើម ឱ្យទៅជារូបភាពឯកសារ ដែលអាចដាក់ក្នុងប្រព័ន្ធអេឡិចត្រូនិចបាន មិនថាក្នុងកុំព្យូទ័រ និងទូរស័ព្ទដៃ។ ឧទាហរណ៍ដូចជា ស្គែនក្រដាស ឬសៀវភៅឱ្យទៅជាព័ត៌មាន រួចផ្ទុកក្នុងកុំព្យូទ័រ ឬការថតសារសម្លេង ថតរូប និងសកម្មភាពដទៃជាច្រើនទៀត។
គេហទំព័រ lifehacker បានឱ្យដឹងថា ការកត់ត្រាដោយដៃ គឺល្អហើយសម្រាប់បន្តទម្លាប់ត្រឹមត្រូវ ពីមួយខណៈទៅពេលខាងមុខទៀត។ ប៉ុន្តែវិធីនេះហាក់មិនងាយស្រួលគ្រប់ពេលនោះទេ សម្រាប់សតវត្សរ៍ចុងក្រោយនេះ។ ដោយហេតុថា ការសរសេរដោយដៃ មិនអាចឱ្យយើងស្វែងរកព័ត៌មានទាំងនោះត្រឡប់មកវិញទាន់ចិត្ត ដូចពេលដែលសរសេរ ក្នុងកម្មវិធីឌីជីថលណាមួយនោះទេ។
ម្យ៉ាងវិញទៀត លោកអ្នកក៏មិនអាចដាក់សៀវភៅតាមខ្លួន បានគ្រប់ពេលគ្រប់វេលានោះដែរ។ ដូច្នេះហើយទើបការកត់ត្រា តាមរបៀបឌីជីថល ជួយឱ្យមនុស្សងាយស្រួលក្នុងការអនុវត្ត មិនថាក្នុងរថភ្លើង លើឡានក្រុង និងក្នុងកិច្ចប្រជុំតូចធំនានា។ ខាងក្រោមនេះ យើងនឹងបង្ហាញគន្លឹះសាមញ្ញៗ បីចំណុច ដែលលោកអ្នកអាចចាប់ផ្តើមសាកល្បងបាន៖
១. ម៉ាស៊ីនថត ៖ វិធីដែលងាយស្រួលក្នុងការរក្សាទិន្នន័យ បែបឌីជីថលនោះគឺ ការប្រើប្រាស់កាមេរ៉ា! នេះជាចំណុចមួយមិនត្រឹងតែងាយស្រួលនោះទេ ប៉ុន្តែលឿន និងផ្ទុកព័ត៌មានបានល្អទៀតផង។ ដោយគ្រាន់តែថតរូបនៅអ្វី ដែលអ្នកចងឱ្យមានការចងចាំ មិនថារូបភាពទេសភាព និងឯកសារក្បួនខ្នាតផ្សេងៗ។ បន្ទាប់ពីថតហើយ អាចយកទៅរក្សាទុកនៅក្នុងកម្មវិធី Google Drive ឬក្នុងកុំព្យូទ័រផ្ទាល់ខ្លួន ដោយសរសេរឈ្មោះដែលងាយស្រួលក្នុងការស្វែងរកពេលត្រូវការប្រើប្រាស់ និងងាយស្រួលក្នុងការចងចាំសម្រាប់ខ្លួនឯងដូចគ្នា។
២. ប្រើប្រាស់កម្មវិធីឌីជីថល ៖ ប្រើប្រាស់ កម្មវិធីបែបឌីជីថល ក្នុងការកំណត់ត្រាព័ត៌មានជាសកម្មភាពមួយ ដែលមានប្រជាប្រិយភាព និងអាចប្រើបានទាំងកុំព្យូទ័រ និងទូរស័ព្ទដៃ។ ឬក៏ជ្រើសរើសកម្មវិឌីជីថលណា ដែលអាចស្គែនអក្សរ ឬរូបភាពឱ្យទៅជាឯកសារក្នុងការប្រើប្រាស់នៅពេលសំខាន់ណាមួយ។ ហើយប្រសិនបើលោកអ្នកចង់គូស ឬសរសេរដោយដៃ នោះអាចជ្រើសរើសកម្មវីធីដូចជា Microsoft OneNote ដែលមិនគិតប្រាក់នោះទេគឺគ្រាន់តែមានការកំណត់ខ្លះៗ ប៉ុន្តែក្នុងនោះមានមុខងារជាច្រើនដើម្បីអនុវត្តន៍ មិនថាសរសេរ គូសរូប និងថតសម្លេងជាដើម។
៣. ប្រើប្រាស់សៀវភៅបែបឌីជីថល ៖ សៀវភៅកត់ត្រាបែបឌីជីថល(smart notebook) អនុញ្ញាតឱ្យសរសេរ គូស និងមានកាវិវឌ្ឍន៍មុខងារប្រើប្រាស់បានទាន់តម្រូវការ ពីមួយពេលទៅមួយពេល។ ដូច្នេះហើយ ដើម្បីឱ្យដំណើរការ នៃការសរសេរកាន់តែមានភាពទាន់សម័យ រហ័ស ថែមទាំងងាយស្រួល គឺ ប្រើប្រាស់ កម្មឌីហ្សាញដែលផ្តល់ភាពចម្រុះ និងអាចជួយឱ្យការកត់ត្រា ឬរក្សាទិន្នន័យកាន់តែប្រសើរជាងមុន៕
