ព្រឹត្តិការណ៍ព័ត៌មាន
ចំណេះជីវិត
ជំនាញ
យុវជនឆ្នើម
អប់រំកុមារតូច
ព័ត៌មានអាហារូបករណ៍
មាតិកាឌីជីថល
អនាគត
ពន្លកបៃតង
កម្ពុជា 360°
ភ្នំពេញ – យុវតី គីម ពិសី ជាអតីតនិសិ្សតមូលនិធិហាប់ស្វែ និងជាបេក្ខនារីជាប់អាហារូបករណ៍ SHE-CAN ហើយកំពុងសិក្សាថ្នាក់បរិញ្ញាបត្រជំនាញស្ថាបត្យកម្ម នៅសាកលវិទ្យាល័យ Syracuse សហរដ្ឋអាមេរិកឆ្នាំសិក្សាជំនាន់ ២០២១-២០២៦ ។ តើត្រូវត្រៀមខ្លួនយ៉ាងដូចម្តេចក្នុងការដាក់ពាក្យប្រលងអាហារូបករណ៍ SHE-CAN ?
កញ្ញា គីម ពិសី បានប្រាប់ AMS ថា និស្សិត ឬប្អូនៗដែលមានក្ដីស្រមៃចង់ដាក់ពាក្យអាហារូបករណ៍ SHE-CAN បេក្ខនារីទាំងអស់គួរពិនិត្យមើលលក្ខន្តិកៈ ដោយក្នុងនោះ ជាបេក្ខនារីមានអាយុចន្លោះចាប់ពី១៨ ដល់២១ឆ្នាំ មានព្រឹត្តិបត្រពិន្ទុល្អពីថ្នាក់វិទ្យាល័យ(ទី១០ ទី១១ និងទី១២) ឬនៅក្នុងថ្នាក់មហាវិទ្យាល័យ។ លើសពីនេះមានចំណេះដឹងភាសាអង់គ្លេសទូលំទូលាយ និងសមត្ថភាពនៃការនិយាយ គឺជាកត្តាចម្បងក្នុងការទទួលបានភាពជោគជ័យក្នុងដំណាក់កាលវគ្គសម្ភាសន៍ ។
បេក្ខនារីជ័យលាភីអាហារូបករណ៍រូបនេះបានបន្តថា បេក្ខនារីក៏ត្រូវមានជំនាញក្នុងការប្រើនូវគំនិតត្រិះរិះពិចារណ៍ (Critical Thinking Skill)ដែលអាចហៅម្យ៉ាងទៀតថាជាការគិតស៊ីជម្រៅ និងចំណុចចុងក្រោយ គឺការបង្ហាញពីការបានចូលរួម ឬមានបំណងចូលរួមជួយដោះស្រាយបញ្ហាផ្សេងៗរបស់មនុស្សក្នុងសង្គមតាមរយៈវិស័យអប់រំ វិស័យបរិស្ថាន ឬវិស័យសង្គមធម៌ជាដើម ។ រួមជាមួយការត្រៀមខ្លួនរួចរាល់ បេក្ខនារីគួរតែជាបុគ្គលដែលមានអត្តចរិតរួសរាយរាក់ទាក់ ស្លូតបូត មានគំនិតច្នៃប្រឌិតខ្ពស់ មានភាពជាអ្នកដឹកនាំដែលអាចបង្ហាញតាមរយៈការចូលរួមការងារសង្គមផ្សេងៗ ។
«ការជឿជាក់លើខ្លួនឯង ការកំណត់ពីគោលដៅខ្លួនឯង ការយោគយល់ ចេះជួយដល់អ្នកដទៃ និងសង្គមក៏ជារឿងសំខាន់ដែល SHE-CAN ត្រូវការ»
កញ្ញា គីម ពិសី
យុវតីរូបនេះបានបន្ថែមថា មុននឹងជាប់ជាបេក្ខជនរបស់ SHE-CAN ឬហៅថា SHE-CAN Scholar បេក្ខនារីត្រូវឆ្លងកាត់នូវដំណាក់កាលសំខាន់ៗមួយចំនួនដូចជា ១.វគ្គសម្ភាសន៍ចំនួន២ ទៅ៣ ដំណាក់កាល, ២.វគ្គជជែកពិភាក្សាព្រឹត្តិការណ៍សង្គម, ៣. វគ្គវេទិកានិយាយសាធារណ:, ៤.ការធ្វើគំរោង(Take a lead project), ៥. វគ្គប្រឡងតេស្តភាសាអង់គ្លេស IELTS ឬ TOEFL និង ៦. វគ្គប្រឡងតេស្តអន្តរជាតិ SAT។ បន្ទាប់ពីបានជាប់ជា SHE-CAN scholar ហើយ បេក្ខនារីម្នាក់ៗនិងត្រូវបានផ្គូរផ្គងជាមួយ mentor ឬទីប្រឹក្សាយោបល់ចំនួនពី៤ទៅ៦នាក់។ ដោយពួកគាត់ជាអ្នកដែលជួយបេក្ខនារីម្នាក់ៗក្នុងការដាក់ពាក្យអាហារូបករណ៍ទៅកាន់សាលានៅសហរដ្ឋអាមេរិក និងដើរតួជាគ្រួសារទី២សម្រាប់ SHE-CAN scholar ។
បេក្ខនារីមានស្រុកកំណើតនៅខេត្តរតនៈគិរីរូបនេះបានបង្ហើបថា កន្លងមកដោយឆ្លងកាត់ទាំងការសិក្សានៅវិទ្យាល័យ និងមហាវិទ្យាល័យ កញ្ញាបានមើលឃើញពីអ្វីដែលខ្លួនត្រូវការកាន់តែខ្លាំង ។ ដោយបានស្គាល់ពីខ្លួនឯងកាន់តែច្បាស់ ទើបសម្រេចចិត្តដាក់ពាក្យអាហារូបករណ៍ និងជ្រើសយកជំនាញស្ថាបត្យកម្មនេះក៏ព្រោះតែការស្រឡាញ់ជំនាញនេះ ហើយមានក្តីស្រមៃចង់សិក្សានៅប្រទេសដែលមានភាពរីកចម្រើនក្នុងវិស័យនេះផ្ទាល់តែម្តង។ ម្យ៉ាងទៀតគឺចង់ទទួលបាននូវចំណេះបន្ថែមពីប្រទេសអភិវឌ្ឍ ជាពិសេសបច្ចេកទេស និងវិធីសាស្ត្រក្នុងការសិក្សាស្រាវជ្រាវ ការធ្វើទំនាក់ទំនង និងការចែករំលែកអំពីវប្បធម៌នៃការគិត ការយល់ឃើញ និងវប្បធម៌ នៃរការស់នៅពីជនជាតិប៉ែកអ៊ឺរ៉ុបជាដើម។ ទាំងអស់នេះគឺដើម្បីទទួលបាននូវជ្រុងមួយនៃចំណេះដឹងដែលមានគុណភាព អាចយកមកចែករំលែកនិងប្រើប្រាស់ក្នុងប្រទេសកម្ពុជាវិញ។
កញ្ញា ពិសី បន្តថា ជារៀងរាល់ឆ្នាំមានសិស្សអន្តរជាតិជាច្រើនមកពីបណ្តាប្រទេសផ្សេងៗគ្នា មកសិក្សានៅសហរដ្ឋអាមេរិក ហើយបញ្ហានៃការរស់ដែលមានវប្បធម៌ អាហារ ប្រាកដជាជៀសមិនផុតឡើយ តែអ្វីដែលសំខាន់ គឺតម្រូវឱ្យចេះសម្របខ្លួនទើបអាចរស់នៅ និងការសិក្សាមានដំណើរការល្អ ។
ក្រោមអាហារូបករណ៍នេះបេក្ខនារីនឹងទទួលបានអាហារូបករណ៍១០០%ដោយក្នុងនោះមាន សិក្សាដោយឥតបង់ថ្លៃ ការស្នាក់នៅ អាហារ ធានារ៉ាបរងសុខភាព និងផ្តល់នូវកញ្ចប់ថវិការដល់និសិត្សម្នាក់ៗសម្រាប់ទិញសម្ភារៈរៀបចំនៅក្នុងអន្តេរវាសិកដ្ឋានរបស់ពួកគេ សម្រាប់ទិញទូរស័ព្ទដៃ កុំព្យូទ័រ និងសម្រាប់ទិញសៀវភៅពុម្ព(រៀងរាល់ឆមាស)។ លើសពីនេះ និសិត្សអន្តរជាតិអាចធ្វើការនៅក្នុងបរិវេណសាលាទៅដល់២០ម៉ោងក្នុងមួយសប្តាហ៍ ។
យុវតីវ័យ២១ឆ្នាំរូបនេះ បានប្រាប់ទៀតថា បន្ទាប់ពីបានទៅសិក្សានៅក្នុងទឹកដីសហរដ្ឋអាមេរិកមក កញ្ញាទទួលបានការវិវត្តខ្លួនឯងកាន់តែប្រសើរ ជាពិសេសការរស់នៅដោយឯករាជ្យ មានផែនការប្រើពេលវេលាច្បាស់លាស់ មានវិន័យផ្ទាល់ខ្លួន និងមានទំនួលខុសត្រូវខ្ពស់ក្នុងការរៀនធ្វើការសម្រេចចិត្តមុននឹងធ្វើអ្វីមួយ។ ជាក់ស្តែងការរៀននៅសហរដ្ឋអាមេរិកគឺរហ័ស និងមេរៀនច្រើនដែលតម្រូវឱ្យមានការប្រើវិធីសាស្រ្តក្នុងការរៀន ត្រូវមានភាពច្នៃប្រឌិត(be creative) ការសិក្សាដោយឈ្លាសវៃ(work smart) សិក្សាស្រាវជ្រាវបន្ថែមតាមអ៊ីនធឺណេតនិងបណ្តាល័យ និងការរៀនជាក្រុម។ បន្ថែមពីនេះ ដើម្បីឱ្យផលិតភាពការងារល្អ តម្រូវឱ្យមានភាពក្លាហានក្នុងការសួរសំណួរនៅពេលមានចម្ងល់។ ជាចុងក្រោយ កញ្ញា គីម ពិសី សូមលើកទឹកចិត្តដល់ប្អូនៗដែលកំពុងសិក្សាទាំងអស់ ត្រូវខិតខំរៀនសូត្រឱ្យបានពូកែ ជាពិសេសគួរយកចិត្តទុកដាក់ទៅលើ គណិតវិទ្យា ភាសាអង់គ្លេស ការសរសេរសំណេរ និងត្រូវព្យាយាមធ្វើស្វ័យសិក្សា ស្វែងយល់បន្ថែមតាមរយ:ការអានសៀវភៅ ការតាមដានពត៌មាន និងការពិភាក្សាជាមួយមនុស្សជុំវិញខ្លួនពីប្រធានបទដែលនាំឱ្យមានការរីកចម្រើនដល់គំនិត។ បន្ថែមពីនេះ គួរព្យាយាមស្វែងយល់ពីខ្លួនឯងឱ្យបានច្រើន និងស្វែងរកជំនាញដែលខ្លួនឯងចូលចិត្ត ចង់ធ្វើនាពេលអនាគត ៕
ជីវប្រវត្តិ: ឈឿង ប៉ូលីណា ជាអ្នករាយការណ៍ និងសរសេរព័ត៌មាននៅស្ថាប័នព័ត៌មាន AMS Education ។
របាយការណ៍ថ្មី
មើលទាំងអស់ ➧
វិធីសាស្រ្ត ៤ ដើម្បីការពារ និងគ្រប់គ្រងអាការៈ Burnout
ចំណេះជីវិត, បទយកការណ៍, ព្រឹត្តិការណ៍
• 13/04/2026
ការប្រើគ្រឿងស្រវឹងអាចបំផ្លាញខួរក្បាល ដែលរួមចំណែកនាំឱ្យមានជំងឺវង្វេង
បទយកការណ៍, ព័ត៌មានអន្តរជាតិ, ព្រឹត្តិការណ៍
• 13/04/2026
ព័ត៌មានទូទៅ
មើលទាំងអស់ ➧
ឱកាសទទួលបានអាហារូបករណ៍ពេញលេញនៅសាកលវិទ្យាល័យ Victoria of Wellington ប្រទេសនូវែលហ្សេឡង់
ព័ត៌មានអាហារូបករណ៍, ព្រឹត្តិការណ៍
• 03/04/2025
កម្មវិធីអាហារូបករណ៍ Victoria University Of Wellington Scholarships ប្រកាសផ្ដល់អាហារូបករណ៍ថ្នាក់បរិញ្ញាបត្រ បរិញ្ញាបត្រជាន់ខ្ពស់ ថ្នាក់បណ្ឌិត និងថ្នាក់ស្រាវជ្រាវ សម្រាប់ឆ្នាំសិក្សា២០២៥។
អាហារូបករណ៍ថ្នាក់ឧត្តមសិក្សានៅសាកលវិទ្យាល័យ Saskatchewan ប្រទេសកាណាដាឆ្នាំ២០២៤
ព័ត៌មានអាហារូបករណ៍, ព្រឹត្តិការណ៍
• 26/06/2023
ឱកាសសិក្សាអាហារូបករណ៍សិក្សាថ្នាក់បរិញ្ញាបត្រ ថ្នាក់បរិញ្ញាបត្រជាន់ខ្ពស់ និងថ្នាក់បណ្ឌិតនៅសាកលវិទ្យាល័យ Saskatchewan នៃប្រទេសកាណាដាឆ្នាំសិក្សា២០២៤ ។ ...
អាហារូបករណ៍ថ្នាក់បរិញ្ញាបត្រនៅសាកលវិទ្យាល័យអាមេរិកាំងភ្នំពេញចំនួន១០០កន្លែងឆ្នាំសិក្សា២០២៣-២០២៤
ព័ត៌មានអាហារូបករណ៍, ព្រឹត្តិការណ៍
• 14/12/2023
គណៈកម្មាធិការអាហារូបករណ៍សិស្ស-និស្សិតក្រីក្រសម្ដេចអគ្គមហាសេនាបតីតេជោ ហ៊ុន សែន និងសម្ដេចកិត្តិព្រឹទ្ធបណ្ឌិតប្រកាសផ្ដល់អាហារូបករណ៍សិក្សានៅសាកលវិទ្យា...
អាហារូបករណ៍ថ្នាក់ឧត្ដមសិក្សានៅសាធារណរដ្ឋប្រជាមានិតចិនចំនួន៨០កន្លែង
ព័ត៌មានអាហារូបករណ៍, ព្រឹត្តិការណ៍
• 23/12/2024
ឱកាសសិក្សាអាហារូបករណ៍ថ្នាក់បរិញ្ញាបត្រ និងបរិញ្ញាបត្រជាន់ខ្ពស់ នៅសាធារណរដ្ឋប្រជាមានិតចិនចំនួន៨០កន្លែង ពីគណៈកម្មាធិការអាហារូបករណ៍សិស្ស-និស្សិតក្រីក្រ សម្ដេចអគ្គមហាសេនាបតីតេជោ ហ៊ុន សែន និងសម្ដេចគតិព្រឹទ្ធបណ្ឌិត...
ឱកាសអាហារូបករណ៍ថ្នាក់បរិញ្ញាបត្រជាន់ខ្ពស់ផ្នែក STEM នៅសាកលវិទ្យាល័យ Manchester ប្រទេសអង់គ្លេស ឆ្នាំសិក្សា២០២៥
ព័ត៌មានអាហារូបករណ៍, ព្រឹត្តិការណ៍
• 27/03/2025
ឱកាសសិក្សាអាហារូបករណ៍ថ្នាក់បរិញ្ញាបត្រ នៅសាកលវិទ្យាល័យ Menchester ពីកម្មវិធី ASEAN-UK SAGE ដែលផ្ដល់ឱ្យការសិក្សានៅក្នុងវិស័យ STEM។ អាហារូបករណ៍ផ្តល់មូលនិធិសម្រាប់ស្ត្រីដើម្បីសិក្សាថ្នាក់អនុបណ្ឌិតរយៈពេលមួយឆ្នាំនៅចក្រភពអង់គ្លេស។
សាកលវិទ្យាល័យក្រចេះ ប្រកាសផ្តល់អាហារូបករណ៍ថ្នាក់បរិញ្ញាបត្រ៣០កន្លែង សម្រាប់ឆ្នាំសិក្សា២០២២-២០២៣
ព័ត៌មានអាហារូបករណ៍, ព្រឹត្តិការណ៍
• 31/01/2023
ភ្នំពេញ- សហភាពសហព័ន្ធយុវជនកម្ពុជារាជធានីភ្នំពេញ សហការណ៍ជាមួយសាកលវិទ្យាល័យក្រចេះ បានសម្រេចផ្ដល់អាហារូបករណ៍ថ្នាក់បរិញ្ញាបត្រចំនួន៣០កន្លែង...
អាហារូបករណ៍ថ្នាក់ឧត្ដមសិក្សានៅសាកលវិទ្យាល័យ Prince of Songkla ឆ្នាំសិក្សា២០២៥
ព័ត៌មានអាហារូបករណ៍, ព្រឹត្តិការណ៍
• 29/04/2025
មហាវិទ្យាល័យវិទ្យាសាស្ត្រ នៃសាកលវិទ្យាល័យ Prince of Songkla ប្រកាសជ្រើសរើសនិស្សិតនិស្សិតបរទេសក្នុងការសិក្សាតាមរយៈអាហារូបករណ៍ថ្នាក់ឧត្ដមសិក្សាឆ្នាំ២០២៥។ អាហារូបករណ៍ផ្ដល់ជូនការសិក្សាថ្នាក់បរិញ្ញាបត្រជាន់ខ្ពស់...
អាហារូបករណ៍ថ្នាក់បរិញ្ញាបត្ររង២១០នាក់ នៅវិទ្យាស្ថានជាតិពហុបច្ចេកទេសតេជោសែន សម្រាប់ឆ្នាំសិក្សា២០២៤-២០២៥
ព័ត៌មានអាហារូបករណ៍, ព្រឹត្តិការណ៍
• 18/12/2024
វិទ្យាស្ថានជាតិពហុបច្ចេកទេសតេជោសែន និងគណៈកម្មាធិការអាហារូបករណ៍សិស្ស-និស្សិតក្រីក្រ សម្ដេចអគ្គមហាសេនាបតីតេជោ ហ៊ុន សែន និងសម្ដេចកិត្តិព្រឹទ្ធបណ្ឌិត ប្រកាសផ្ដល់អាហារូបករណ៍សិក្សាថ្នាក់បរិញ្ញាបត្ររងចំនួន២១០កន្លែង...
ឱកាសសម្រាប់សិស្ស-និស្សិត RUPP ទៅបន្តការសិក្សាថ្នាក់បរិញ្ញាបត្រជាន់ខ្ពស់នៅ Sogang University
ព័ត៌មានអាហារូបករណ៍, ព្រឹត្តិការណ៍, អាហារូបករណ៍
• 29/05/2026
សាកលវិទ្យាល័យ Sogang (Sogang University) ដែលជាគ្រឹះស្ថានឧត្តមសិក្សាដ៏ល្បីល្បាញ និងចំណាស់ជាងគេមួយនៅក្នុងសាធារណរដ្ឋកូរ៉េ ក្រោមជំនួយកិច្ចសហការជាមួយអង្គការ Jesuit Service-Cambodia...
កម្មវិធីពិសេសរបស់ AMS EDUCATION
ព័ត៌មានសង្ខេប
