ព្រឹត្តិការណ៍ព័ត៌មាន
ចំណេះជីវិត
ជំនាញ
យុវជនឆ្នើម
អប់រំកុមារតូច
ព័ត៌មានអាហារូបករណ៍
មាតិកាឌីជីថល
អនាគត
ពន្លកបៃតង
កម្ពុជា 360°
សម្រាប់សិស្សានុសិស្សដែលកំពុងរៀនថ្នាក់ទី១២ ហើយមានបំណងចង់បន្តការសិក្សានៅសាកលវិទ្យាល័យ លើជំនាញបច្ចេកវិទ្យា បន្ទាប់ពីចប់បាក់ឌុបរួច, ពេលនេះ សាកលវិទ្យាល័យឯកជនក្នុងស្រុកមួយ គឺសាកលវិទ្យាល័យខេមតិច កំពុងប្រកាសផ្តល់អាហារូបករណ៍ រហូតដល់១០០% ។
អាហារូបករណ៍នេះ នឹងផ្ដល់លើជំនាញសិក្សាដូចជា បញ្ញាធុរកិច្ច (Business Intelligence), វិស្វកម្មរ៉ូបូតនិងស្វ័យប្រវត្តិកម្ម (Robotics and Automation Engineering), បញ្ញាសិប្បនិមិ្មត និងវិទ្យាសាស្ត្រទិន្នន័យ (Data Science and Artificial Intelligence), វិស្វកម្មសូហ្វវែរ (Software Engineering), សន្តិសុខតាមប្រព័ន្ធអ៊ីនធឺណិត (Cyber Security), ស្ថាបត្យកម្ម (Architecture) និងការរចនាផ្នែកខាងក្នុង(Interior Design)។
អាហារូបករណ៍ផ្តល់ជូនតាមរយៈការប្រឡង ដែលគ្រោងធ្វើឡើងនៅថ្ងៃទី១៥ ខែឧសភា ឆ្នាំ២០២៦ខាងមុខ ដូច្នេះសិស្សានុសិស្សអាចដាក់ពាក្យបាន ដោយភ្ជាប់ជាមួយឯកសារដូចជា ៖ សំបុត្រកំណើត, អត្តសញ្ញាណបណ្ណសញ្ញាតិខ្មែរ ឬលិខិតឆ្លងដែន (PDF/JPG), សញ្ញាបត្រមធ្យមសិក្សាទុតិយភូមិ ឬឯកសារសមមូលណាមួយ ឬកាតសិស្សថ្នាក់ទី១២។
កញ្ញា ក្រង កន្នីកា ប្រធានផ្នែកជ្រើសរើសនិសិ្សត និងទំនាក់ទំនងសាធារណៈ នៃសាកលវិទ្យាល័យខេមតិច ប្រាប់ AMS ថា អាហារូបករណ៍នេះ មានលក្ខណៈពិសេស គឺផ្ដល់ឱកាសដល់សិស្សកំពុងរៀនថ្នាក់ទី១២ អាចប្រឡងបាន។ ក្នុងករណីបេក្ខជនទទួលបានអាហារូបករណ៍ ៧៥ភាគរយ ហើយលទ្ធផលប្រឡងបាក់ឌុប ទទួលបាននិទ្ទេស A នោះនឹងតម្លើងអាហារូបករណ៍នេះរហូតដល់ ១០០ភាគរយ ជូនសិស្សតែម្ដង។
បើតាមកញ្ញា កន្នីកា សម្រាប់បេក្ខជនដែលមិនទាន់មានសញ្ញាបត្រមធ្យមសិក្សាទុតិយភូមិ ឬបាក់ឌុប ក៏អាចមកប្រឡងបានដែរ គឺប្រៀបដូចជាការត្រៀមខ្លួនរៀននៅមហាវិទ្យាល័យរួចជាស្រេចដែរ។
សម្រាប់បេក្ខជនមានចំណាប់អារម្មណ៍ អាចចុះឈ្មោះតាមរយៈតំណលីង https://forms.gle/og2qoeEwfdXzHqVf7 ។ ផុតកំណត់ចុះឈ្មោះនៅថ្ងៃទី១០ ខែឧសភា ឆ្នាំ២០២៦។
សម្រាប់ព័ត៌មានបន្ថែមសូមទំនាក់ទំនងទៅកាន់តេឡេក្រាម https://t.me/camtechuniversity៕
