ព្រឹត្តិការណ៍ព័ត៌មាន
ចំណេះជីវិត
ជំនាញ
យុវជនឆ្នើម
អប់រំកុមារតូច
ព័ត៌មានអាហារូបករណ៍
មាតិកាឌីជីថល
អនាគត
ពន្លកបៃតង
កម្ពុជា 360°
កត្តាដែលជំរុញឱ្យការដោះស្រាយបញ្ហា ប្រកបដោយភាពវិជ្ជមាន ចាំបាច់ត្រូវមានស្មារតីនឹងន ការស្តាប់ដោយយកចិត្តទុកដាក់ ព្យាយាមយល់ពីគោលគំនិត នៃភាគីម្ខាងទៀត ការឆ្លើយតបប្រកបដោយវិចារណញ្ញណ មានទំនួលខុសត្រូវចំពោះសកម្មភាពនិងអ្វីដែលបាននិយាយ និយាយឱ្យច្បាស់ៗ រកគន្លឹះសម្របសម្រួលគ្នា និងទុកចន្លោះសម្រាប់សម្រាកខ្លះ ប៉ុន្តែមិនផ្តាច់ទំនាក់ទំនងទាំងស្រុង។ តាមរយៈគេហទំព័រ Verywellmind បានរៀបរាប់៣វិធី ដើម្បីដោះស្រាយទំនាស់ប្រកបដោយភាពវិជ្ជមាន។
១. ផ្តោតស្មារតី ៖ ដើម្បីដោះស្រាយបញ្ហាបាន ជាដំបូងត្រូវមានស្មារតីផ្តោតជាមុនសិន តាមរយៈ ការធ្វើសមាធិ ឬក៏សកម្មភាពដទៃទៀត ដែលអាចជំរុញឱ្យចិត្តស្ងប់ ជាជំនួយក្នុងការសម្រួលអារម្មណ៍ មុននឹងធ្វើការប្រាស្រ័យទាក់ទងជាមួយអ្នកដទៃ។
២. ស្តាប់ដោយប្រុងប្រយ័ត្ន ៖ ជាទូទៅមនុស្សតែងគិតថា ខ្លួនកំពុងស្ដាប់ ប៉ុន្តែជារឿយៗ គឺគេស្ដាប់គ្រាន់តែដើម្បីឆ្លើយតប នៅពេលដែលភាគីម្ខាងទៀតត្រៀមបញ្ចប់ន័យតែប៉ុណ្ណោះ។ ការស្តាប់របៀបនេះ គួរតែប្រើក្នុងកិច្ចពិភាក្សាទើបប្រសើរ។
ការប្រាស្រ័យទាក់ទងប្រកបដោយភាពវិជ្ជមាន គឺត្រូវមានអ្នកនិយាយ និងអ្នកស្តាប់ដ៏ល្អ ដោយព្យាយាមស្តាប់នូវអ្វីដែលភាគីម្ខាងទៀតនិយាយ កុំទាន់កាត់ចង្វាក់ កុំទាន់ប្រឆាំងតបត ទោះបីជាក្នុងករណីអ្នកមិនស្របនឹងអ្វីដែលគេបានលើកឡើងក៏ដោយ។
៣. ព្យាយាមយល់ពីការចង់បាននៃភាគីម្ខាងៗ ៖ ស្ថិតនៅក្នុងជម្លោះ ជាទូទៅយើងសុទ្ធតែប្រាថ្នានូវការយល់ចិត្ត ចំណែកឯការស្វែងយល់អំពីអ្វីដែលភាគីម្ខាងទៀតយល់ឃើញ គឺជាឱកាសឈានទៅរកការសម្របសម្រួលបានលឿន។ ចាប់ផ្តើមដោយការស្វែងយល់អ្វីដែលយើងចង់បាន បន្ទាប់មករកឱ្យឃើញថា តើអ្វីដែលអ្នកដទៃចង់បាន៕
