ព្រឹត្តិការណ៍ព័ត៌មាន
ចំណេះជីវិត
ជំនាញ
យុវជនឆ្នើម
អប់រំកុមារតូច
ព័ត៌មានអាហារូបករណ៍
មាតិកាឌីជីថល
អនាគត
ពន្លកបៃតង
កម្ពុជា 360°
ដោយសារតែទំនាក់ទំនងគឺជាផ្នែកសំខាន់នៅក្នុងការរស់នៅ ដូច្នេះការប្រាស្រ័យ ឬអភ័យទោសពិតជាមានភាពចាំបាច់ណាស់ ហើយផ្តល់ប្រយោជន៍ចំពោះខ្លួនឯង និងអ្នកដទៃ និងមានភាពចាំបាច់ចំពោះសុខភាពផ្លូវចិត្ត និងផ្លូវកាយ។ «ការអភ័យ» ហាក់មិនមែនជារឿងងាយស្រួលនោះទេ ប៉ុន្តែវាក៏ជាជំនាញសំខាន់មួយ ដែលចាំបាច់គួរអនុវត្តន៍។ ជាទូទៅការអភ័យទោស មានច្រើនវិធី ប៉ុន្តែបើតាមលោកសាស្រ្តាចារ្យ Everett Worthington បានឱ្យដឹងថា មនុស្សបានប្រព្រឹត្តវាជាពីរបែប គឺ ការអភ័យដោយការប្រើប្រាស់ការគិត និងការអភ័យដោយការប្រើអារម្មណ៍។ តើការអភ័យទោសមានប្រយោជន៍យ៉ាងណា?
យោងតាមគេហទំព័រ Everydayhealth បានបង្ហាញ៣ចំណុចអំពីអត្ថប្រយោជន៍ នៃការអភ័យទោស ៖
១. គ្រប់គ្រងភាពតានតឹង ៖ ការសិក្សាមួយបានបង្ហាញថា កាលដែលមិនបានអភ័យទោសទៅលើរឿងអ្វីមួយ អាចបង្កឱ្យមានបញ្ហាដូចជា ឆាប់ខឹង ឆេវឆាវ មានអារម្មណ៍តានតឹង ហើយការប្រមូលផ្តុំនូវអារម្មណ៍ទាំងនេះយូរៗទៅ អាចប៉ះពាល់ដល់ស្ថានភាពផ្លូវចិត្ត និងផ្លូវកាយបាន។ យ៉ាងណាមិញ ការអភ័យទោសមិនមែនជាយុទ្ធសាស្រ្តតែមួយក្នុងការឆ្លើយតបនឹងបញ្ហានេះទេ ប៉ុន្តែវាជាវិធីមួយដែលមានប្រសិទ្ធភាពដើម្បីកាត់បន្ថយបញ្ហាតានតឹង ថែមទាំងពង្រឹងសុខភាពឱ្យប្រសើរជាងមុន។
២.ជំនួយប្រព័ន្ធប្រសាទ Parasympathetic ៖ ចំណុចនេះគឺវាជួយដល់ប្រព័ន្ធសរសៃប្រសាទ ដែលភ្ជាប់ព័ត៌មានពីប្រព័ន្ធប្រសាទកណ្តាលទៅកាន់អវៈយវៈ និងសរីរាង្គផ្សេងៗទៀត, ជាមួយគ្នានោះ ក៏សម្រួលដល់សម្ពាធឈាម និងចង្វាក់បេះដូងផងដែរ ដែលនាំឱ្យកាត់បន្ថយស្ថានភាពស្ត្រេស និងការតានតឹង។
៣. អភ័យជួយឱ្យការគិតឆ្លើយតបក្នុងរយៈពេលវែង ៖ ជាទូទៅមនុស្សតែងឆ្លងកាត់អារម្មណ៍មិនល្អ ដោយឡែករឿងខ្លះ កើតឡើងដោយសារតែការគិតច្រើន ពីសំណាក់បុគ្គលខ្លួនឯងផ្ទាល់ ប៉ុន្តែមួយចំណែកទៀតកើតមានបណ្តាលមកពីកត្តាខាងក្រៅតាមរយៈក្ដីអស់សង្ឃឹម កំហឹង ឬការធ្លាក់ទឹកចិត្តជាដើម ហើយការអភ័យទោសមិនអាចកាត់ចោលនូវអារម្មណ៍នោះទាំងស្រុងទេ ប៉ុន្តែវាអាចកាត់បន្ថយក្នុងកម្រិតមួយដែរ៕
