ព្រឹត្តិការណ៍ព័ត៌មាន
ចំណេះជីវិត
ជំនាញ
យុវជនឆ្នើម
អប់រំកុមារតូច
ព័ត៌មានអាហារូបករណ៍
មាតិកាឌីជីថល
អនាគត
ពន្លកបៃតង
កម្ពុជា 360°
ភ្នំពេញ- បង្កើនការវិនិយោគកុមារតូចនឹងធានាបានការបង្កើនអត្រាចូលរៀននៅបឋមសិក្សា កាត់បន្ថយការបោះបង់ការសិក្សា ក៏ដូចជាជាត្រួតថ្នាក់ ជាពិសេសគឺបង្កើនគុណភាព និងប្រសិទ្ធភាពគ្រប់កម្រិតសិក្សា ។ ទន្ទឹមគ្នានេះ សមត្ថភាពនិងគុណភាពធនធានមនុស្ស ផ្ដើមចេញពីមូលដ្ឋានគ្រឹះកុមារតូចជាឬសគល់ដ៏សំខាន់ ។ នេះបើផ្អែកតាមប្រសាសន៍ ឯកឧត្តម ប្រាក់ កុសល ប្រធាននាយកដ្ឋានអប់រំកុមារតូច កាលពីថ្ងៃអង្គារ៍កន្លងទៅ នៅក្នុងសន្និបាទប្រចាំឆ្នាំរបស់ក្រសួងអប់រំ យុវជន និងកីឡា ។
នៅក្នុងពិធីបើកសន្និបាតបូកសរុបការងារអប់រំ យុវជន និងកីឡាឆ្នាំសិក្សា២០២០-២០២១ និងលើកទិសដៅការងារឆ្នាំសិក្សា ២០២១-២០២២ ឯកឧត្តម ប្រាក់ កុសល មានប្រសាសន៍ថា ការអប់រំកុមារតូសំដៅលើការអភិវឌ្ឍគ្រប់ជ្រុងជ្រោយរបស់កុមារ រួមមាន ផ្នែកសង្គម ផ្លូវចិត្ត ចំណេះដឹង និងផ្លូវកាយ ដើម្បីស្ថាបនាមូលដ្ឋានគ្រឹះដ៏រឹងមាំសម្រាប់ការរៀនសូត្រពេញមួយជីវិតនិងសុខុមាលភាព ស្របជាមួយគោលដៅអភិវឌ្ឍន៍ប្រកបដោយចីរភាព។
ឯកឧត្តម ប្រាក់ កុសល
“ការស្ថាបនាមូលដ្ឋានគ្រឹះកុមារ ជាចំណុចសំខាន់ដែលចាំបាច់ត្រូវត្រៀមសម្រាប់កុមារ មុននឹងបញ្ជូនពួកគេទៅរៀនថ្នាក់ទី១ នៅសាលាបឋមសិក្សា ក៏ដូចជាបន្តទៅរៀនថ្នាក់ខ្ពស់ៗជាងនេះបន្តទៀត”
ប្រធាននាយកដ្ឋានអប់រំកុមារតូច បន្ថែមថា ការផ្ដោតទៅលើការគាំពារ និងអភិវឌ្ឍកុមារតូច មានសារៈសំខាន់បំផុត ពីព្រោះជារយៈពេលដ៏សំខាន់ពាក់ព័ន្ធនឹងការអភិវឌ្ឍខួរក្បាលដ៏សំខាន់របស់កុមារ ។ ស្របគ្នានេះ ឯកឧត្តម បន្តថា ធនធានដ៏សំខាន់របស់មនុស្សគឺផ្ដើមចេញវ័យដំបូង គឺចាប់ផ្ដើមពីអាយុ ០ឆ្នាំ រហូតទៅដល់វ័យមុន ៦ឆ្នាំ ។
ឯកឧត្តម ប្រាក់ កុសល បញ្ជាក់បន្ថែមថា កុមារដែលមានបញ្ហាក្រិន គឺដោយសារការយកចិត្តទុកដាក់របស់ឪពុកម្ដាយចំពោះកូនក្នុងវ័យដំបូងមិនបានដិតដល់ ។ ឯកឧត្តម ប្រាក់ បន្តថា នៅក្នុងវ័យដំបូងនេះ កោសិកាខួរក្បាលរបស់កុមារមានមុខងារផ្សេងៗគ្នា កោសិកាខួរក្បាលរបស់កុមារខ្លះមានមុខងារទទួលបន្ទុកផ្នែកគណិតវិទ្យា កោសិកាខួរក្បាលរបស់កុមារខ្លះមានមុខងារទទួលបន្ទុកផ្នែកភាសា និងកោសិកាខួរក្បាលរបស់កុមារខ្លះមានមុខងារទទួលបន្ទុកផ្នែកការស្ដាប់ជាដើម។
ប្រសាសន៍ឯកឧត្តម ប្រាក់ កុសល
“កោសិកាខួរក្បាលរបស់កុមារមានរីកចម្រើនបន្ទាប់ពីកើតមក បើសិនជាមាតាបិតា អ្នកពាក់ពន្ធទាំងឡាយធ្វែសប្រហែសក្នុងអំឡុងពេលដ៏សំខាន់របស់កុមារក្នុងវ័យដំបូងពីអាយុ ០ឆ្នាំ រហូតដល់ក្រោម ៦ឆ្នាំ គឺអាចនឹងហួសពេលវេលា”
ឯកឧត្តម ប្រាក់ កុសល បន្ថែមទៀតថា ឪពុកម្ដាយភាគច្រើនតែយល់ថាកូនៗរបស់ពួកគាត់រៀនពូកែក៏ដោយសារក្រុមគ្រួសារជាប្រភេទមនុស្សមាន IQ ខ្ពស់ ដោយសារមានធនធាន និងការហូបចុកល្អ។ ឯកឧត្តមបន្តថា កាលពីឆ្នាំ២០១៧ របាយការណ៍បូកសរុបរបស់ រដ្ឋមន្រ្តីក្រសួងអប់រំ នៅក្នុងសន្និសិទ្ធអន្តរជាតិមួយនៅខេត្តសៀមរាប បានបញ្ជាក់ថា ភាពជោគជ័យរបស់មនុស្សមិនសំដៅតែលើ IQ (Intelligence quotient) មួយមុខនោះទេ ប៉ុន្តែត្រូវការធាតុផ្សំដ៏ទៃទៀត។
ឯកឧត្តមប្រធាននាយកដ្ឋានអប់រំកុមារតូច បន្តថា កុមារមាន IQ តែមួយមុខមិនអាចឱ្យពួកគេទទួលបានជោគជ័យនោះទេ គឺទាមទារឱ្យមាន EQ (Emotional Quotient) ដែលត្រូវការអភិវឌ្ឍផ្នែកអារម្មណ៍ និងការអភិវឌ្ឍផ្នែកទទួលខុសត្រូវ ។ លើសពីនេះ ការស្រាវជ្រាវបានបង្ហាញថា មិនត្រឹមតែមាន IQ, EQ នោះឡើយ គឺទាមទារឱ្យមាន SQ (Social Quotient) និងរបកគំហើញថ្មីមួយទៀតគឺ AQ (Advertise Quotient) ដែលជាការអត់ធ្មត់ មានន័យថាកុមារ ហានប្រឈមជាមួយភាពលំបាក។
តាមការបញ្ជាក់របស់ ឯកឧត្តម ប្រាក់ កុសល ប្រធាននាយកដ្ឋានអប់រំកុមារតូច IQ, EQ, SQ និង AQ ដែលបានរៀបរាប់ខាងលើត្រូវតែផ្ដល់ឱ្យកុមារ ដើម្បីឱ្យកុមារក្លាយជាមនុស្សជោគជ័យនៅក្នុងជីវិតនាពលអនាគតបាន ដែលនេះជាចំណុចសំខាន់ដែលទាមទារឱ្យមាតាបិតាមានការយកចិត្តទុកដាក់ ។ ទន្ទឹមគ្នានេះ សម្រាប់គ្រួសារដែលមានការយកចិត្តទុកដាក់ទៅលើកុមារក្នុងវ័យនេះ គឺកូនៗរបស់ពួកគាត់ទទួលបានភាពជោគជ័យហើយអាចកាត់បន្ថយកង្វល់ទាំងឡាយបាន៕
កញ្ញា វ៉ាន គីមសល់ ជាអ្នកសរសេរព័ត៌មានអប់រំ នៅ AMS Education។ កញ្ញាមានចំណូលចិត្តសរសេរមាតិកាព័ត៌មានអប់រំទាក់ទងនឹង ព្រឹត្តិការណ៍ ព័ត៌មានជាតិ ការអប់រំយុវជន និងកុមារតូច ព្រមទាំងស្រាវជ្រាវលើការវិវឌ្ឍន៍ថ្មីៗក្នុងវិស័យអប់រំ។
របាយការណ៍ថ្មី
មើលទាំងអស់ ➧
វិធីសាស្រ្ត ៤ ដើម្បីការពារ និងគ្រប់គ្រងអាការៈ Burnout
ចំណេះជីវិត, បទយកការណ៍, ព្រឹត្តិការណ៍
• 13/04/2026
ការប្រើគ្រឿងស្រវឹងអាចបំផ្លាញខួរក្បាល ដែលរួមចំណែកនាំឱ្យមានជំងឺវង្វេង
បទយកការណ៍, ព័ត៌មានអន្តរជាតិ, ព្រឹត្តិការណ៍
• 13/04/2026
ព័ត៌មានទូទៅ
មើលទាំងអស់ ➧
ឱកាសសិក្សាជំនាញវិជ្ជាជីវៈនៅវិទ្យាស្ថានពហុបច្ចេកទេសខេត្តកំពង់ស្ពឺជាច្រើនកន្លែងសម្រាប់៤២ជំនាញ
ព័ត៌មានអាហារូបករណ៍, ព្រឹត្តិការណ៍
• 07/10/2024
ជាឱកាសល្អសម្រាប់ការសិក្សាជំនាញវិជ្ជាជីវៈចំពោះយុវជន យុវនារី ដែលបោះបង់ការសិក្សា ឬមិនមានលទ្ធភាពបន្តការសិក្សាឱ្យសិក្សាជំនាញវិជ្ជាជីវៈនៅវិទ្យាស្ថានពហុបច្ចេកទេសខេត្តកំពង់ស្ពឺជាច្រើនកន្លែង។ ការសិក្សាផ្ដល់ជូនក្រោមកម្មវិធីសិក្សា TVET ១,៥លាន
អ្នកជាប់ ឬធ្លាក់ថ្នាក់ទី១២ មានឱកាសទទួលបានអាហារូបករណ៍១០០%ដូចគ្នា នៅ CGTI
ព័ត៌មានអាហារូបករណ៍, ព្រឹត្តិការណ៍
• 01/11/2024
សម្រាប់ប្អូនៗដែលមានបំណងចង់ទទួលយកអាហារូបករណ៍១០០% ក្នុងឆ្នាំ២០២៤-២០២៥ ប្រញាប់ឡើងចំនួនមានកំណត់ !!!
ឱកាសចូលរួមកម្មវិធីសិក្ខាសាលាអន្តរជាតិ “The 5th ROK-Mekong Youth Group Workshop” នៅប្រទេសកូរ៉េខាងត្បូង
ព័ត៌មានអាហារូបករណ៍, ព្រឹត្តិការណ៍
• 19/06/2026
ជាឱកាសសម្រាប់យុវជនកម្ពុជាក្នុងការផ្លាស់ប្តូរការសិក្សាទៅក្រៅប្រទេស ពេលនេះ ក្រសួងការបរទេសនៃសាធារណរដ្ឋកូរ៉េ (ROK) បានប្រកាសបើកទទួលពាក្យសុំសម្រាប់ការចូលរួមកម្មវិធីសិក្ខាសាលាក្រុមយុវជនកូរ៉េ-មេគង្គ លើកទី៥ ...
ឱកាសកម្មសិក្សាថ្នាក់បរិញ្ញាបត្រជាន់ខ្ពស់ និងថ្នាក់បរិញ្ញាបត្រឆ្នាំទី៣ ពីកម្មវិធីអាហារ KAUST នៅអារ៉ាប់ប៊ីសាអូឌីត
ព័ត៌មានអាហារូបករណ៍, ព្រឹត្តិការណ៍
• 05/10/2023
ឱកាសកម្មសិក្សាអន្តរជាតិសម្រាប់សិស្សថ្នាក់បរិញ្ញាបត្រជាន់ខ្ពស់ និងថ្នាក់បរិញ្ញាបត្រនៅសាកលនៅសាកលវិទ្យាល័យវិទ្យាសាស្ត្រ និងបច្ចេកវិទ្យា King Abdullah ចំនួន១៣០កន្លែង....
ឱកាសសិក្សាថ្នាក់បរិញ្ញាបត្រជាន់ខ្ពស់ពីកម្មវិធីអាហារូបករណ៍ Utrecht Excellence នៃប្រទេសហូឡង់ឆ្នាំ២០២៤
ព័ត៌មានអាហារូបករណ៍, ព្រឹត្តិការណ៍
• 20/09/2023
ឱកាសសិក្សាអាហារូបករណ៍ថ្នាក់បរិញ្ញាបត្រជាន់ខ្ពស់នៅសាកលវិទ្យាល័យUtrecht នាប្រទេសហូឡង់ឆ្នាំសិក្សា២០២៤ ។ អាហារូបករណ៍បើកផ្ដល់សម្រាប់និស្សិតជុំវិញពិភពលោករួម.......
អាហារូបករណ៍ថ្នាក់បរិញ្ញាបត្រជាន់ខ្ពស់ និងបណ្ឌិត ១២១កន្លែង ពីកម្មវិធីអាហារូបករណ៍ Thailand Scholarship Year 2025
ព័ត៌មានអាហារូបករណ៍, ព្រឹត្តិការណ៍
• 06/03/2025
ឱកាសសិក្សាអាហារូបករណ៍ថ្នាក់បរិញ្ញាបត្រជាន់ខ្ពស់ និងថ្នាក់បណ្ឌិត នៅសាកលវិទ្យាល័យជាច្រើនក្នុងប្រទេសថៃ ក្រោមកម្មវិធីអាហារូបករណ៍ Thailand Scholarship Year 2025, THe Ministry of Higer Education, Science...
ឱកាសចូលរួមវគ្គបណ្ដុះបណ្ដាលរយៈពេលខ្លីនៅប្រទេសជប៉ុន ពី កម្មវិធី Dusin Leadership
ព័ត៌មានអាហារូបករណ៍, ព្រឹត្តិការណ៍
• 09/07/2025
កម្មវិធីអាហារូបករណ៍ Dusin Leadership Training លើកទី២៦ ប្រកាសជ្រើសរើសបេក្ខជនចូលសិក្សាវគ្គបណ្ដុះបណ្ដាល រយៈពេល១០ខែ សម្រាប់ជនមានពិការភាព សិក្សានៅប្រទេសជប៉ុន ឆ្នាំសិក្សា២០២៦-២០២៧។
កម្មវិធីពិសេសរបស់ AMS EDUCATION
ព័ត៌មានសង្ខេប
