ព្រឹត្តិការណ៍ព័ត៌មាន
ចំណេះជីវិត
ជំនាញ
យុវជនឆ្នើម
អប់រំកុមារតូច
ព័ត៌មានអាហារូបករណ៍
មាតិកាឌីជីថល
អនាគត
ពន្លកបៃតង
កម្ពុជា 360°
គម្រោងសុវត្ថិភាព និងសិទ្ធិកុមារតាមប្រព័ន្ធអនឡាញ របស់អង្គការ TdH NL សហការជាមួយក្រសួងប្រៃសណីយ៍ និងទូរគមនាគមន៍ បានរួមគ្នាធ្វើយុទ្ធនាការផ្សព្វផ្សាយ “ពិភពអនឡាញដែលមានសុវត្ថិភាពសម្រាប់កុមារ”។
យុទ្ធនាការផ្សព្វផ្សាយនេះ បានចាប់ផ្តើមតាំងពីខែមីនា ឆ្នាំ២០២៤ ដោយនាយកដ្ឋានគោលនយោបាយ ICT នៃក្រសួងប្រៃសណីយ៍ និងទូរគមនាគមន៍ និងអង្គការ TdH NL ប្រចាំនៅកម្ពុជា ជាមួយអ្នកបង្កើតមាតិការតាមបណ្តាញសង្គម ។
យុទ្ធនាការនេះ នឹងធ្វើការផ្សព្វផ្សាយពីគន្លឹះសំខាន់សម្រាប់កុមារ និងអ្នកអាណាព្យាបាលសម្រាប់សុវត្ថិភាពនៅតាមប្រព័ន្ធអនឡាញ ដោយមានជាការចែករំលែកពីគន្លឹះ និងព័ត៌មានតាមរយៈជារូបភាព វីដេអូ និងការផ្សព្វផ្សាយពី Chatbot game ដើម្បីសុវត្ថិភាពនៅតាមប្រព័ន្ធអនឡាញ។ ទន្ទឹមគ្នានោះមានការចែករំលែកអំពីការកំណត់ឯកជនភាព ព័ត៌មានដែលមិនគួរចែករំលែកតាមបណ្តាញសង្គម កិច្ចសហការ និងយន្តការរាយការណ៍របស់អាណាព្យាបាលក្នុងការចូលរួមការពារការរំលោភបំពានកុមារ។ លើសពីនេះទៅទៀត យុទ្ធនាការក៏ចែករំលែកចំណេះដឹងពីប្រភេទ និងនិយមន័យ នៃការរំលោភបំពានកុមារតាមប្រព័ន្ធអនឡាញ និងការផ្លាស់ប្តូរគំនិតដោយបញ្ឈប់ ការរើសអើង ឬការស្តីបន្ទោសជនរងគ្រោះ។
លោកស្រី តាន់ សូដានី ប្រធាននាយកដ្ឋានគោលនយោបាយបច្ចេកវិទ្យា គមនាគមន៍ និងព័ត៌មាន នៃក្រសួងប្រៃសណីយ៍ និងទូរគមនាមគមន៍ មានប្រសាសន៍ថា ដោយហេតុតែបច្ចុប្បន្ន មិនទាន់មានភាពទូលំទូលាយ នៃការបញ្ជ្រាបសារពាក់ព័ន្ធនឹងការប្រើប្រាស់ប្រព័ន្ធអនឡាញឱ្យមានសុវត្ថិភាពក្នុងភាគរយខ្ពស់ ទើបតម្រូវឱ្យភាគីដែលពាក់ព័ន្ធ បំផុសព័ត៌មានបន្ថែមទាក់ទិននឹងការបង្ការគ្រោះមហន្តរាយនានា ដែលបណ្តាលមកពីការប្រើប្រាស់អនឡាញ និងជាការចូលរួមពង្រឹងគុណភាព និងសុវត្ថិភាព។
ការយល់ដឹងពីហានិភ័យតាមប្រព័ន្ធអនឡាញសំរាប់អ្នកប្រើប្រាស់អ៊ីនធើរណេត នៅក្នុងប្រទេសកម្ពុជា គឺនៅមានកម្រិត ដូចនេះយើងត្រូវការផ្សព្វផ្សាយបន្ថែម ដើម្បីអោយសារធារណៈជនយល់ដឹងពីសុវត្ថិភាពតាមប្រព័ន្ធអនឡាញ។
លោកស្រី តាន់ សូដានី ប្រធាននាយកដ្ឋានគោលនយោបាយបច្ចេកវិទ្យា គមនាគមន៍ និងព័ត៌មាន នៃក្រសួងប្រៃសណីយ៍ និងទូរគមនាមគមន៍
ដោយឡែក លោកស្រី Zoe de Melo ប្រធានគ្រប់គ្រងគម្រោង OCSE របស់អង្គការ TdH NL ប្រចាំនៅកម្ពុជា បានលើកឡើងថា យុទ្ធនាការនេះ ជាឧទាហរណ៍មួយដ៏សំខាន់ដែលដៃគូរពាក់ព័ន្ធបានចូលរួមជាមួយគ្នា ដោយមានការចូលរួមពីក្រសួងសាម៉ី អ្នកបង្កើតមាតិការតាមបណ្តាញសង្គម និងអ្នកជំនាញពីអង្គការអន្តរជាតិ ដែលវានឹងមានសក្តានុពល និងទទួលបានលទ្ធផលខ្ពស់។ យើងក៏ជឿជាក់ដែរថា អ្នកអាណាព្យាបាលនឹងចាប់ផ្តើមជជែកជាមួយកូនៗរបស់ពួកគាត់ពីសកម្មភាពនៅតាមប្រព័ន្ធអនឡាញ និងកាត់បន្ថយហានិភ័យការរំលោភបំពានតាមប្រព័ន្ធអនឡាញ។
បើយោងតាមរបាយការណ៍បញ្ឈប់គ្រោះថ្នាក់នៅកម្ពុជាក្នុងឆ្នាំ២០២២ បានបង្ហាញថា កុមារដែលប្រើប្រាស់អ៊ីនធឺណេតចំនួន ១១% ធ្លាប់ទទួលរងនូវការរំលោភបំពាន និងការកេងប្រវ័ញ្ចផ្លូវភេទតាមប្រព័ន្ធអនឡាញ។ របាយការណ៍ក៏បានបញ្ជាក់ដែរថា ដោយសារចំនួនអ្នកប្រើប្រាស់អ៊ីនធឺណេតកាន់តែមានការកើនឡើង ជាពិសេសការប្រើប្រាស់បណ្តាញសង្គម, កុមារនៅ ក្នុងប្រទេសកម្ពុជាបានប្រឈមមុខទៅនឹងហានិភ័យខ្ពស់ ទៅនឹងការរំលោភបំពានតាមប្រព័ន្ធអនឡាញ ដែលវាបានបង្កផលប៉ះពាល់ជាច្រើន ដូចជាបញ្ហាផ្លូវចិត្ត និងការធ្វើបាបខ្លួនឯងជាដើម៕
