ព្រឹត្តិការណ៍ព័ត៌មាន
ចំណេះជីវិត
ជំនាញ
យុវជនឆ្នើម
អប់រំកុមារតូច
ព័ត៌មានអាហារូបករណ៍
មាតិកាឌីជីថល
អនាគត
ពន្លកបៃតង
កម្ពុជា 360°
អាស៊ាន គឺជាសមាគមមួយក្នុងតំបន់អាស៊ីអាគ្នេយ៍ ដោយអំណាចអាស៊ានគឺស្ថិតក្នុងដៃសមាជិកទាំង១០ ។ ខណៈកម្ពុជាធ្វើជាម្ចាស់ផ្ទះ នៃកិច្ចប្រជុំអាស៊ាននៅក្នុងឆ្នាំ២០២២នេះ មានយុវជនកម្ពុជាមួយចំនួនកំពុងខ្នះខ្នែងស្វែងយល់ពីព្រឹត្តិកាណ៍នេះ ខណៈយុវជនមួយចំនួនទៀតពុំទាន់ស្គាល់ ឬពុំសូវបានដឹងស៊ីជម្រៅនៅឡើយ ។ អាយុកាល នៃអាស៊ានមានរយៈពេល៥៥ឆ្នាំហើយ តើការស្វែងយល់ពីអាស៊ាន ឬកិច្ចប្រជុំកំពូលៗរបស់អាស៊ានមានសារៈសំខាន់យ៉ាងដូចម្តេចខ្លះសម្រាប់យុវជន?
លោក រីម សុខវី ជានិស្សិតទំនាក់ទំនងអន្តរជាតិ នៃវិទ្យាស្ថានភាសាបរទេស (IFL) និងជាសហស្ថាបនិក The Thinker Cambodia យល់ឃើញថា បច្ចុប្បន្ននេះមានយុវជនជាច្រើនចាប់អារម្មណ៍ចំពោះកិច្ចប្រជុំកំពូលអាស៊ាន ជាពិសេសយុវជនដែលសិក្សាលើផ្នែកទំនាក់ទំនងអន្តរជាតិ ដោយសារតែកិច្ចប្រជុំអាស៊ានវាពាក់ព័ន្ធនឹងបញ្ហាសំខាន់ៗរបស់ពិភពលោក។ ចំណែកយុវជនដែលសិក្សាលើជំនាញផ្សេងៗ ក៏គួរតែចាប់អារម្មណ៍ដែរ ដោយសារតែអាស៊ាន មិនមែនផ្តោតតែទៅលើបញ្ហានយោបាយតែម្យ៉ាងនោះទេ ក្នុងនោះអាស៊ានមានសរសរស្តម្ភ៣ដែលនិយាយទាក់ទងនឹង នយោបាយ សេដ្ឋកិច្ច និងសង្គម-វប្បធម៌ ។ ហេតុដូច្នេះហើយ ទោះបីជាយុវជន មិនមែនជាអ្នករៀនជំនាញវិទ្យាសាស្រ្តនយោបាយក៏ដោយ វានៅតែមានចំណុចជាច្រើនគួរឲ្យចាប់អារម្មណ៍។
សម្រាប់លោក សុខវី យល់ថា វាមិនមែនជាបញ្ហាអ្វីគួរឱ្យបារម្ភពេកទេដែលយុវជនមួយចំនួនមិនទាន់បានយល់ស៊ីជម្រៅអំពីអាស៊ាន ព្រោះយុវជន ក៏មិនទាន់មានឥទ្ធិពល ក្នុងការសម្រេចចិត្តណាមួយក្នុងអាស៊ាននៅឡើយ។ លោក សុខវី បន្តថា នៅថ្ងៃអនាគតសកលភាវូបនីយកម្ម (Globalization) កាន់តែរីកចម្រើន ធ្វើឱ្យប្រទេសនៅក្នុងសហគមន៍អាស៊ានកាន់តែមានវិសាលភាពព្រំដែន មានន័យថា មានចម្រុះវប្បធម៌។ មួយវិញទៀតក៏ទាក់ទងនឹងរឿងសេដ្ឋកិច្ចផងដែរ ដូច្នេះបើបានតាមដានអាស៊ាន នោះគាត់នឹងអាចដឹងពីបរិបទនៃការប្រែប្រួល ក្នុងទីផ្សារអាស៊ាន។
“ការស្វែងយល់ពីអាស៊ានខ្ញុំយល់ថា បើយុវជនបានដឹង នោះវាអាចជួយឱ្យពួកគាត់មានការត្រៀមខ្លួនទុកជាមុនបានល្អ។ ដោយឡែកនិស្សិតដែលរៀនទំនាក់ទំនងអន្តរវិញចាំបាច់ត្រូវតែដឹង និងយល់ពីបញ្ហាឱ្យច្រើនព្រោះពួកគាត់ត្រូវការវិភាគ ឬសំយោគគំនិតច្រើន ដូច្នេះស្ថិតក្នុងករណីនេះបើមិនបានយល់ច្បាស់ពីអាស៊ាន វាពិបាកក្នុងការយកព្រឹត្តិការណ៍អន្តរជាតិទៅវិភាគ”
លោក រីម សុខវី សហស្ថាបនិក The Thinker Cambodia
ចំណែក កញ្ញា គង់ ស្រីរ័ត្ន និស្សិតផ្នែកទំនាក់ទំនងអន្តរជាតិឆ្នាំទី៤ នៅសកលវិទ្យាល័យបញ្ញាសាស្រ្តកម្ពុជា យល់ថា បើមិនបានសិក្សាពីអាស៊ានទេ យុវជនអាចនឹងបាត់បង់ឱកាសព្រោះតែមិនអាចសម្របខ្លួនបាន។ ឧទាហរណ៍ ភាសារអង់គ្លេសនឹងប្រើប្រាស់ជាភាសាមូលដ្ឋានក្នុងការទំនាក់ទំនងក្នុងតំបន់ ហើយបើយុវជនមិនបានត្រៀម នោះវានាំឱ្យបាត់បង់ឱកាសនានា។
កញ្ញា យឿន ពុធធីតា ជានិស្សិតផ្នែកទំនាក់ទំនងសេដ្ឋកិច្ចអន្តរជាតិ នៃវិទ្យាស្ថានភាសាបរទេស (IFL) យល់ថា វាពិតជាសំខាន់ណាស់ចំពោះយុវជននៅតំបន់អាស៊ី ដែលត្រូវស្គាល់ពីអាស៊ាន ដោយសារអាស៊ានគឺជាសមាគមប្រទេសអាស៊ីអាគ្នេយ៍ ដែលរួមគ្នាធ្វើកិច្ចសហប្រតិបត្តិការខាងផ្នែកនយោបាយ សេដ្ឋកិច្ច វប្បធម៌ អប់រំ និង សន្តិសុខសង្គមផ្សេងៗ។ យុវជននៃប្រទេសនីមួយៗគឺមានគំនិតចង់អភិវឌ្ឍប្រទេសរៀងៗខ្លួន។
“ខ្ញុំគិតថា យុវជនអាស៊ានក៏មានបំណងចង់អភិវឌ្ឍប្រទេសរបស់ខ្លួន រួមទាំងអាស៊ានផងដែរ។ ការយល់ដឹងពីអាស៊ាន ពិតមានប្រយោជន៍ដល់យុវជន ពីព្រោះនៅថ្ងៃអនាគតយុវជនកម្ពុជានឹងត្រូវធ្វើការរួមគ្នានៅលើឆាកអន្តរជាតិ ជាមួយយុវជនដែលមកពីប្រទេសជាសមាជិកអាស៊ានផ្សេងៗទៀត”
កញ្ញា យឿន ពុធធីតា
កញ្ញា ពុធធីតា បន្ថែមថា សព្វថ្ងៃនេះ មានកម្មវិធីជាច្រើនពីអាស៊ាន ដែលផ្តល់ឱកាសដល់យុវជនឱ្យយល់ដឹងស៊ីជម្រៅបន្ថែមទៀតពីអាស៊ាន ដោយវាមានសារៈសំខាន់សម្រាប់ពួកគេក្នុងការយល់ច្បាស់ពីកិច្ចការ ឬ បញ្ហាផ្សេងៗដែលអាស៊ានកំពុងជួបប្រទះ។
“តាមរយៈការរៀនផងដែរ ខ្ញុំយល់ថា ពេលមានកិច្ចប្រជុំអាស៊ានម្តងៗ សមាជិកទាំងអស់បានលើកយកបញ្ហាដែលអាស៊ាន ក៏ដូចជាពិភពលោកកំពុងជួបប្រទះ លើកយកមកពិភាក្សា និង រកដំណោះស្រាយរួមគ្នា ហើយរួមគ្នាធ្វើកិច្ចសហប្រតិបត្តិការដើម្បីអភិវឌ្ឍន៍ក្នុងតំបន់”
កញ្ញា យឿន ពុធធីតា
សូមបញ្ជាក់ថា នៅក្នុងឆ្នាំ២០២២នេះ ប្រទេសកម្ពុជាគឺជាម្ចាស់ផ្ទះ នៃកិច្ចប្រជុំកំពូលអាស៊ានលើកទី៤០ និង៤១ ព្រមទាំងកិច្ចប្រជុំពាក់ព័ន្ធ ចាប់ពីថ្ងៃទី១០ ដល់ថ្ងៃទី១៣ ខែវិច្ឆិកា ឆ្នាំ២០២២ ក្រោមមូលបទ “អាស៊ានរួមគ្នាធ្វើ ៖ ដោះស្រាយបញ្ហាប្រឈមទាំងអស់គ្នា”។ សម្រាប់កិច្ចប្រជុំដែលប្រទេសកម្ពុជាធ្វើជាម្ចាស់ផ្ទះនេះ មានបញ្ហាជាច្រើនដែលនឹងសមាជិកអាស៊ាន និងភាគីពាក់ព័ន្ធត្រូវផ្តោតសំខាន់ រួមមានដូចជា ៖ ការរាតត្បាតនៃកូវីដ-១៩, បម្រែបម្រួលអាកាសធាតុ និង ការអភិវឌ្ឍន៍ប្រកបដោយនិរន្តរភាព, ការប្រកួតប្រជែងរវាងមហាអំណាច, ការការពារនិយម, ជម្លោះទឹកដី, សង្គ្រាមពាណិជ្ជកម្ម និង បច្ចេកវិទ្យា, និង បញ្ហាគំរាមគំហែងសន្តិសុខសង្គមផ្សេងៗទៀត៕
ថានិត រាយការណ៍ព័ត៌មាន និងប្រែសម្រួលអត្ថបទនៅ AMS-Education ទាក់ទងអំពី ការអប់រំកុមារតូចនិងការចិញ្ចឹមកូនបែបវិជ្ជមាន បំណិនជីវិត បុគ្គលិកលក្ខណៈរបស់មនុស្ស ប្រវត្តិរបស់យុវជនឆ្នើមឬបុគ្គលគំរូ ការជ្រើសជំនាញសិក្សា និងព្រឹត្តិការណ៍ព័ត៌មានក្នុងកម្មវិធីចំណេះដឹងទូទៅតាមរយៈវេទិកាសាធារណៈនិងនៅតាមសហគមន៍នានា៕
របាយការណ៍ថ្មី
មើលទាំងអស់ ➧
វិធីសាស្រ្ត ៤ ដើម្បីការពារ និងគ្រប់គ្រងអាការៈ Burnout
ចំណេះជីវិត, បទយកការណ៍, ព្រឹត្តិការណ៍
• 13/04/2026
ការប្រើគ្រឿងស្រវឹងអាចបំផ្លាញខួរក្បាល ដែលរួមចំណែកនាំឱ្យមានជំងឺវង្វេង
បទយកការណ៍, ព័ត៌មានអន្តរជាតិ, ព្រឹត្តិការណ៍
• 13/04/2026
ព័ត៌មានទូទៅ
មើលទាំងអស់ ➧
អាហារូបករណ៍ TVET ចំនួន ៣៦០កន្លែង សិក្សានៅវិទ្យាស្ថានពហុបច្ចេកទេសខេត្តកំពង់ចាម
ព័ត៌មានអាហារូបករណ៍, ព្រឹត្តិការណ៍
• 28/08/2026
សម្រាប់យុវជន ក៏ដូចជាសិស្សានុសិស្ស ដែលមានបំណងចង់បន្តការសិក្សាលើជំនាញបច្ចេកទេស និងវិជ្ជាជីវៈ, ឆ្នាំសិក្សាថ្មីនេះ វិទ្យាស្ថានពហុបច្ចេកទេស ខេត្តកំពង់ចាម បានប្រកាសផ្តល់អាហារូបករណ៍...
អាហារូបករណ៍ថ្នាក់ឧត្ដមសិក្សានៅគ្រឹះស្ថានសិក្សា ចំនួន១៣៣០កន្លែង ពី អ.ម.ត ដោយមិនឆ្លងកាត់ការប្រឡង
ព័ត៌មានអាហារូបករណ៍, ព្រឹត្តិការណ៍
• 31/10/2025
ឱកាសទទួលបានអាហារូបករណ៍សិក្សាថ្នាក់ឧត្ដមសិក្សារហូតដល់ ១៣៣០កន្លែង ពីអាហារូបករណ៍សិស្ស-និស្សិតក្រីក្រ សម្ដេចគ្គមហាសេនាបតីតេជោ ហ៊ុន សែន និងសម្ដេចកិត្តិព្រឹទ្ធបណ្ឌិត (អ.ម.ត) សិក្សានៅគ្រឹះស្ថានឧត្ដមសិក្សាចំនួន១៤...
អាហារូបករណ៍ថ្នាក់បរិញ្ញាបត្រជាន់ខ្ពស់ចំនួន១០កន្លែង នៅវិទ្យាស្ថានបច្ចេកវិទ្យាកម្ពុជា
ព័ត៌មានអាហារូបករណ៍, ព្រឹត្តិការណ៍
• 10/08/2023
ឱកាសសិក្សាអាហារូបករណ៍ថ្នាក់បរិញ្ញាបត្រជាន់ខ្ពស់នៅវិទ្យាស្ថានបច្ចេកវិទ្យាកម្ពុជាចំនួន១០កន្លែង ពីកម្មវិធីអាហារូបករណ៍ EDC-AFD-EU ។ អាហារូបករណ៍ផ្ដល់ជូនការសិក្សារយៈពេល ២ឆ្នាំ ឬ៣ឆ្នាំតាមមុនជំនាញ ...
វិទ្យាស្ថានពហុបច្ចេកទេសភូមិភាគតេជោសែនសៀមរាប ផ្តល់អាហារូបករណ៍ដល់យុវជន២៤០នាក់
ព័ត៌មានអាហារូបករណ៍, ព្រឹត្តិការណ៍
• 25/04/2024
វិទ្យាស្ថានពហុបច្ចេកទេសភូមិភាគតេជោសែនសៀមរាប បានប្រកាសពីការផ្តល់អាហារូបករណ៍ចំនួន ២៤០កន្លែង ដល់យុវជនមកពីគ្រួសារក្រីក្រ/គ្រួសារងាយរងហានិភ័យ និងកម្មករនិយោជិត បុគ្គលនៃសេដ្ឋកិច្ចក្រៅប្រព័ន្ធ...
អាហារូបករណ៍ថ្នាក់បរិញ្ញាបត្រជាន់ខ្ពស់នៅសាកលវិទ្យាល័យវិទ្យាសាស្ត្រព័ត៌មាន និងបច្ចេកវិទ្យាណានជីង
ព័ត៌មានអាហារូបករណ៍, ព្រឹត្តិការណ៍
• 04/07/2025
ឱកាសសិក្សាអាហារូបករណ៍ថ្នាក់បរិញ្ញាបត្រជាន់ខ្ពស់ ក្នុងជំនាញ Agromrteorology ឬ Hydrometerology នៅសាកលវិទ្យាល័យវិទ្យាសាស្ត្រព័ត៌មាន និងបច្ចេកវិទ្យាណាជីងសម្រាប់ឆ្នាំសិក្សា២០២៥-២០២៧..
អាហារូបករណ៍ថ្នាក់ឧត្ដមសិក្សាពីកម្មវិធីអាហារូបករណ៍ ISDB Scholarship Program 2024
ព័ត៌មានអាហារូបករណ៍, ព្រឹត្តិការណ៍
• 19/04/2024
ឱកាសសិក្សាអាហារូបករណ៍ថ្នាក់បរិញ្ញាបត្រ ថ្នាក់បណ្ឌិត និងវគ្គសិក្សាផ្សេងៗពេញលេញពីកម្មវិធីអាហារូបករណ៍ ISDB Scholarship ...
សហភាពអឺរ៉ុបប្រកាសផ្តល់អាហារូបករណ៍ពេញលេញ Erasmus Mundus ថ្នាក់អនុបណ្ឌិតគោលនយោបាយសាធារណៈ
ព័ត៌មានអាហារូបករណ៍, ព្រឹត្តិការណ៍
• 01/10/2026
សម្រាប់និស្សិត ឬមន្ត្រីរាជការកម្ពុជាដែលមានបំណងចង់បន្តការសិក្សាថ្នាក់ឧត្តមសិក្សានៅបណ្តាប្រទេសក្នុងទ្វីបអឺរ៉ុប កម្មវិធីអាហារូបករណ៍
ឱកាសអាហារូបករណ៍ ១០០% ថ្នាក់បរិញ្ញាបត្ររង បរិញ្ញាបត្រ និងអនុបណ្ឌិត ចំនួន ៣១៤កន្លែង ពី ស.ស.យ.ក. រាជធានីភ្នំពេញ
ព័ត៌មានអាហារូបករណ៍, ព្រឹត្តិការណ៍
• 16/07/2026
ក្នុងឆ្នាំសិក្សាថ្មី ២០២៦-២០២៧ ខាងមុខនេះ សហភាពសហព័ន្ធយុវជនកម្ពុជា (ស.ស.យ.ក.) រាជធានីភ្នំពេញ ប្រកាសផ្តល់អាហារូបករណ៍ ១០០% ចំនួន ៣១៤កន្លែង សម្រាប់ការសិក្សាថ្នាក់បរិញ្ញាបត្ររង ថ្នាក់បរិញ្ញាបត្រ...
ក្រសួងអប់រំជ្រើសរើសគ្រូបង្រៀនមធ្យមសិក្សា ៥០០នាក់ ដើម្បីបណ្តុះបណ្តាលក្នុងកម្មវិធីលើកកម្ពស់គុណវុឌ្ឍិគ្រូបង្រៀន ជំនាន់ទី១
ព័ត៌មានអាហារូបករណ៍, ព្រឹត្តិការណ៍
• 06/04/2026
ក្រសួងអប់រំ យុវជន និងកីឡា កំពុងប្រកាសជ្រើសរើសលោកគ្រូ អ្នកគ្រូ នៃគ្រឹះស្ថានមធ្យមសិក្សាចំណេះទូទៅក្នុងសាលាគោលដៅ និងសាលាទទួលផលជះ នៃគម្រោងកែលម្អការអប់រំចំណេះទូទៅ (GEIP និងGEIP-AF)
កម្មវិធីពិសេសរបស់ AMS EDUCATION
ព័ត៌មានសង្ខេប
