ព្រឹត្តិការណ៍ព័ត៌មាន
ចំណេះជីវិត
ជំនាញ
យុវជនឆ្នើម
អប់រំកុមារតូច
ព័ត៌មានអាហារូបករណ៍
មាតិកាឌីជីថល
អនាគត
ពន្លកបៃតង
កម្ពុជា 360°
ជាឱកាសល្អសម្រាប់បងប្អូនប្រជាពលរដ្ឋ យុវជន រស់នៅខេត្តព្រះវិហារ ពេលនេះវិទ្យាស្ថានពហុបច្ចេកទេសខេត្តព្រះវិហារ ប្រកាសជ្រើសរើសសិក្ខាកាមទាំងពីរភេទ ចំនួន១២០នាក់ ដើម្បីចូលរៀនដោយឥតបង់ថ្លៃ។
ជំនាញបច្ចេកទេសដែលផ្តល់ជូនសម្រាប់ការសិក្សារួមមាន ៖ ១.ថែទាំ និងជួសជុលទោចក្រយានយន្ត ចំនួន១វគ្គ (សិក្ខាកាម១៥នាក់), ២.ថែទាំ និងជួសជុលម៉ាស៊ីនធុនតូច ចំនួន១វគ្គ (សិក្ខាកាម១៥នាក់), ៣.ការដំឡើងបណ្តាញអគ្គិសនីក្នុងអគារ ចំនួន១វគ្គ (សិក្ខាកាម១៥នាក់), ៤.ផ្សារអគ្គិសនី ចំនួន១វគ្គ (សិក្ខាកាម១៥នាក់), ៥.ការងារកំបោរ ចំនួន ២វគ្គ (សិក្ខាកាម៣០នាក់), ៦.សេវាកម្មកុំព្យូទ័រ ចំនួន២វគ្គ (សិក្ខាកាម៣០នាក់)។
វគ្គសិក្ខានីមួយៗមានរយៈពេលសិក្សាចំនួន ៤ខែ ចាប់ពីថ្ងៃចន្ទ ដល់ថ្ងៃសុក្រ។
លក្ខខណ្ឌ នៃការជ្រើសរើស ៖ យុវជនទាំងពីរភេទដែលមានចំណាប់អារម្មណ៍ ផ្តល់អាទិភាពជូន ជនក្រីក្រ ជនជាតិដើមភាគតិច សិស្សបោះបង់ការសិក្សា ជនពិការ ក្មេងកំព្រា ដែលមានអាយុចាប់ពី១៥-៣០ឆ្នាំ។
សំណុំលិខិតដែលត្រូវបំពេញ ៖ ពាក្យសុំចុះឈ្មោះចូលរៀន ១ច្បាប់, ជីវៈប្រវត្តិសង្ខេប ១ច្បាប់, រូបថតថ្មី ថតចំពីមុខ អាវធំក្រវ៉ាត់ក (៤x៦) ចំនួន៤សន្លឹក ដោយភ្ជាប់មកជាមួយនូវសៀវភៅគ្រួសារ ឬសៀវភៅស្នាក់នៅ ប័ណ្ណសមធម៌កម្រិតក្រីក្រ១ ឬក្រីក្រ២ (ករណីដែលមានប័ណ្ណសមធម៌)។
ការទទួលពាក្យចាប់ផ្តើមពីថ្ងៃជូនដំណឹងនេះ នៅវិទ្យាស្ថានពហុបច្ចេកទេសខេត្តព្រះវិហារ មានទីតាំងផ្លូវលេខ ៦A ភូមិដំណាក់ សង្កាត់កំពង់ប្រណាក ក្រុងព្រះវិហារ (ខាងក្រោយសាលាខេត្តព្រះវិហារ) ឬតាមរយៈមន្រ្តីអភិវឌ្ឍន៍សហគមន៍។ កាលបរិច្ឆេទចូលរៀននៅថ្ងៃទី២៩ ខែឧសភា ឆ្នាំ២០២៣៕
