គីម ស៊ីដដាវីស ៖ គ្រប់គ្រងអារម្មណ៍ខ្លួនឯងដើម្បីកាត់បន្ថយបញ្ហា

អ្នកស្រី គីម ស៊ីដដាវីស សាស្រ្តាចារ្យជំនួយ នៃសាកលវិទ្យាល័យភូមិន្ទភ្នំពេញ និងជាអ្នកបង្កើតវីដេអូអប់រំ អ្នកស្រីបាន​ឱ្យដឹងថា ការគ្រប់គ្រងអារម្មណ៍សំខាន់ ប៉ុន្តែទម្រាំអ្នកស្រីរកឃើញថា នេះជាសញ្ញាអវិជ្ជមានប៉ះពាល់ដល់ការរស់នៅ និងមនុស្សជុំវិញខ្លួន។ គឺវាបានបង្កបញ្ហាជាច្រើន ចំពោះដំណើរជីវិតរបស់អ្នកស្រី ក្នុងរយៈពេលវែងរួចមកហើយ។

អ្នកស្រីបន្តថា ការខ្វះសមត្ថភាពនៅក្នុងការគ្រប់គ្រងអារម្មណ៍ខ្លួនឯង បានធ្វើ​ឱ្យ​ខូចប្រយោជន៍ក្នុងការរក្សាទំនាក់ទំនង និងការអភិវឌ្ឍខ្លួន។ ដើមឡើយ ស៊ីដដាវីស ជាមនុស្សដែលបុគ្គលិកលក្ខណៈ កាច ឆ្នាស ប៉ះមិនបាន រហូតដល់ហ៊ានប្រើប្រាស់ហិង្សាទៅកាន់ក្មេងវ័យស្របាក់ស្របាលគ្នាក្នុងគ្រាមានជម្លោះជាមួយនឹងគ្នា។  ហិង្សាកាលកុមារភាព បានឈានទៅដល់ការបង្កគ្រោះថ្នាក់របួសរាងកាយ និងបានដក់ជាប់ក្នុងអារម្មណ៍របស់អ្នកស្រីមកដល់បច្ចុប្បន្ន។ កត្តាទាំងនេះ បានប៉ះពាល់ផ្លូវចិត្ត ទៅកាន់ជីវិតរបស់អ្នកស្រីតាំងពីក្មេងរហូតដល់វ័យមួយ ដែលអ្នកស្រីមើលឃើញថា ដល់ពេលដែលត្រូវផ្លាស់ប្តូរទៅរកភាពវិជ្ជមាន គឺការបណ្តុះសមត្ថភាព ធ្វើយ៉ាងណាអាចគ្រប់គ្រងអារម្មណ៍ខ្លួនឯងបាន។

អ្នកស្រី ស៊ីដដាវីស បន្តថា ប្រសិនបើមិនទាន់រកឃើញថា ការគ្រប់គ្រងអារម្មណ៍ខ្លួនឯងមានសារៈសំខាន់នៅឡើយទេ ទោះមានវ័យ៤០ឆ្នាំ ក៏នៅតែមានអាកប្បកិរិយាដដែលដែរ។ ពីព្រោះការគ្រប់គ្រងអារម្មណ៍ មិនប្រាកដថា អាយុតិច ឬក៏ច្រើន ទើបអាចធ្វើវាបានទេ ហើយបើសិនអត់ដឹងពីខ្លួនឯង ក៏មិនអាចធ្វើបានដែរ។

ការដឹងថា គ្រប់គ្រងអារម្មណ៍ខ្លួនឯង មានសារៈប្រយោជន៍ គឺការផ្តើមស្វែងយល់ពីខ្លួនឯងមុនគេបង្អស់ ខ្ញុំស្វែងយល់ពីអាកប្បកិរិយាខ្លួនឯង សកម្មភាពដែលខ្លួនឯងធ្វើមានលក្ខណៈបែបណា ហើយអ្វីដែលសំខាន់គឺ ខ្ញុំស្រាវជ្រាវ រកបទពិសោធន៍អាក្រក់ៗ មួយចំនួនដែលកើតឡើង ក្នុងជីវិតរបស់ខ្ញុំ។

អ្នកផលិតវីដេអូអប់រំរូបនេះ បន្តថា ចំពោះរឿងមិនល្អ ដែលកើតឡើងកន្លងមក វាបណ្តាលមកពីអ្វី ? កើតឡើងដោយរបៀបណា? អ្នកស្រីរកឃើញថា ភាគច្រើន គឺមកពីអារម្មណ៍ទាំងអស់ មិនថាអារម្មណ៍ខឹង មិនថា អារម្មណ៍សោកសៅ អារម្មណ៍ភ័យ អារម្មណ៍ខ្លាច ភាគច្រើន គឺទាក់ទងនឹងអារម្មណ៍ទាំងអស់ ហើយវាបង្កបញ្ហាជាច្រើននាពេលកន្លងមក។ នៅពេលដែល អ្នកស្រី ស្វែងយល់ខ្លួនឯង ស្វែងរករឿងរ៉ាវទាំឡាយដែលទាក់ទងជាមួយនឹងអ្វីៗដែលបានកើតឡើង  អ្នកស្រីចាប់ផ្តើមដឹងថា តើត្រូវធ្វើយ៉ាងម៉េចបន្តទៀត?

ពីមុននៅពេលដែលឮគេនិយាយថា អ្នកឯងប៉ះមិនបានទេ គឺកាន់តែខឹងខ្លាំង! គេនិយាយមក ខ្លួនឯងនេះមានអារម្មណ៍ថាឆាប់ខឹង។ ម៉េចបានគេគិតថាខ្ញុំជាមនុស្សបែបហ្នឹង ។ សូម្បីគេហៅខុសឈ្មោះក៏ខឹង។ ក្រោយមក ខ្ញុំទទួលស្គាល់ខ្លួនឯងថា ខ្ញុំជាមនុស្សដែលអារម្មណ៍ងាយរសើប អារម្មណ៍ងាយប៉ះ​ និងរកគន្លឹះដោះស្រាយ។

អ្នកស្រី គីម ស៊ីដដាវីស បន្តរំលេចថា បន្ទាប់ពីស្វែងរកមូលហេតុ ការយល់ពីខ្លួនឯង ទទួលស្គាល់ការពិត បន្ទាប់មកទៀត អ្នកស្រីរិះរកវិធីសាស្រ្ត ដើម្បីដោះស្រាយជាច្រើន និងជ្រើសតែវិធីសាស្រ្តណាដែលសមស្របជាមួយខ្លួនឯងប៉ុណ្ណោះ ហើយអ្វីដែលអ្នកស្រីលើកយកមកបង្ហាញជូន គឺរបៀបនៃការឆ្លើយតបមួយដ៏សមរម្យ មិនលឿនពេក ជារួមគឺឆ្លើយតបឱ្យយឺតបំផុត។ គ្រាន់តែជ្រើសយកការឆ្លើយតប បែបវិជ្ជមាន បានធ្វើឱ្យអារម្មណ៍កាន់តែប្រសើរជាងមុន។ រៀងរាល់ពេលដែលអារម្មណ៍ប៉ះអ្វីដែលអាចធ្វើបាន គឺទប់ចិត្តបន្តិច មិនបាច់ឆ្លើយតបភ្លាមៗទេ។ អ្នកស្រី បញ្ជក់ចុងក្រោយថា  កុំឱ្យអារម្មណ៍ខ្លួនឯង បំផ្លាញមនុស្សល្អៗ នៅជុំវិញខ្លួនឯងឱ្យសោះ៕



About WordPress

របាយការណ៍ថ្មី

មើលទាំងអស់ ➧

ព័ត៌មានទូទៅ

មើលទាំងអស់ ➧

អាហារូបករណ៍ថ្នាក់បរិញ្ញាបត្រ បរិញ្ញាបត្រជាន់ខ្ពស់ និងថ្នាក់បណ្ឌិត នៅសាកលវិទ្យាល័យ Negeri Jakarta ប្រទេសឥណ្ឌូណេសុី

ព័ត៌មានអាហារូបករណ៍, ព្រឹត្តិការណ៍

• 24/03/2026

សាកលវិទ្យាល័យ Negeri Jakarta របស់ប្រទេសឥណ្ឌូនេស៊ី បានប្រកាស់ផ្តល់អាហារូបករណ៍ថ្នាក់បរិញ្ញាបត្រ ថ្នាក់បរិញ្ញាបត្រជាន់ខ្ពស់ និងថ្នាក់បណ្ឌិត សម្រាប់ឆ្នាំសិក្សា២០២៦

អាហារូបករណ៍៦០កន្លែង សម្រាប់​ជំនាញវិស្វកម្ម​អេឡិចត្រូនិក​នៅ​វិទ្យាស្ថានជាតិ​ពហុបច្ចេកទេស​អង្គរ

ព័ត៌មានអាហារូបករណ៍, ព្រឹត្តិការណ៍

• 20/12/2024

វិទ្យាស្ថានជាតិ​ពហុបច្ចេកទេស​អង្គរ បានប្រកាស​ពីការផ្តល់ជូនអាហារូបករណ៍​១០០% ដល់សិស្ស​ធ្លាក់ ឬជាប់​ថ្នាក់ទី១២ សម្រាប់ជំនាញ​វិស្វកម្ម​អេឡិច​ត្រូនិក សិក្សា​រយៈពេល​២ឆ្នាំ ចំនួន៦០កន្លែង។

វិទ្យាស្ថានជាតិកសិកម្មព្រែកលៀបផ្ដល់អាហារូបករណ៍ថ្នាក់បរិញ្ញាបត្រ១០០០កន្លែងសម្រាប់ឆ្នាំសិក្សា២០២៣

ព័ត៌មានអាហារូបករណ៍, ព្រឹត្តិការណ៍

• 05/01/2023

វិទ្យាស្ថានជាតិកសិកម្មព្រែកលៀបបាន​ប្រកាស​ផ្ដល់អាហារូបករណ៍១០០%ថ្នាក់បរិញ្ញាបត្រចំនួន១០០០កន្លែងសម្រាប់សិស្សទើបបញ្ចប់មធ្យមសិក្សាទុតិយភូមិ...

អាហារូបករណ៍ KOICA’s 2026 សម្រាប់មន្រ្តីរាជការ​កម្ពុជា សិក្សា​ថ្នាក់បរិញ្ញាបត្រជាន់ខ្ពស់ នៅប្រទេសកូរ៉េ

ព័ត៌មានអាហារូបករណ៍, ព្រឹត្តិការណ៍

• 07/11/2025

កម្មវិធីអាហារូបករណ៍ KOICA (SP) ដែលត្រូវបានបង្កើតឡើងដើម្បីបណ្ដុះបណ្ដាលភាពជាអ្នកដឹកនាំដល់នៅក្នុងប្រទេសដៃគូ ដើម្បីរួមចំណែកដល់ការអភិវឌ្ឍសេដ្ឋកិច្ច-សង្គម នៃប្រទេសកំណើតរបស់ខ្លួន...

អាហារូបករណ៍​រដ្ឋាភិបាល​ចក្រភព​អង់គ្លេស​ ​Chevening​ ​ឆ្នាំ​២០២៧​-​២០២៨​ ​បើក​ទទួល​ពាក្យ​ផ្លូវការ​

ព័ត៌មានអាហារូបករណ៍, ព្រឹត្តិការណ៍

• 05/08/2026

កម្មវិធីអាហារូបករណ៍ដ៏ល្បីល្បាញរបស់រដ្ឋាភិបាលចក្រភពអង់គ្លេស Chevening បានប្រកាសបើកទទួលពាក្យសុំអាហារូបករណ៍ជាផ្លូវការ សម្រាប់ឆ្នាំសិក្សា ២០២៧-២០២៨។

វិទ្យាស្ថានពហុបច្ចេកទេស​ភូមិភាគ​តេជោសែនស្វាយរៀង ជ្រើសរើស​សិស្ស​ចូលរៀនជំនាញ​បច្ចេកទេស ចំនួន៣៣០កន្លែង​ឥតគិតថ្លៃ

ព័ត៌មានអាហារូបករណ៍, ព្រឹត្តិការណ៍

• 04/10/2024

ជា​ឱកាស​សម្រាប់​យុវជន យុវនារី ដែល​មក​ពី​គ្រួសារក្រីក្រ ឬ​គ្រួសារ​ងាយរងហានិភ័យ និង​សាធារណៈជន​ទូទៅ ដែលមានបំណង​ចង់ទទួលបានជំនាញមួយ​ច្បាស់លាស់សម្រាប់ជីវិត, វិទ្យាស្ថានពហុបច្ចេកទេស​ភូមិ​ភាគ​តេជោសែនស្វាយរៀង ប្រកាស​ជ្រើសរើស​សិស្ស​ចូលរៀន​...

វិទ្យាស្ថានពហុបច្ចេកទេស​ភូមិភាគ​តេជោសែនស្វាយរៀង ប្រកាសជ្រើសរើស​សិក្ខាកាម ចូលរៀន​ជំនាញបរិក្ខារត្រជាក់ និង​កាមេរ៉ាសុវត្ថិភាព ឥតគិតថ្លៃ

ព័ត៌មានអាហារូបករណ៍, ព្រឹត្តិការណ៍

• 18/08/2023

សម្រាប់យុវជន យុវនារី កម្មករ កម្មការិនី ដែលបាត់បង់​ឱកាស​ការងារ​នៅតាម​រោងចក្រ សហគ្រាស​នានា និង​គ្មានការងារធ្វើ, ពេលនេះ វិទ្យាស្ថានពហុបច្ចេកទេស​ភូមិភាគ​តេជោសែនស្វាយរៀង ប្រកាស​ជ្រើសរើស​សិក្ខាកាម​...

អាហារូបករណ៍ថ្នាក់ឧត្ដមសិក្សានៅប្រទេសឥណ្ឌូនេស៊ី ពីកម្មវិធី Kemitraan Negara Berkebang

ព័ត៌មានអាហារូបករណ៍, ព្រឹត្តិការណ៍

• 26/01/2024

ឱកាសសិក្សាអាហារូបករណ៍ថ្នាក់ឧត្ដមសិក្សានៅប្រទេសឥណ្ឌូនេស៊ី ពីកម្មវិធីអាហារូបករណ៍ Kemitraan Negara Berkembang ឆ្នាំ២០២៤។ អាហារូបករណ៍ផ្ដល់ជូនការសិក្សា...

អាហារូបករណ៍​ថ្នាក់បណ្ឌិត ជំនាញវិទ្យាសាស្រ្តកុំព្យូទ័រ និងព័ត៌មានវិទ្យា នៅ​ប្រទេស​សឹង្ហបុរី

ព័ត៌មានអាហារូបករណ៍, ព្រឹត្តិការណ៍

• 31/07/2024

A*STAR Computing and Information Science (ACIS) បានប្រកាស​ផ្តល់អាហារូបករណ៍​ដល់អ្នកមានបំណងចង់បន្តការសិក្សា​ថ្នាក់បណ្ឌិត​ផ្នែកុំព្យូទ័រ និង​វិទ្យាសាស្រ្ត​ព័ត៌មាន។



អាសយដ្ឋាន​អ៊ីមែល​របស់​អ្នក​នឹង​មិន​ត្រូវ​ផ្សាយ​ទេ។ វាល​ដែល​ត្រូវ​ការ​ត្រូវ​បាន​គូស *