ព្រឹត្តិការណ៍ព័ត៌មាន
ចំណេះជីវិត
ជំនាញ
យុវជនឆ្នើម
អប់រំកុមារតូច
ព័ត៌មានអាហារូបករណ៍
មាតិកាឌីជីថល
អនាគត
ពន្លកបៃតង
កម្ពុជា 360°
ការផ្លាស់ប្តូរកន្លែងរស់នៅ គឺជាបទពិសោធន៍ដ៏ធំមួយដែលតែងតែទាមទារនូវថាមពល និងការសម្រេចចិត្តជាច្រើន។ តាមទម្លាប់ មនុស្សភាគច្រើនតែងតែផ្តោតភ្លាមៗលើការវាស់វែងអំពី ភាពខុសគ្នានៃតម្លៃ និងការផ្ទៀងផ្ទាត់អំពី ចម្ងាយ ឬរយៈពេលនៃការធ្វើដំណើរ ទៅកាន់កន្លែងថ្មី ប៉ុន្តែការជ្រើសសម្ភារៈ និងការកាត់ចោលនូវវត្ថុទាំងឡាយណាដែលពុំចាំបាច់ ឬរៀបចំដោយយកគំរូដែលមានស្រាប់ ឬការមើលអំពីរដូវកាលនិងអាកាសធាតុក៏ជាចំណែកសំខាន់ដែរ។
តាមរយៈគេហទំព័រ Smilehandyy បានបង្ហាញពីភាពឈ្លាសវៃមួយចំនួនដែលគួរដឹង នៅពេលដែលត្រូវការផ្លាស់ប្តូរកន្លែងរស់នៅ ដោយមានរៀបរាប់លម្អិតនៅខាងក្រោម ៖
១. ការរៀបគម្រោងទុកមុន ៖ ការផ្លាស់ទីកន្លែង មិនមែនផ្តោតលើតែការដឹកជញ្ជូនតែមួយមុខរួចក៏ចប់នោះទេ គឺវារួមបញ្ចូលទាំងការរៀបចំ ហើយដើម្បីកាត់បន្ថយការចំណាយពេលច្រើនក្នុងការរៀបចំនៅកន្លែងថ្មី ការវេចខ្ចប់សម្ភារៈដែលមានស្រាប់ឱ្យមានរបៀបរៀបរយ ក៏ជាការរួមចំណែកក្នុងការរស់នៅដូចគ្នាដែរ។ យ៉ាងហោចណាស់មានពេលមួយខែក្នុងការត្រៀមខ្លួនរៀបចំសម្ភារៈ ដើម្បីវិភាគថា តើសម្ភារៈណាដែលចាំបាច់ និងមានពេលគ្រប់គ្រាន់ក្នុងការរៀបចំតាមលំដាប់លំដោយ និងដើម្បីធានាថាមិនមានការភ្លេចសម្ភារៈដែលសំខាន់ៗ។
២. សង្រួបសង្រួមស្មារតី ៖ ការផ្លាស់ប្តូរកន្លែងស្នាក់នៅ ត្រូវការទាំងកម្លាំងកាយ និងកម្លាំងចិត្ត ជាកត្តាបង្កបាននូវភាពហត់នឿយ ស្រេ្តស និងអស់កម្លាំង ហើយការរក្សាចិត្តឱ្យនឹងធឹងអាចនឹងពិបាកបន្តិច ប៉ុន្តែការសម្រួចចិត្ត និងស្មារតីឱ្យមានការរឭកដឹង នៅតែដើរតួនាទីសំខាន់គ្រប់កាលៈទេសៈ និងជាសកម្មភាពមួយដែលជួយឱ្យរាងកាយ និងខួរក្បាលបានសម្រាក។ ដូច្នេះគួររៀបចំមួយៗ កុំប្រញាប់ពេក និងរីករាយនឹងជាមួយបទពិសោធន៍នៃការផ្លាស់ប្តូរ។
៣. ជៀសវាងការសស្លន់សស្លោ ៖ ជាការពិត ការផ្លាស់ប្តូរទីតាំងរបស់មនុស្សម្នាក់ៗ មិនដូចគ្នានោះទេ គឺអាស្រ័យលើទំហំ និងរយៈចម្ងាយរបស់មនុស្សម្នាក់ៗ ហើយនៅថ្ងៃដែលត្រូវធ្វើសកម្មភាពជញ្ជូនសម្ភារៈក៏មិនគួរធ្វើម្តងទាំងអស់នោះដែរ ឬមិនរំពឹងលើផែនការដែលបានរៀបទាំងស្រុងនោះទេ ព្រោះអាកាសធាតុមានការប្រែប្រួល ឬចរាចរណ៍មានភាពមមាញឹកខុសពីធម្មតាក៏មាន ដូចនេះគួរមានការបត់បែនតាមស្ថានភាព និងការគិតទុកជាមុនអំពីឧបសគ្គទាំងនេះ ដើម្បីកាត់បន្ថយភាពតានតឹងនៅពេលដែលដំណើរការមិនទៅតាមគោលដៅ។
៤. កាត់ចោលសម្ភារៈដែលពុំចាំបាច់ ៖ និយាយដល់ការកាត់ចោលសម្ភារៈដែលពុំចាំបាច់ គេអាចនឹងនឹកទៅដល់ប្រយោគមួយដែលនិយាយថា តិចតែច្រើន ប៉ុន្តែពេលខ្លះតិចហើយមិនអាចប្រើប្រាស់បានទៀតនឹងនាំនូវផលវិបាក! នោះគឺចង់សំដៅទៅដល់ការកាត់ចោលសម្ភារៈទាំងឡាយណាដែលមិនមានតម្រូវការជាក់ស្តែងនៅទីតាំងថ្មី។ ដូចនេះមុននឹងជម្រុះចោលសម្ភារៈគួរតែទៅពិនិត្យនៅទីតាំងថ្មីជាមុនសិន ថា តើមានអ្វីខ្លះដែលមានស្រាប់ ឬមិនទាន់មាន! ទើបនាំឱ្យការសម្រេចចិត្តកាន់តែឆ្លើយតបនឹងតម្រូវការថា តើគួរម្រេចចិត្តលក់ ឬបោះចោល ឬផ្តល់ឱ្យអ្នកដទៃ និងការរក្សាទុកជាដើម៕
