ព្រឹត្តិការណ៍ព័ត៌មាន
ចំណេះជីវិត
ជំនាញ
យុវជនឆ្នើម
អប់រំកុមារតូច
ព័ត៌មានអាហារូបករណ៍
មាតិកាឌីជីថល
អនាគត
ពន្លកបៃតង
កម្ពុជា 360°
ភ្នំពេញ – បន្ទាប់ពីបើកបវេសនកាលនៅថ្ងៃទី១៥ ខែមករា ឆ្នាំ២០២៤ ពេលនេះ សិក្ខាកាមដែលបានចូលរៀនវគ្គជំនាញបច្ចេកទេស និងវិជ្ជាជីវៈ (TVET) ១,៥លាននាក់ បានបញ្ចប់ការសិក្សា និងត្រូវធ្វើតេស្តបញ្ជាក់សមត្ថភាព និងវាយតម្លៃមុនឈានជើងចូលទីផ្សារការងារ។
ឯកឧត្តម តាន់ កុសល នាយកវិទ្យាស្ថានជាតិសហគ្រិនភាព និងនវានុវត្តន៍ បានមានប្រសាសន៍ថា កាលពីថ្ងៃទី២០ ខែឧសភា វិទ្យាស្ថានរបស់លោកបានធ្វើការប្រឡងបញ្ជាក់សមត្ថភាពដល់សិក្ខាកាមសរុបចំនួន ១៩២នាក់ លើជំនាញ៧មុខ ដូចជា ជំនាញធុរៈកិច្ច,ភេសជ្ជៈ,ម្ហូបអាហារ,ការផលិតនំ,អគ្គិសនី,ម៉ាស៊ីនត្រជាក់ និងសម្អាងកាយ។ លោកថា ក្រោយពីបណ្តុះបណ្តាលរយៈពេល៤ខែមកនេះ សមត្ថភាពរបស់សិក្ខាកាម គឺពិតជាមានសមត្ថភាពអាចធ្វើបាន ជាពិសេសនៅពេលដែលបញ្ចប់ការសិក្សា ពួកគាត់អាចទៅទៅបើកអាជីវកម្មខ្នាតតូចសម្រាប់ខ្លួនឯងផ្ទាល់ និងមួយចំនួនទៀតអាចទៅធ្វើការនៅក្រុមហ៊ុន ឬរោងចក្រ សហគ្រាសនានា។
បើតាមឯកឧត្តម តាន់ កុសល បច្ចុប្បន្នមិនថាធ្វើការនៅតាមក្រុមហ៊ុន និងសហគ្រាសនានា ឬបើកអាជីវកម្មខ្លួនឯងក៏ដោយ គឺសុទ្ធតែត្រូវការជំនាញ។
ទន្ទឹមនឹងនេះ ឯកឧត្តមតាន់ កុសល ក៏បានអំពាវនាវដល់យុវជនដែលមិនទាន់មានជំនាញទាំងអស់ បន្តចុះឈ្មោះចូលរៀនវគ្គបណ្ដុះបណ្ដាលវិជ្ជាជីវៈនៅទូទាំងប្រទេសដោយឥតគិតថ្លៃ និងទទួលបានប្រាក់ឧបត្ថមចំនួន២៨ម៉ឺនរៀលប្រសិនមានបណ្ណសមធម៌ដើម្បីមានជំនាញមួយពិតប្រាកដ និងមានប្រាក់ចំណូលសមរម្យដើម្បីខ្លួនឯងនិងសង្គមជាតិ។
សូមបញ្ជាក់ថា គ្រឹះស្ថានចំនួន៣៥ក្នុងចំណោម៣៧នៃក្រសួងការងារ និងបណ្តុះបណ្តាលវិជ្ជាជីវៈដែលបានបណ្តុះបណ្តាលវេនសិក្សាថ្ងៃចន្ទ-សុក្រពេញមួយថ្ងៃ បានធ្វើតេស្តបញ្ជាក់សមត្ថភាពសិក្ខាកាមប្រមាណជិត៤ពាន់នាក់ដោយបែងចែកជា៣លើក។ លើកទី១ គឺចាប់ផ្តើមធ្វើកាលពីថ្ងៃទី១៥ ខែឧសភា ដោយមានគ្រឹះស្ថានចំនួន១៤, លើកទី២ គឺនៅថ្ងៃទី២០ ខែឧសភា ដោយមានគ្រឹះស្ថានចំនួន១១ និងលើកទី៣ នៅថ្ងៃទី២៧ ឧសភា ខាងមុខ ដោយមានគ្រឹះស្ថានចំនួន១១៕
