ព្រឹត្តិការណ៍ព័ត៌មាន
ចំណេះជីវិត
ជំនាញ
យុវជនឆ្នើម
អប់រំកុមារតូច
ព័ត៌មានអាហារូបករណ៍
មាតិកាឌីជីថល
អនាគត
ពន្លកបៃតង
កម្ពុជា 360°
ក្នុងឱកាសអញ្ជើញបើកហឹបវិញ្ញាសាសម្រាប់ថ្ងៃទីពីរ នៃការប្រឡងសញ្ញាបត្រមធ្យមសិក្សាទុតិយភូមិសម័យប្រឡង ៨ តុលា ២០២៤ រដ្ឋមន្រ្តីក្រសួងអប់រំ បានអំពាវនាវឱ្យបេក្ខជនដែលចូលរួមប្រឡងទាំងអស់ សូមគោរពនូវបទប្បញ្ញត្តិនៃការប្រឡងឱ្យបានល្អប្រសើរ។
បើតាមឯកឧត្តមបណ្ឌិតសភាចារ្យ ហង់ជួន ណារ៉ុន “ក្រសួងអប់រំ យុវជន និងកីឡា សូមអំពាវនាវដល់បេក្ខជនទាំងអស់ត្រូវគោរពបទប្បញ្ញត្តិនៃការប្រឡងឱ្យបានល្អប្រសើរ ជាពិសេសមិនត្រូវលាក់ទុកជាប់នឹងខ្លួននូវឧបករណ៍អេឡិចត្រូនិកគ្រប់ប្រភេទចូលក្នុងមណ្ឌលប្រឡង ឬបន្ទប់ប្រឡងជាដាច់ខាត”។
ឯកឧត្តមរដ្ឋមន្រ្តីក៏បានបញ្ជាក់ដែរថា ក្នុងករណីរកឃើញបានប្រព្រឹត្តសកម្មភាពផ្ទុយនឹងបទប្បញ្ញត្តិ និងកម្រិតវិន័យ បេក្ខជននឹងត្រូវបានកំណត់ឱ្យធ្លាក់ជាស្វ័យប្រវត្តិ។
តាមក្រសួងអប់រំ ការប្រឡងសញ្ញាបត្រមធ្យមសិក្សាទុតិយភូមិនៅព្រឹកថ្ងៃទីពីរនេះ ស្ថានភាពនៅគ្រប់មណ្ឌលប្រឡង មានរបៀបរៀបរយ និង បរិយាកាសស្ងប់ស្ងាត់ល្អ ហើយគណៈមេប្រយោគគ្រប់រូប បាន និងកំពុងអនុវត្តតួនាទីរបស់ខ្លួនប្រកបដោយស្មារតីទទួលខុសត្រូវ និងការយកចិត្តទុកដាក់ខ្ពស់។
នៅថ្ងៃទីពីរនេះ សម្រាប់ថ្នាក់វិទ្យាសាស្រ្ត ពេលព្រឹកនឹងត្រូវប្រឡងលើវិញ្ញាសា អក្សរសាស្រ្តខ្មែរ (៩០នាទី), រូបវិទ្យា (៩០នាទី) ហើយនៅពេលរសៀលបេក្ខជនត្រូវប្រឡងលើវិញ្ញាសា គណិតវិទ្យា (១៥០នាទី) ខណៈថ្នាក់វិទ្យាសាស្រ្តសង្គម នៅពេលព្រឹកនឹងត្រូវប្រឡងលើវិញ្ញាសា គណិតវិទ្យា (៩០នាទី), សីលធម៌ ពលរដ្ឋវិជ្ជា (៩០នាទី) ហើយពេលរសៀល នឹងត្រូវប្រឡងលើវិញ្ញាសា អក្សរសាស្រ្តខ្មែរ (១៥០នាទី)៕
