ព្រឹត្តិការណ៍ព័ត៌មាន
ចំណេះជីវិត
ជំនាញ
យុវជនឆ្នើម
អប់រំកុមារតូច
ព័ត៌មានអាហារូបករណ៍
មាតិកាឌីជីថល
អនាគត
ពន្លកបៃតង
កម្ពុជា 360°
ភ្នំពេញ – មុខវិជ្ជាអប់រំសុខភាពត្រូវបានកំណត់ជាមុខវិជ្ជាកាតព្វកិច្ចមានរយៈពេល ១ម៉ោងក្នុង១សប្តាហ៍ ចាប់ពីថ្នាក់ទី១ ដល់ទី១២ ព្រោះថា ស្ថិតក្នុងបរិការនៃការអភិវឌ្ឍធនធានមនុស្ស ឬមូលធនមនុស្ស សុខភាព ជាកត្តាមិនអាចខ្វះបាន សម្រាប់ចាប់យកវិជ្ជាសម្បទា បំណិនសម្បទា និងចរិយាសម្បទា។ នេះបើតាមប្រសាសន៍របស់លោកជំទាវ គឹម សេដ្ឋានី រដ្ឋលេខាធិការ ក្រសួងអប់រំ យុវជន និងកីឡា ក្នុងឱកាសអញ្ជើញជាអធិបតីក្នុងវគ្គបំប៉នគ្រូឧទ្ទេសថ្នាក់ជាតិស្តីពីការប្រើប្រាស់សៀវភៅមុខវិជ្ជាអប់រំសុខភាព និងការពិនិត្យគំហើញនៅតាមសាលារៀន កាលពីម្សិលមិញ។
លោកជំទាវ គឹម សេដ្ឋានី រដ្ឋលេខាធិការ ក្រសួងអប់រំ យុវជន និងកីឡា មានប្រសាសន៍ថា រាជរដ្ឋាភិបាលកម្ពុជាបានយកចិត្តទុកដាក់ខ្ពស់លើសុខភាពសិក្សា ត្រូវ ដោយបានដាក់ចេញនូវគោលនយោបាយជាតិស្តីពីសុខភាពសិក្សា។ លោកជំទាវ បន្តថា ស្ថិតក្នុងបរិបទជំងឺកូវីដ-១៩ សុខភាពសិក្សាកាន់តែដើរតួនាទីយ៉ាងសំខាន់ធានានូវសុវត្ថិភាព សុខភាពបុគ្គលិកអប់រំ និងអ្នកសិក្សា តាមរយៈការដាក់ចេញនូវវិធានការជាអាទិភាពដោយមានការចូលរួមជាពហុវិស័យ។
លោកជំទាវ គឹម សេដ្ឋានី បញ្ជាក់បន្ថែមថា ក្រសួងអប់រំ បានកំណត់ការកែទម្រង់កម្មវិធីសិក្សានិងបរិស្ថានសិក្សា ជាកម្មវិធីអាទិភាពសំខាន់មួយក្នុងចំណោមអាទិភាពនានាដើម្បីអប់រំពលរដ្ឋកម្ពុជាឱ្យទៅជាពលរដ្ឋពេញលេញ តាមរយៈការធ្វើទំនើបកម្មកម្មវិធីសិក្សាទាំងខ្លឹមសារ វិធីសាស្ត្របង្រៀន និងរៀន ។ លោកជំទាវ បន្តថា ភាពប្រទាក់ក្រឡាគ្នា ដោយកំណត់ច្បាស់លាល់នូវ វិជ្ជាសម្បទា បំណិនសម្បទា និងចរិយាសម្បទា នៃខ្លឹមសារមេរៀននីមួយៗ គឺឱ្យឆ្លើយតបទៅនឹងការរីកចម្រើនផ្នែកវិទ្យាសាស្រ្ត បច្ចេកវិទ្យាឌីជីថល ពិសេសឆ្លើយតបទៅនឹងតម្រូវការទីផ្សារឧស្សាហកម្ម៤.០។
“សុខភាព ជាកត្តាមិនអាចខ្វះបាន ក្នុងការឈានទៅចាប់យកវិជ្ជាសម្បទា បំណិនសម្បទា និងចរិយាសម្បទា”
លោកជំទាវ គឹម សេដ្ឋានី
ក្នុងឱកាសនេះដែរ លោក បាក់ តូក្យូ ប្រធានមូលនិធិហ្រ្វតហូឡូប្រចាំកម្ពុជា បានថ្លែងអំណរគុណចំពោះក្រសួងអប់រំ យុវជន និងកីឡា តាមរយៈនាយកដ្ឋានសុខភាពសិក្សា ក្នុងការសហការអនុវត្តសកម្មភាពនានាពាក់ព័ន្ធនឹងការបង្ការពិការភាពភ្នែកដែលអាចបង្ការបាននាពេលកន្លងមក និងពេលបច្ចុប្បន្ន។ លោក បាក់ តូក្យូ បន្តថា ក្នុងនាមមូលនិធិហ្រ្វេតហូឡូប្រចាំកម្ពុជា លោកនឹងបន្តគាំទ្រសកម្មភាពនេះបន្តទៀត ពិសេសការពង្រឹងសមត្ថភាពគ្រូក្នុងការបង្រៀនមុខវិជ្ជាអប់រំសុខភាព ការពិនិត្យគំហើញសិស្សនៅតាមសាលារៀន និងផ្តល់វ៉ែនតាជាដើម។
តាមការបញ្ជាក់របស់ លោកជំទាវ គឹម សេដ្ឋានី កន្លងមកនេះ រាជរដ្ឋាភិបាលបានចេញនូវសេចក្តីសម្រេច និងគោលការណ៍ណែនាំមួយចំនួនពាក់ព័ន្ធនឹងសុខភាពសិក្សាដូចជា បង្កើតនូវគណៈកម្មាធិការអន្តរក្រសួងស្តីពីសុខភាពសិក្សា គណៈកម្មការជំនាញសុខភាពសិក្សាតាមក្រសួងស្ថាប័ន គណៈកម្មការសុខភាពសិក្សារាជធានី-ខេត្ត។ គណៈកម្មការសុខភាពសិក្សានៃមន្ទីរអប់រំ យុវជន និងកីឡារាជធានី ខេត្ត ផ្នែកសុខភាពសិក្សានៃការិយាល័យអប់រំ យុវជន និងកីឡានៃរដ្ឋបាលក្រុង ស្រុក ខណ្ឌ និងគណៈកម្មការសុខភាពសិក្សាតាមគ្រឹះស្ថានសិក្សាដែលជាអ្នកអនុវត្តផ្ទាល់។
គួរបញ្ចាក់ថា វគ្គបំប៉ន ស្តីពីការប្រើប្រាស់សៀវភៅសិក្សាគោលមុខវិជ្ជាអប់រំសុខភាព និងការពិនិត្យគំហើញនៅតាមសាលារៀន រៀបចំឡើងដោយមានសិក្ខាកាមចូលរួមចំនួន ៦២នាក់ ស្រី ៣៨នាក់ ចូលរួមនាយកដ្ឋានជំនាញពាក់ព័ន្ធរបស់ក្រសួងអប់រំ យុវជន និងកីឡា លោកគ្រូ អ្នកគ្រូ គរុសិស្សនៃសាលាគរុកោសល្យនិងវិក្រឹតការខេត្តព្រៃវែង តំណាងកម្មវិធីជាតិសុខភាពភ្នែកនៃក្រសួងសុខាភិបាល តំណាងមូលនិធិហ្រ្វេតហូឡូប្រចាំកម្ពុជា តំណាងអង្គការគីហ្សូណា និងតំណាងសកលវិទ្យាល័យហ្គាគុហ្គេប្រទេសជប៉ុន៕
កញ្ញា វ៉ាន គីមសល់ ជាអ្នកសរសេរព័ត៌មានអប់រំ នៅ AMS Education។ កញ្ញាមានចំណូលចិត្តសរសេរមាតិកាព័ត៌មានអប់រំទាក់ទងនឹង ព្រឹត្តិការណ៍ ព័ត៌មានជាតិ ការអប់រំយុវជន និងកុមារតូច ព្រមទាំងស្រាវជ្រាវលើការវិវឌ្ឍន៍ថ្មីៗក្នុងវិស័យអប់រំ។
របាយការណ៍ថ្មី
មើលទាំងអស់ ➧
វិធីសាស្រ្ត ៤ ដើម្បីការពារ និងគ្រប់គ្រងអាការៈ Burnout
ចំណេះជីវិត, បទយកការណ៍, ព្រឹត្តិការណ៍
• 13/04/2026
ការប្រើគ្រឿងស្រវឹងអាចបំផ្លាញខួរក្បាល ដែលរួមចំណែកនាំឱ្យមានជំងឺវង្វេង
បទយកការណ៍, ព័ត៌មានអន្តរជាតិ, ព្រឹត្តិការណ៍
• 13/04/2026
ព័ត៌មានទូទៅ
មើលទាំងអស់ ➧
ក្រសួងអប់រំប្រកាសពីអាហារូបករណ៍ថ្នាក់វេជ្ជសាស្រ្តទូទៅ និងថ្នាក់ Medical Residency នៅសាធារណរដ្ឋអាស៊ែបៃហ្សង់
ព័ត៌មានអាហារូបករណ៍, ព្រឹត្តិការណ៍
• 06/05/2025
ក្រសួងអប់រំ យុវជន និងកីឡា កាលពីថ្ងៃទី៥ ឧសភា បានជូនដំណឹងថា សាធារណរដ្ឋ អាស៊ែបៃហ្សង់ នឹងផ្តល់អាហារូបករណ៍ដល់និស្សិតកម្ពុជា ចំនួន ៣កន្លែង ក្រោមកម្មវិធីអាហារូបករណ៍ "Heydar Aliyev-International Education Grand Program”
ឱកាសសិក្សាអាហារូបករណ៍ថ្នាក់បរិញ្ញាបត្រជាន់ខ្ពស់ និងបណ្ឌិតនៅសាកលវិទ្យាល័យ Skoltech នៃប្រទេសរុស្សី ឆ្នាំសិក្សា២០២៥
ព័ត៌មានអាហារូបករណ៍, ព្រឹត្តិការណ៍
• 05/05/2025
ឱកាសសិក្សាអាហារូបករណ៍ថ្នាក់បរិញ្ញាបត្រជាន់ខ្ពស់ និងថ្នាក់បណ្ឌិតនៅសាកលវិទ្យាល័យ Skoltech ពីកម្មវិធីអាហារូបករណ៍ Skoltech Univeristy Russia Scholarship 2025 សម្រាប់និស្សិតអន្តរជាតិ។ អាហារូបករណ៍ផ្ដល់ការសិក្សាពេញលេញ
ឱកាសគ្រូបង្រៀនចូលរួមកម្មវិធី Teacher Training Students នៅប្រទេសជប៉ុន ឆ្នាំ២០២៦
ព័ត៌មានអាហារូបករណ៍, ព្រឹត្តិការណ៍
• 15/01/2026
ជាឱកាសសម្រាប់លោកគ្រូ អ្នកគ្រូ ដែលកំពុងបង្រៀននៅតាមសាលារៀនបឋមសិក្សា មធ្យមសិក្សា និងសាលាគរុកោសល្យ នៅទូទាំងប្រទេសកម្ពុជា, សម្រាប់ឆ្នាំ២០២៦នេះ កម្មវិធីអាហារូបករណ៍ Teacher Training...
វិទ្យាស្ថានជាតិពហុបច្ចេកទេសអង្គរ ផ្តល់អាហារូបករណ៍១០០% និង ៥០% លើជំនាញវិស្វកម្ម ៥៨០កន្លែង
ព័ត៌មានអាហារូបករណ៍, ព្រឹត្តិការណ៍
• 12/09/2024
វិទ្យាស្ថានជាតិពហុបច្ចេកទេសអង្គរ បានប្រកាសពីការផ្តល់ជូនអាហារូបករណ៍ ១០០% និង ៥០% ទៅលើជំនាញបច្ចេកទេសពាក់ព័ន្ធនឹងវិស្វកម្មសរុបចំនួន ៥៨០កន្លែង ដោយក្នុងនោះបេក្ខជនអាចទទួលបានប្រាក់ឧបត្ថម្ភចំនួន ៦០ដុល្លារក្នុងមួយខែថែមទៀត។
អាហារូបករណ៍សិក្សាថ្នាក់បរិញ្ញាបត្រ១០កន្លែងនៅសាកលវិទ្យាល័យ ហេង សំរិន ត្បូងឃ្មុំ ឆ្នាំសិក្សា២០២២-២០២៣
ព័ត៌មានអាហារូបករណ៍, ព្រឹត្តិការណ៍
• 03/01/2023
កម្មវិធីអាហារូបករណ៍ ស សុខា ថ្នាក់ជាតិ បានប្រកាសផ្ដល់ជូនអាហារូបករណ៍សិក្សាថ្នាក់បរិញ្ញាបត្រចំនួន១០កន្លែងនៅសាកលវិទ្យាល័យ...
វិទ្យាស្ថានបច្ចេកទេសឧស្សាហកម្ម ផ្តល់អាហារូបករណ៍ជាង១ពាន់កន្លែង ដល់យុវជនមកពីគ្រួសារក្រីក្រ និងគ្រួសារងាយរងហានិភ័យ
ព័ត៌មានអាហារូបករណ៍, ព្រឹត្តិការណ៍
• 17/10/2025
វិទ្យាស្ថានបច្ចេកទេសឧស្សាហកម្ម នៃក្រសួងការងារ និងបណ្តុះបណ្តាលវិជ្ជាជីវៈ ប្រកាសផ្តល់អាហារូបករណ៍ចំនួន ១ ១៦០កន្លែង លើ ១៦មុខជំនាញ ដល់យុវជនមកពីគ្រួសារក្រីក្រ និងគ្រួសារងាយរងហានិភ័យ ព្រមទាំងផ្ដល់ប្រាក់ឧបត្ថម្ភប្រចាំខែ...
អាហារូបករណ៍ស្រាវជ្រាវថ្នាក់បណ្ឌិត និងថ្នាក់ក្រោយបណ្ឌិត ទៅសិក្សានៅរ៉ូម៉ានី ឆ្នាំសិក្សា២០២៤-២០២៥
ព័ត៌មានអាហារូបករណ៍, ព្រឹត្តិការណ៍
• 09/12/2024
ក្រោមកម្មវិធីអាហារូបករណ៍ Eugen Ionescu Programme របស់រដ្ឋាភិបាល នៃប្រទេសរ៉ូម៉ានី សម្របសម្រួលដោយទីភ្នាក់ងារឧត្តមសិក្សាហ្រ្វង់កូហ្វូនី (AUF) នឹងផ្តល់អាហារូបករណ៍ស្រាវជ្រាវថ្នាក់បណ្ឌិត និងថ្នាក់ក្រោយបណ្ឌិត សិក្សារយៈពេល៣ខែ...
ឱកាសសិក្សាថ្នាក់បរិញ្ញាបត្រពីកម្មវិធីអាហារូបករណ៍សម្ដេចវិបុលបញ្ញា សុខ អាន នៅសាកលវិទ្យាល័យពុទ្ធិសាស្ត្រ
ព័ត៌មានអាហារូបករណ៍, ព្រឹត្តិការណ៍
• 08/01/2024
ឱកាសសិក្សាថ្នាក់បរិញ្ញាបត្រពីកម្មវិធីអាហារូបករណ៍សម្ដេចវិបុលបញ្ញា សុខ អាន នៅសាកលវិទ្យាល័យ ពុទ្ធិសាស្ត្រ សម្រាប់ឆ្នាំសិក្សា២០២៤។ អាហារូបករណ៍ផ្តោតលើឧត្តមភាព...
កម្មវិធីពិសេសរបស់ AMS EDUCATION
ព័ត៌មានសង្ខេប
