ព្រឹត្តិការណ៍ព័ត៌មាន
ចំណេះជីវិត
ជំនាញ
យុវជនឆ្នើម
អប់រំកុមារតូច
ព័ត៌មានអាហារូបករណ៍
មាតិកាឌីជីថល
អនាគត
ពន្លកបៃតង
កម្ពុជា 360°
កាលពីថ្ងៃទី២១ ខែវិច្ឆិកា ឆ្នាំ២០២៤ បណ្តាញគ្រឹះស្ថានអប់រំ វេសឡាញ អេឌ្យូខេសិន គ្រុប បានជួបស្វាគមន៍ និងពិភាក្សាជាមួយ លោក Stephen Healy ស្ថាបនិកនៃ Global Academy នៅសាកលវិទ្យាល័យ Siam University ប្រទេសថៃ និងលោក Dary Milani តំណាងសាកលវិទ្យាល័យ La Trobe University ប្រទេសអូស្ត្រាលី ដើម្បីឈ្វេងយល់ ក៏ដូចជាបង្កើតកិច្ចសហការក្នុងការផ្តល់ឱកាសសិក្សា និងអាហារូបករណ៍ដល់សិស្សានុសិស្សទៅសិក្សានៅសាកលវិទ្យាល័យទាំង២នេះ។
លោក Stephen Healy បានលើកឡើង ថា លោកពិតថ្លែងអំណរគុណចំពោះការផ្តល់ឱកាសចែករំលែកពីឱកាសសិក្សា និងអាហារូបករណ៍របស់ Global Academy នៅសាកលវិទ្យាល័យ Siam University ប្រទេសថៃ និងសាកលវិទ្យាល័យ La Trobe University ប្រទេសអូស្ត្រាលីដល់សិស្សានុសិស្សសាលារៀនវ៉េស្ទឡាញន៍។
លោក គង់ សំនៀង ប្រធាននាយកប្រតិបត្តិការនៃបណ្តាញគ្រឹះស្ថានអប់រំ វេសឡាញ អេឌ្យូខេសិន គ្រុបបានលើកឡើងថា វេសឡាញរីករាយស្វាគមន៍ជានិច្ចចំពោះកិច្ចសហការក្នុងភាពជាដៃគូសាកលវិទ្យាល័យអន្តរជាតិ ដើម្បីជំរុញដល់ការសិក្សាផ្លាស់ប្តូរបទពិសោធន៍របស់សិស្ស បុគ្គលិកទៅកាន់សាកលវិទ្យាល័យអន្តរជាតិ និងការសហការផ្តល់នូវសេវាអប់រំបណ្តុះបណ្តាលជំនាញវិជ្ជាជីវៈដែលជួយដល់ការអភិវឌ្ឍធនធានមនុស្សនៅកម្ពុជា។
Global Academy នៅសាកលវិទ្យាល័យ Siam University គឺមានផ្តល់កម្មវិធីសិក្សាថ្នាក់បរិញ្ញាបត្រ និងបរិញ្ញាបត្រជាន់ខ្ពស់លើជំនាញធុរកិច្ច បច្ចេកវិទ្យាព័ត៌មាន និងបដិសណ្ឋារកិច្ច គិលានុបដ្ឋាដែលជាកម្មវិធីសិក្សាទាំងនេះបត់បែន និងផ្តល់់ឱកាសឱ្យសិស្សទទួលបានសញ្ញាបត្រទទួលស្គាល់២ក្នុងពេលតែមួយ គឺទទួលស្គាល់ដោយ Siam University និងសាកលវិទ្យាល័យសាកលវិទ្យាល័យ La Trobe ប្រទេសអូស្ត្រាលី ឬសាកលវិទ្យាល័យ Victoria ប្រទេសកាណាដាផងដែរ ។
គួរបញ្ជាក់ផងដែរថា បណ្តាញគ្រឹះស្ថានអប់រំ វេសឡាញ អេឌ្យូខេសិន គ្រុប បានសហការជាមួយគ្រឹះស្ថានអប់រំក្នុងប្រទេស និងក្រៅប្រទេសជាច្រើន ដើម្បីសម្របសម្រួលដល់សិស្សដែលមានបំណងបន្តការសិក្សានៅប្រទេស និងជំរុញសិស្សឱ្យខិតខំប្រឹងប្រែងរៀនសូត្រក្នុងការទទួលបានអាហារូបករណ៍ពីគ្រឹះស្ថានអប់រំដៃគូទាំងនោះ៕
