អ្នកជំនាញប្រាប់ពីវិធីគ្រប់គ្រងហិរញ្ញវត្ថុ​ក្នុង​ឱកាស​បុណ្យចូលឆ្នាំខ្មែរ កុំឱ្យ​មាន​បញ្ហា​ក្រោយ​ចូលឆ្នាំរួច

ការគ្រប់គ្រងហិរញ្ញវត្ថុអំឡុងពេលបុណ្យចូលឆ្នាំខ្មែរ ពិតជាសំខាន់ ព្រោះស្ថានភាពបច្ចុប្បន្ន​ប្រជាពលរដ្ឋមិនសូវមានចំណូល តែការចំណាយច្រើន សំខាន់មួយទៀតគឺបំណុល។ អ្នកជំនាញហិរញ្ញវត្ថុ យល់ឃើញថា អំឡុងពេលបុណ្យចូលឆ្នាំខ្មែរ ប្រសិនប្រជាពលរដ្ឋ ជាពិសេសយុវជន ចាយមិនបានគិតគូរ រៀបចំហិរញ្ញវត្ថុមិនបានត្រឹមត្រូវ នឹងមានបញ្ហាច្រើននៅពេលក្រោយ។

លោក ទិត្យ កំរង ស្ថាបនិក និងជានាយកប្រតិបត្តិក្រុមហ៊ុនឫទ្ធិពល និងអេបកត់លុយ មានប្រសាសន៍ថា ជាធម្មតាពិធីបុណ្យជាតិធំៗនៅកម្ពុជារៀបចំធ្វើឡើងជារៀងរាល់ឆ្នាំ ហើយការចំណាយច្រើនកើតមានឡើងក្នុងពេលនោះ។ សម្រាប់អ្នកមានចំណូលខ្ពស់មិនជាបញ្ហា ប៉ុន្តែសម្រាប់អ្នកចំណូលមធ្យម កាលណាចំណាយច្រើនអាចប៉ះដល់ចំណូលប្រចាំខែ និងប្រចាំថ្ងៃ ប្រសិនចាត់ចែងលុយកាក់មិនបានត្រឹមត្រូវ។

លោក ទិត្យ កំរង ស្ថាបនិក និងជានាយកប្រតិបត្តិក្រុមហ៊ុនឫទ្ធិពល និងអេបកត់លុយ

លោក ទិត្យ កំរង បន្ថែមថា ជាទូទៅ ទាល់តែយើងបានរៀបចំថវិកាប្រចាំឆ្នាំឱ្យបានត្រឹមត្រូវ ដឹងថាចំណូលប្រចាំខែទទួលបានប៉ុន្មាន? ហើយចំណាយយប្រចាំខែប៉ុន្មាន? ម៉្យាងវិញទៀត មិនមែនដល់ពេលមានបុណ្យប្រពៃណីជាតិចូលឆ្នាំខ្មែរ ទើបចាប់ផ្ដើមគិតនោះទេ គឺត្រូវគិតទុកជាមុន ដើម្បីដកចំណែកថវិកាណាមួយត្រៀមសម្រាប់ចំណាយពេលមានពិធីបុណ្យជាតិធំៗ។

ស្ថាបនិក និងជានាយកប្រតិបត្តិក្រុមហ៊ុនឫទ្ធិពល និងអេបកត់លុយ បន្ថែមថា សព្វថ្ងៃនេះ អ្នកមានប្រាក់ខែថេរមិនសូវជាមានបញ្ហានោះទេ ប៉ុន្តែសម្រាប់អ្នកប្រកបមុខរបរដោយខ្លួនឯង (សេដ្ឋកិច្ចក្រៅប្រព័ន្ធ) អាចជួបបញ្ហាប្រឈមនៅពេលចំណូលទាបជាងចំណាយ។ ដូច្នេះ ការចំណាយត្រូវតែប្រុងប្រយ័ត្នឱ្យបានច្រើន គឺត្រូវកាត់បន្ថយចំណាយណាមួយចំនួនដែលមិនចាំបាច់ក្នុងអំឡុងពេលបុណ្យចូលឆ្នាំខ្មែរ។

ដើម្បីកាត់បន្ថយ​ការអស់លុយពីហោប៉ៅ​ក្រោយពិធីបុណ្យចូលឆ្នាំខ្មែរ លោក ទិត្យ កំរង បានផ្តល់ជា​គន្លឹះថា នៅពេលទៅស្រុកកំណើត ការហូបចុក ការចំណាយនានាគួរតែសន្សំសំចៃ ប្រើមធ្យោបាយកាត់បន្ថយចំណាយ ជាវិធីដែលអាចជួយកុំឱ្យមានបញ្ហាខ្វះខាតនៅពេលចប់ចូលឆ្នាំខ្មែរ។ លោកបន្តថា អ្វីដែលត្រូវគិតគូរ គឺគិតគូរពីរបៀបធ្វើផែនការថវិកា យ៉ាងហោចណាស់ធ្វើមួយឆ្នាំម្ដង ខែណាខ្លះត្រូវចំណាយប៉ុន្មាន? ដោយរៀបចំជាកញ្ចប់ថវិកាសម្រាប់បុណ្យចូលសកល បុណ្យចូលឆ្នាំខ្មែរ ឬត្រៀមកញ្ចប់លុយសម្រាប់ខែមានពីធីមង្គលការច្រើនផងដែរ។ ដូច្នេះ ត្រូវគិតពិចារណាកាត់បន្ថយចំណាយណាខ្លះដែលមិនចាំបាច់ ព្រោះចំណាយខ្លះគ្រាន់តែជាចំណង់ មិនមែនជាតម្រូវការនោះទេ។

ជាមួយគ្នានេះ លោក គីម ដារ៉ា ស្ថាបនិកសាលាបង្វឹក Startup Community ក៏​បានលើកឡើងដែរថា អំឡុងពេលបុណ្យចូលឆ្នាំខ្មែរ លោកសង្កេតឃើញថា​ ការចំណាយដែលច្រើនជាងគេ គឺការចំណាយលើគ្រឿងស្រវឹង ដែលអាចប៉ះពាល់ដល់សុខភាព គ្រោះថ្នាក់ចរាចរណ៍ដល់ជីវិតខ្លួនឯង និងអ្នកដទៃ។

លោក គីម ដារ៉ា ស្ថាបនិកសាលាបង្វឹក Startup Community

ឆ្លើយតបសំណួរ តើចាត់ចែងលុយដូចម្ដេចអំឡុងពេលចូលឆ្នាំខ្មែរ? លោក គីម តារា មានប្រសាសន៍ថា គួរចំណាយលើអ្វីដែលចាំបាច់ ឧទាហរណ៍ យើងធ្វើបុណ្យទានតាមប្រពៃណី​ ទៅវត្តប្រគេនចង្ហាន់ព្រះសង្ឃ ជូនលុយចាស់ៗ ធ្វើម្ហូបអាហារជុំគ្រួសារជាធម្មតា តែកុំចំណាយលើគ្រឿងស្រវឹងច្រើនលើសលប់ពេក។ បើអាចអត់ផឹកគ្រឿងស្រវឹងបានកាន់តែប្រសើរ តែបើចង់អាចផឹកក្នុងបរិមាណតិចតួច កុំឱ្យដល់លក្ខណៈគ្រប់គ្រងស្មារតីមិនបាន ឬចំណាយលើស្រាបៀរច្រើនជ្រុល។

បើតាមលោក គីម ដារ៉ា វិធីដែលល្អបំផុតក្នុងការរៀបចំហិរញ្ញវត្ថុក្នុងពេលបុណ្យចូលឆ្នាំខ្មែរ គឺកំណត់ចំនួនលុយដែលត្រូវចាយ។ ត្រូវមានកញ្ចប់ចំណាយច្បាស់លាស់ ដោយមិនចំណាយខុសពីអ្វីដែលបានកំណត់។ ឧទាហរណ៍ ក្នុងកញ្ចប់លុយ ១០០ដុល្លារ យើងកំណត់ចាយត្រឹម ៨០ភាគរយ ហើយ២០ភាគរយទៀត ត្រៀមសម្រាប់ការចំណាយលើសណាមួយ។ លោក គីម ដារ៉ា បន្តថា នៅពេលយើងកំណត់ច្បាស់លាស់ ការគ្រប់គ្រងអារម្មណ៍ ផ្លូវចិត្ត ក៏មានភាពប្រសើរឡើង ដោយសារយើងមានភាពម្ចាស់ការលើខ្លួន​ឯង ហើយនៅពេលចប់ពិធីបុណ្យចូលឆ្នាំ ត្រឡប់មកធ្វើការវិញក៏មិនភ័យព្រួយ ព្រោះបានកំណត់ការចំណាយរួចរាល់ហើយ៕



About WordPress

របាយការណ៍ថ្មី

មើលទាំងអស់ ➧

ព័ត៌មានទូទៅ

មើលទាំងអស់ ➧

វិទ្យាស្ថានបច្ចេកវិទ្យាកំពង់ឈើទាលជ្រើសរើសនិស្សិតអាហារូបករណ៍ទៅសិក្សានៅប្រទេសថៃ ឆ្នាំសិក្សា២០២៤-២០២៥

ព័ត៌មានអាហារូបករណ៍, ព្រឹត្តិការណ៍

• 05/12/2024

វិទ្យាស្ថានបច្ចេកវិទ្យាកំពង់ឈើទាល​ ប្រកាសការប្រឡងជ្រើសរើសសិស្ស និស្សិត និងសាធារណជន ជាច្រើនកន្លែង ដើម្បីទៅបន្ត​ការ​សិក្សាថ្នាក់បរិញ្ញាបត្រ និងបរិញ្ញាបត្រជាន់ខ្ពស់នៅប្រទេសថៃ ក្រោមគម្រោងព្រះរាជទានរបស់ ព្រះអង្គម្ចាស់ក្សត្រីយមហាចក្រីសិរិនថន

ឱកាសសិក្សានៅអឺរ៉ុប ៖ អូទ្រីសប្រកាសផ្តល់អាហារូបករណ៍កម្រិតបរិញ្ញាបត្រជាន់ខ្ពស់ និងក្រោយបណ្ឌិត សម្រាប់ឆ្នាំសិក្សា ២០២៧-២០២៨

ព័ត៌មានអាហារូបករណ៍, ព្រឹត្តិការណ៍

• 23/09/2026

ក្រសួងអប់រំ យុវជន និងកីឡា បានចេញសេចក្តីជូនដំណឹងជាផ្លូវការស្តីពីការផ្តល់អាហារូបករណ៍របស់ក្រសួងអប់រំ វិទ្យាសាស្ត្រ និងស្រាវជ្រាវសហព័ន្ធអូទ្រីស (BMBWF)

ក្រសួងអប់រំប្រកាសជ្រើសរើសនិស្សិតអាហារូបករណ៍ថ្នាក់ឧត្ដមសិក្សា ទៅ​សិក្សា​នៅ​សាធារណរដ្ឋប្រជាមានិតចិន ឆ្នាំសិក្សា២០២៥-២០២៦

ព័ត៌មានអាហារូបករណ៍, ព្រឹត្តិការណ៍

• 05/03/2025

តាមរយៈក្រសួងអប់រំ យុវជន និងកីឡា និងក្រសួងការបរទេស និងសហប្រតិបត្តិការអន្តរជាតិ សហការជាមួយមន្ទីរអប់រំ នៃតំបន់ស្វយ័តជនជាតិជាំងក្វាងស៊ី នៃសាធារណរដ្ឋប្រជាមានិតចិន បានផ្ដល់អាហារូបករណ៍ចំនួន៨កន្លែង ដល់សិស្ស និស្សិត...

ក្រសួងអប់រំជ្រើសរើស​និស្សិត​អាហារូបករណ៍១០០% សិក្សា​ថ្នាក់​បរិញ្ញាបត្ររង និង​ថ្នាក់បរិញ្ញាបត្រ នៅ​វិទ្យាស្ថាន​បច្ចេកវិទ្យា​កំពង់ស្ពឺ

ព័ត៌មានអាហារូបករណ៍, ព្រឹត្តិការណ៍

• 19/08/2025

ជា​ឱកាស​សម្រាប់​សិស្សានុសិស្ស​ដែល​បានបញ្ចប់ថ្នាក់ទី១២ បើទោះជា​ធ្លាក់ ឬជាប់បាក់ឌុប ដោយ​ក្រសួងអប់រំ យុវជន និងកីឡា កំពុង​ប្រកាសប្រឡង​ជ្រើសរើស​និស្សិត​អាហារូបករណ៍១០០% និង​និស្សិត​បង់ថ្លៃ សរុប​ចំនួន ២៩០កន្លែង...

លក្ខខណ្ឌ និងគន្លឹះសំខាន់ដែលអ្នកស្នើពាក្យអាហារូបករណ៍ Australia Awards គួរដឹង

ព័ត៌មានអាហារូបករណ៍, ព្រឹត្តិការណ៍

• 19/03/2025

កម្មវិធីអាហារូបករណ៍ Australia Awards ជាអាហារូបករណ៍ដែលផ្ដល់ដោយរដ្ឋាភិបាលអូស្ត្រាលី សម្រាប់ការសិក្សាថ្នាក់ឧត្ដមសិក្សា នៅសាកលវិទ្យាល័យជាច្រើនក្នុងប្រទេសអូស្ត្រាលី ហើយអាហារូបករណ៍តែងតែផ្ដល់ឱ្យជារៀងរាល់ឆ្នាំ។

រៀនជំនាញដូនតាដោយឥតគិតថ្លៃ ជាមួយក្រសួងវប្បធម៌ និង​វិចិត្រសិល្បៈ

ព័ត៌មានអាហារូបករណ៍, ព្រឹត្តិការណ៍

• 07/04/2026

ក្រសួងវប្បធម៌ និង​វិចិត្រសិល្បៈ ប្រកាស​ពីការ​ផ្តល់ជូន​ការ​បណ្តុះបណ្តាលជំនាញដូនតាដោយ​ឥតគិតថ្លៃ សម្រាប់ឆ្នាំ២០២៦ ដល់យុវជន និងសាធារណជន ដែលចង់ចេះជំនាញ​ដូចជា តម្បាញសូត្រ និងអំបោះ, តម្បាញក្រមាពណ៌ត្រុំ,

ឱកាសសិក្សានៅសាកលវិទ្យាល័យល្បីៗចំនួន៤ក្នុង​ប្រទេស​សិង្ហបុរី ពីអាហារូបករណ៍ Dr.GOH KENG SWEE

ព័ត៌មានអាហារូបករណ៍, ព្រឹត្តិការណ៍

• 11/01/2023

កម្មវិធីអាហារូបករណ៍ Dr. GOH KENG SWEE ឬហៅកាត់ថា GKS Scholarship ប្រកាស​ផ្ដល់អាហារូបករណ៍ថ្នាក់បរិញ្ញាបត្រដល់និស្សិតបរទេសឆ្នើម...

មជ្ឈមណ្ឌលបុប្ផាណា រើសសិស្សអាហារូបករណ៍ ១២នាក់ លើជំនាញផលិតភាពយន្តឯកសារ និងពហុប្រព័ន្ធផ្សព្វផ្សាយ

ព័ត៌មានអាហារូបករណ៍, ព្រឹត្តិការណ៍

• 23/01/2026

មជ្ឈមណ្ឌលធនធានសោតទស្សន៍បុប្ផាណា (Bophana Center) បានប្រកាសទទួលពាក្យសុំចូលរៀនវគ្គបណ្តុះបណ្តាលផ្នែក «ផលិតភាពយន្តឯកសារ និងពហុប្រព័ន្ធផ្សព្វផ្សាយ» សម្រាប់ឆ្នាំសិក្សា ២០២៦-២០២៧...

មូលនិធិព្រីនស៍ ផ្តល់ជូនអាហារូបករណ៍ ចេន ហ្ស៊ី ជំនាន់ទី៣ ដល់និសិ្សតចំនួន ១០០នាក់ ជាសសរទ្រូងនៃការរីកចម្រើនរបស់កម្ពុជា

ព័ត៌មានអាហារូបករណ៍, ព្រឹត្តិការណ៍

• 20/03/2024

នៅក្នុងដំណើរឆ្ពោះទៅរកការពង្រឹងវិស័យអប់រំ ថ្មីៗនេះ មូលនិធិព្រីនស៍ ជាមូលនិធិមនុស្សធម៌នៃសម្ព័ន្ធក្រុមហ៊ុន ព្រីនស៍ ហូលឌីង គ្រុប បានរៀបចំពិធីប្រគល់ អាហារូបករណ៍ ចេន ហ្ស៊ី ជំនាន់ទី៣ ជូនដល់សិស្សនិស្សិត។



អាសយដ្ឋាន​អ៊ីមែល​របស់​អ្នក​នឹង​មិន​ត្រូវ​ផ្សាយ​ទេ។វាល​ដែល​ត្រូវ​ការ​ត្រូវ​បាន​គូស *