ព្រឹត្តិការណ៍ព័ត៌មាន
ចំណេះជីវិត
ជំនាញ
យុវជនឆ្នើម
អប់រំកុមារតូច
ព័ត៌មានអាហារូបករណ៍
មាតិកាឌីជីថល
អនាគត
ពន្លកបៃតង
កម្ពុជា 360°
សម្រាប់អ្នកដែលធ្វើការពេញម៉ោង ពេលវេលាចុងសប្តាហ៍ជាឱកាសក្នុងសម្រាកលំហែកាយដ៏រីករាយជាមួយក្រុមគ្រួសារ ឬមិត្តភ័ក្ដ្រ តែទោះបីជាថ្ងៃអាទិត្យជាពេលវេលាឈប់សម្រាកក៏ដោយ ប៉ុន្តែការរក្សាតុល្យភាពផ្លូវចិត្ត និងផ្លូវកាយជាផ្នែកសំខាន់ ព្រោះថ្ងៃច័ន្ទជាពេលដែលត្រូវត្រឡប់ទៅបន្តបំពេញបេសកកម្មវិញ។ និយាយដល់រឿងនេះ មានមនុស្សមួយចំនួនហាក់មានអារម្មណ៍ធុញថប់ពេលនិយាយពីការចាប់ផ្តើមទំព័រសប្តាហ៍ថ្មី។ ដូច្នេះ តើមានសកម្មភាពអ្វីខ្លះនៅល្ងាច ឬយប់ថ្ងៃអាទិត្យ ដើម្បីជំរុញចិត្ត និងថាមពល ក្នុងការបន្តការងារនៅព្រឹកថ្ងៃច័ន្ទ?
យោងតាមគេហទំព័ T-THREE បានផ្តល់នូវវិធីសាស្រ្តចំនួន៥ ដើម្បីកាត់បន្ថយភាពតាងតឹង ឬសម្រួលអារម្មណ៍ ទប់ទល់សកម្មភាពថប់បារម្ភនៅថ្ងៃអាទិត្យ ដែលអាចអនុវត្តន៍ដូចខាងក្រោម៖
១. សង្កេតខ្លួនឯង ៖ ប្រសិនបើអ្នកមានអារម្មណ៍តប់ប្រមល់ស្របពេលវាជាថ្ងៃសម្រាកររបស់អ្នកនៅឡើយ អ្នកគួរតែចំណាយពេល ឬដកឃ្លាបន្តិចដើម្បីតាមដានចិត្ត និងសកម្មភាពខ្លួនឯង ។ ព្រោះបើកាលណាអារម្មណ៍ធុញថប់កើតមានរយៈពេលពេញមួយថ្ងៃ វានឹងបណ្តាលឱ្យអ្នកបាត់បង់ចំណង់ក្នុងការបន្តការងារនៅថ្ងៃច័ន្ទ ហើយពេលខ្លះទៀតថែមទាំងត្រូវការពេលដើម្បីឈប់សម្រាកបន្ថែមក្រោយចុងសប្តាហ៍ក៏មាន កត្តាទាំងនេះអាចកើតឡើងដោយសារហេតុផលស៊ីជម្រៅណាមួយដែលអ្នកមិនបានចាប់អារម្មណ៍ពីមុនមក។ ការរកឃើញនូវមូលហេតុដែលនាំឱ្យអ្នកមិនសប្បាយចិត្ត ឬក៏ការកំណត់បញ្ហា វាជាវិធីសាស្រ្តមួយដែលអាចជួយគ្រប់គ្រងអារម្មណ៍របស់អ្នកឱ្យមានភាពប្រសើរជាងមុន ហើយស្វែងរកគន្លឹះដើម្បីដោះស្រាយ។
២. កំណត់សកម្មភាព ៖ ការកំណត់ និងរៀបចំសកម្មភាពនៅថ្ងៃអាទិត្យ ជាការពណ៌នាអំពីសកម្មភាពប្រចាំថ្ងៃល្អៗ និងការរៀបផែនការមុនពេលចាប់ផ្តើមសប្តាហ៍ថ្មី។ ការចេះកំណត់សកម្មភាពសម្រាប់ថ្ងៃថ្មីឱ្យរួចរាល់ អាចធ្វើឱ្យចិត្តរបស់អ្នកបានស្ងប់ និងកាត់បន្ថយនូវភាពភ័យខ្លាចក្នុងការចាប់ផ្តើមបើកទំព័រសប្តាហ៍ថ្មី។ សរសរ រាល់កិច្ចការ ដែលត្រូវធ្វើដាក់បញ្ចូលទៅក្នុងតារាងនូវអ្វីដែលលោកអ្នកគ្រោងនឹងសម្រេចឱ្យបាន។
៣.ធ្វើខ្លួនឱ្យសកម្ម ៖ ប្រសិនបើនៅថ្ងៃអាទិត្យជាថ្ងៃសម្រាក ប៉ុន្តែអ្នកនៅតែមានអារម្មណ៍ថាថប់បារម្ភ ការចេញទៅរកទីកន្លែកដែលមានខ្យល់អាកាសបរិសុទ្ធអាចផ្លាស់ប្តូរស្ថានភាពនេះបាន។ ជាមួយគ្នានេះ អ្នកក៏អាចទៅហាត់ប្រាណតាមរយៈសកម្មភាពដូចជា រត់ សមាធិ និងហាត់យូកាជាដើម។
៤. ផ្តល់អាទិភាពចំពោះដំណេក ៖ ការទទួលទានដំណេកឱ្យស្កប់ស្កល់ វាផ្តល់អត្ថប្រយោជន៍ទំាងសុខភាពផ្លូវចិត្ត និងផ្លូវកាយ, នេះជាមូលហេតុដែលលោកអ្នក ត្រូវតែយកចិត្តទុកដាក់ជាចម្បងនៅយប់ថ្ងៃអាទិត្យ។ ដូច្នេះត្រូវបង្កើតទម្លាប់ដែលជំរុញឱ្យការគេងលក់ស្រួល ហើយស្របទៅនឹងចំនួនម៉ោងដែលរាងកាយត្រូវការ ដើម្បីបង្កើនភាពស្រស់ស្រាយនៅថ្ងៃច័ន្ទ។
៥. ជៀសវាងជាតិអាកុល ៖ ដើម្បីរក្សាតុល្យភាពសុខភាពឱ្យបានល្អ ការជៀសវាងគ្រឿងស្រវឹងជាវីធីមួយដែលអាចជួយបាន ព្រោះអាកុលបណ្តាលឱ្យអ្នកងងុយគេងនៅថ្ងៃច័ន្ទ ។ ជាតិអាកុលក៏អាចបណ្តាលឱ្យអ្នកកើតបញ្ហាថប់បារម្ភ និងការភ័យខ្លាចបន្ទាប់ពីប្រើប្រាស់រួច៕
