ព្រឹត្តិការណ៍ព័ត៌មាន
ចំណេះជីវិត
ជំនាញ
យុវជនឆ្នើម
អប់រំកុមារតូច
ព័ត៌មានអាហារូបករណ៍
មាតិកាឌីជីថល
អនាគត
ពន្លកបៃតង
កម្ពុជា 360°
ក្រសួងអប់រំ យុវជន និងកីឡា ប្រកាសប្រឡងជ្រើសរើស និងបណ្តុះបណ្តាលអធិការអប់រំចំនួន១០០នាក់ សម្រាប់ឆ្នាំសិក្សា២០២៣-២០២៤ តាមប្រព័ន្ធបណ្តុះបណ្តាល រយៈពេល ០១ឆ្នាំ នៅវិទ្យាស្ថានជាតិអប់រំ ។
សម្រាប់លក្ខណៈវិនិច្ឆ័យបេក្ខជនបុគ្គលិកអប់រំទាំងពីរភេទ រួមមាន ទី១. កំពុងបម្រើការងារក្នុងក្របខណ្ឌក្រសួងអប់រំ យុវជន និងកីឡា ទី២. មានឋានន្តរស័ក្កិគ្រូបង្រៀនកម្រិតឧត្ដមដើមខ្សែ ថ្នាក់ទី៤ ឡើងទៅ (ក២.៤) និងទី៣. មានសញ្ញាបត្រចាប់ពីបរិញ្ញាបត្រ ឬសញ្ញាបត្រដែលមានតម្លៃសមមូលឡើងទៅ។
វិញ្ញាសាប្រឡង រួមមាន ជំនាញពាក់ព័ន្ធនឹងការងារអធិការកិច្ច រយៈពេល៣ម៉ោង០០នាទី មេគុណ២, វិញ្ញាសា វប្បធម៌ទូទៅ រយៈពេល១ម៉ោង៣០នាទី មេគុណ១, វិញ្ញាសាភាសាអង់គ្លេស រយៈពេល១ម៉ោង៣០នាទី មេគុណ១។ សម័យប្រឡង៖ ថ្ងៃទី៣០ ខែវិច្ឆិកា ឆ្នាំ២០២៣។ មណ្ឌលប្រឡង៖ វិទ្យាស្ថានជាតិអប់រំ។
បេក្ខជនដែលបានប្រឡងជាប់ទាំងអស់ត្រូវទទួលការបណ្ដុះបណ្ដាលនៅវិទ្យាស្ថានជាតិអប់រំ និងចូលរៀននៅថ្ងៃទី២៥ ខែធ្នូ ឆ្នាំ២០២៣។ ទន្ទឹមគ្នានេះ បេក្ខជនដែលជាប់អាហារូបករណ៍ក្នុងកម្មវិធីណាមួយនៅវិទ្យាស្ថានជាតិអប់រំរួចហើយ មិនអនុញ្ញាតិឱ្យដាក់ពាក់ប្រឡងជ្រើសរើសយកអាហារូបករណ៍ក្នុងកម្មវិធីផ្សេងទៀតទេ។
កាលបរិច្ឆេទទទួលពាក្យសុំចុះឈ្មោះប្រឡងចាប់ពីថ្ងៃប្រកាសផ្សាយដំណឹងនេះ រហូតដល់ផុតកំណត់ថ្ងៃទី១០ ខែវិច្ឆិកា ឆ្នាំ២០២៣ វេលាម៉ោង ១៧:០០នាទី។ បេក្ខជនត្រូវទាញយកពាក្យសុំប្រឡងជ្រើសរើសតាមតំណភ្ជាប់ https://shorturl.at/NOPQR រួចព្រីនចេញជាពណ៌ ឬសខ្មៅ។ បេក្ខជនត្រូវបង់សិទ្ធិប្រឡងចំនួន២០០០រៀល (ពីរពាន់រៀលគត់)។ ទីកន្លែងដាក់ពាក្យនៅ វិទ្យាស្ថានជាតិអប់រំ (ការិយាល័យសិក្សា) រៀងរាល់ម៉ោងធ្វើការ។
ចំពោះព័ត៌មានលម្អិត បេក្ខជនអាចទំនាក់ទំនងនៅវិទ្យាស្ថានជាតិអប់រំ (ការិយាល័យសិក្សា) ឬតាមទូរស័ព្ទលេខ 088 9899 162 / ០៨៩ ៩៣៨៣ ៤៩ / ០១៦ ៩៥៩ ៦២៤ ឬតាមរយៈក្រុមតេឡេក្រាមដែលមានឈ្មោះប្រឡងជ្រើសរើសនិស្សិតអធិការអប់រំជំនាន់ទី៨ តាមតំណភ្ជាប់ https://t.me/inspectorpro8 និងគេហទំព័រវិទ្យាស្ថានជាតិអប់រំ http://www.nie.edu.kh ៕
