ព្រឹត្តិការណ៍ព័ត៌មាន
ចំណេះជីវិត
ជំនាញ
យុវជនឆ្នើម
អប់រំកុមារតូច
ព័ត៌មានអាហារូបករណ៍
មាតិកាឌីជីថល
អនាគត
ពន្លកបៃតង
កម្ពុជា 360°
សាកលវិទ្យាល័យភូមិន្ទនីតិសាស្ត្រ និងវិទ្យាសាស្ត្រសេដ្ឋកិច្ច និងចូលរួមសហការណ៍ពី កម្មវិធីសាបព្រោះគ្រាប់ពូជ (ស.ស.យ.ក រាជធានីភ្នំពេញ) និងដៃគូរសហការជាច្រើន នឹងរៀបចំពិព័រណ៍អប់រំឆ្នាំ២០២៣ នាថ្ងៃទី១១ ខែវិច្ឆិកា ឆ្នាំ២០២៣ ខាងមុននេះ។
ពិព័រណ៍អប់រំនេះត្រូវបានបង្កើតឡើងក្នុងគោលបំណងចំនួន៤ ដូចជាទី១. ផ្សព្វផ្សាយសមិទ្ធផលរបស់មហាវិទ្យាល័យ សាស្ត្រាចារ្យ និងសហប្រតិបត្តិការអន្តរជាតិរបស់សាកលវិទ្យាល័យភូមិន្ទនីតិសាស្ត្រ និងវិទ្យាសាស្ត្រសេដ្ឋកិច្ច និងគ្រឹះស្ថានឧត្ដមសិក្សានានា។
ទី២. ផ្ដល់ឱកាសឱ្យក្រុមហ៊ុន ធនាគារ ក្រុមហ៊ុនមេធាវី អង្គការផ្សេងៗ និងភាគីពាក់ព័ន្ធផ្សេងទៀតផ្សព្វផ្សាយសមិទ្ធផល និងផលិតផលរបស់ខ្លួន។ ទី៣. ផ្ដល់ឱកាសឱ្យនិស្សិតបង្កើតគំនិតច្នៃប្រឌិតក្នុងការបង្ហាញស្នាដៃរបស់ខ្លួន និងទី៤. ការជួបជុំអតីតនិស្សិតថ្នាក់បរិញ្ញាបត្រជាន់ខ្ពស់ និយោជក តំណាងស្ថាប័នរដ្ឋ សាស្ត្រចារ្យ និងនិស្សិតចែករំលែកបទពិសោធន៍គ្នាទៅវិញទៅមក។
ជាមួយគ្នានេះសាធារណជនគ្រប់ស្រទាប់វណ្ណៈអាចចូលរួមទស្សនាដោយសេរី និងដោយក្ដីរីករាយក្នុងកម្មពិធីពិព័រណ៍អប់រំដោយមានការចូលរួមតាំងពីផលិតផលផ្សេងៗជាង៨០ស្ដង់ និងទស្សនាកំសាន្តការសម្ដែងផ្សេងៗផងដែរ។
គួរបញ្ជាក់ដែរថា ពិព័រណ៍អប់រំ២០២៣នេះជាការពិព័រណ៍អប់រំលើកទី៣ក្រោយការផ្អាកអស់រយៈពេលយូរឆ្នាំដោយសារបញ្ហាកូវីដ-១៩ ។ ការរៀបចំពិព័រណ៍អប់រំលើកទីមួយនៅឆ្នាំ២០១៧ លើកទីពីរនៅឆ្នាំ២០១៨ដោយមានអ្នកចូលរួមច្រើនជាង២ម៉ឺននាក់ និងលើកទីបី នឹងប្រព្រឹត្តនៅថ្ងៃទី១១ ខែវិច្ឆកា ឆ្នាំ២០២៣ខាងមុខនេះ៕
