ព្រឹត្តិការណ៍ព័ត៌មាន
ចំណេះជីវិត
ជំនាញ
យុវជនឆ្នើម
អប់រំកុមារតូច
ព័ត៌មានអាហារូបករណ៍
មាតិកាឌីជីថល
អនាគត
ពន្លកបៃតង
កម្ពុជា 360°
ប្រសិនបើភ្នែកមើលឃើញមិនពិការវាជារឿងទូទៅ ប៉ុន្តែសកម្មភាពរស់របស់មនុស្សមួយជ្រុងធំបច្ចុប្បន្ននេះរស់ដូចពិការ ។ ទន្ទឹមគ្នានេះ ដើម្បីជំនះបញ្ហាមានតែប្រើការតស៊ូ និងភាពសុចរិតមិនបោះបង់ទើបជំរុញយុវជនមិនរស់ក្នុងភាពពិការពិតប្រាកដ។ នេះជាការលើកឡើងរបស់ លោក អ៊ុក វណ្ណដេ ស្ថាបនិកសាលាដូង ក្នុងកម្មវិធី RYL រដូវកាលទី៩។
លោក អ៊ុក វណ្ណដេ មានប្រសាសន៍ថា នៅពេលយើងលែងពិការ យើងនឹងអាចងើបឈរបាន ដើម្បីទៅដោះស្រាយបញ្ហាដែលកំពុងតែប្រឈម ។ ទន្ទឹមគ្នានេះ រាល់ថ្ងៃមនុស្សធ្វើសកម្មភាពដើម្បីដោះស្រាយបញ្ហា។ ដូច្នេះ ប្រើការតស៊ូ និងភាពសុចរិតមិនបោះបង់ នោះបញ្ហានឹងបំបែកបាន។
ចូរប្រើភាពក្លាហានរបស់អ្នកកើតចេញពីភាពពិការរបស់អ្នកឱ្យលឿន ទម្លាក់ចោលការលេងហ្វេសប៊ុកលើសពីតម្រូវការ ចាប់ផ្ដើកាន់សៀវភៅសិក្សាឱ្យលឿន។
លោក អ៊ុក វណ្ណដេ ស្ថាបនិកសាលាដូង
ស្ថាបនិកសាលាដូង បញ្ជាក់ថា ការពិការគំនិតជាបញ្ហាធំ ព្រោះនៅពេលពិការគំនិតយកទៅប្រើប្រាស់លើពេលវេលាពុំមានប្រសិទ្ធភាព ។ លោកបន្តថា នៅជាយុជនអាយុក្រោម២៥ឆ្នាំ យុវជនត្រូវខំប្រឹងពង្រីកចំណេះដឹង ពង្រឹងសមត្ថភាព រៀបចំផ្លូវអនាគតដើរទៅឱ្យលឿន ព្រោះពេលវេលាសល់មិនច្រើនទេក្នុងការអភិវឌ្ឍខ្លួន។
លោក អ៊ុក វណ្ណដេ បន្ថែមថា យុវជនមួយចំនួនអាយុក្រោម២៥ឆ្នាំ ប៉ុន្តែរវល់តែដើរសាកថ្មជីវិត រហូតពេលខ្លះមានបំណុលជប់ខ្លួនក៏មាន។ លោកបន្តថា មិនមែនមិនចង់ឱ្យយុវជនដើរលេងកម្សាន្ដនោះទេ ប៉ុន្តែវ័យក្រោយ២៥ឆ្នាំ ជាពេលវេលាជីវិតពេញដោយថាមពល ដូច្នេះត្រូវធ្វើខ្លួនឱ្យល្អ ខំអានសៀវភៅ បង្កើតទំនាក់ទំនងល្អ ពង្រឹងសមត្ថភាព ពង្រឹងស្មារតីដើរទៅមុខព្រោះបញ្ហានឹងចាំអ្នកនៅខាងមុខ។ ដូច្នេះ ប្រសិនបើយុជនមិនកែប្រែនឹងនាំឱ្យមានបញ្ហាពិការគំនិត។
មួយឆ្នាំអាចសាកថ្មីជីវិតតែ៥ដងបានហើយ គឺ៣ដងសម្រាប់គ្រួសារ ១ដងសម្រាប់មិត្តភក្ដិ ១ដងឱ្យខ្លួនឯង។
លោក អ៊ុក វណ្ណដេ ស្ថាបនិកសាលាដូង
ស្ថាបនិកសាលាដូង លើកឡើងថា យុជនត្រូវដឹងពីខ្លួនឯងឱ្យបានច្រើន តើចេះអ្វីខ្លះ? តើទំនាក់ទំនងជាមួយមនុស្សជុំវិញខ្លួនល្អឬទេ? តើបានធ្វើរឿងល្អសម្រាប់សង្គមឬអត់? លើសពីនេះ យុជនមិនគួរយកពេលវេលាតាមដានមនុស្សលើបណ្ដាញសង្គមច្រើនពេក ព្រោះវ័យក្រោម២៥ឆ្នាំជាវ័យដែលត្រូវពង្រឹងសមត្ថភាពខ្លួន។ ម៉្យាងវិញទៀត ជៀសឱ្យឆ្ងាយពីការគិតទៅលើគ្រឿងស្រឹង។ ចាប់ផ្ដើមពីអ្នក ដោយសង្ឃឹមថា នឹងមានមនុស្សម្នាក់ឈប់ផឹកស្រា និងកាត់បន្ថយតាមចំនួនដែលអាចធ្វើទៅរួច។ មនុស្សជាច្រើន នៅក្នុងសមាជិកគ្រួសារកំពុងបាត់សមាជិកកូនចៅ ដោយសារគ្រោះថ្នាក់ចរាចរណ៍។ មូលហេតុក៏ព្រោះមានការជួបជុំកម្មវិធីច្រើនពេកដែលមានប្រើប្រាស់គ្រឿងស្រវឹង។
ជាមួយគ្នានេះ លោក អ៊ុក វណ្ណដេ លើកទឹកចិត្តយុវជនត្រូវអានសៀវភៅឱ្យបានច្រើន អាចលើសពី៣ក្បាល ៥ក្បាល ១០ក្បាល ទៅ ១០០ក្បាលក៏បាន។ លោកថា ការអានសៀវភៅ ជួយយើងមានចំណេះដឹង គំនិតរីកចម្រើន៕
