ព្រឹត្តិការណ៍ព័ត៌មាន
ចំណេះជីវិត
ជំនាញ
យុវជនឆ្នើម
អប់រំកុមារតូច
ព័ត៌មានអាហារូបករណ៍
មាតិកាឌីជីថល
អនាគត
ពន្លកបៃតង
កម្ពុជា 360°
ភ្នំពេញ – វិបត្តិរីករាលដាលនៃជំងឺកូវីដ-១៩ បានបង្ខំឱ្យគ្រឹះស្ថានអប់រំបណ្ដុះបណ្ដាលនៅស្ទើរទូទាំងពិភពលោកត្រូវបិទទ្វារ ហើយមានតែវត្តមានរបស់បច្ចេកវិទ្យាប៉ុណ្ណោះ បានចូលរួមចំណែកយ៉ាងសំខាន់ក្នុងការផ្ដល់ជាដំណោះស្រាយសម្រាប់ធានាបាននូវនិរន្តរភាពក្នុងការបណ្ដុះបណ្ដាលសិស្សានុសិស្ស។ ទន្ទឹមគ្នានេះ បើនិយាយពីក្មេងជំនាន់ថ្មី ច្បាស់ជាចូលចិត្តបច្ចេកវិទ្យា ប៉ុន្តែបើលោកគ្រូ អ្នកគ្រូដែលមានវ័យចំណាស់ គឺមានការលំបាកក្នុងការសម្របខ្លួនចាប់យកបច្ចេកវិទ្យាអប់រំឌីជីថល ។ នេះបើតាមការលើកឡើងរបស់ លោក គង់ សំនៀង ប្រធាននាយកប្រតិបត្តិការ នៃក្រុមហ៊ុន វេសឡាញ អេឌ្យូខេសិន គ្រុប និងជាសមាជិកក្រុមប្រឹក្សាភិបាលប្រព័ន្ធសេវាអប់រំនៅកម្ពុជា ក្នុងសិក្ខាសាលាប្រចាំខែស្ដីពី ការលើកកម្ពស់គុណភាពសិក្សាតាមរយៈការពង្រឹងនវានុវត្តន៍ និងសហគ្រិនភាព កាលពីថ្ងៃទី១៥ ខែសីហា ឆ្នាំ២០២២កន្លងទៅ។
លោក គង់ សំនៀង ប្រធាននាយកប្រតិបត្តិការ នៃក្រុមហ៊ុន វេសឡាញ អេឌ្យូខេសិន គ្រុប មានប្រសាសន៍ថា ដើម្បីបញ្ជ្រាបប្រជាពលរដ្ឋ គ្រូបង្រៀន សិស្សានុសិស្សឱ្យទទួលយកការប្រើប្រាស់បច្ចេកវិទ្យាអប់រំ គឺទាមទារការចូលរួមពីផ្នែកពាក់ព័ន្ធទាំងវិស័យសាធារណៈ និងវិស័យឯកជន។
លោក គង់ សំនៀង បន្តថា ចំពោះការអនុវត្ត គឺទី១.វិស័យសាធារណៈ និងវិស័យឯកជន ត្រូវលើកទឹកចិត្តប្រជាពលរដ្ឋ ក៏ដូចជាអាណាព្យាបាលសិស្ស តាមរយៈផ្ដល់ការបណ្ដុះបណ្ដាល ផ្ដល់សិក្ខាសាលា លើកគុណតម្លៃអំពីសារៈប្រយោជន៍ នៃការប្រើប្រព័ន្ធឌីជីថល និងគុណវិបត្តិរបស់នៃការប្រើប្រព័ន្ធឌីជីថលមួយចំនួនដែលមិនបានផលប្រយោជន៍ ធ្វើឱ្យពួកគាត់ខ្ជះខ្ជាយពេលវេលា និងខាតប្រយោជន៍ ហើយទី២. លោកគ្រូ អ្នកគ្រូ ក៏ត្រូវយល់ និងគិតថា ៥ឆ្នាំ ទៅ១០ ឆ្នាំទៅមុខ មានអ្វីប្រែប្រួលខ្លះ? ព្រោះបច្ចេកវិទ្យានឹងវិវត្តទៅមុខជារៀងរហូត ប៉ុន្តែក្នុងសាលារៀនមិនអាចអត់គ្រូបានទេ គឺត្រូវតែមានគ្រូដែលយល់ពីប្រព័ន្ធបច្ចេកវិទ្យា យល់អំពីការប្រើប្រាស់ប្រព័ន្ធឌីជីថល និងយល់អំពីការប្រើប្រាស់ នៃការរៀនអនឡាញ ។
-លោក គង់ សំនៀង
“គ្រូបង្រៀនកាលពីមុនមានការរីករាលដាលជំងឺកូវីដ-១៩ គឺមិនមែនជាគ្រូឌីជីថលទេ ប៉ុន្តែដោយសារដំណាក់កាលកូវីដនេះ ចង់មិនចង់ លោកគ្រូ អ្នកគ្រូត្រូវតែផ្លាស់ប្ដូរខ្លួន ផ្លាស់ប្ដូរវិធីសាស្រ្តនៃការបង្រៀន និងអភិវឌ្ឍខ្លួនឱ្យក្លាយទៅជាគ្រូឌីជីថល”
លោក គង់ សំនៀង បន្ថែមថា ការផ្លាស់ប្ដូរពីគ្រូបង្រៀនធម្មតាទៅជាគ្រូបង្រៀនឌីជីថលមិនមែនជារឿងងាយស្រួលទេ គឺវាត្រូវការពេលវេលា ប៉ុន្តែទោះបីជាយ៉ាងនេះក្ដី លោកសូមកោតសរសើរដល់គ្រូបង្រៀនទាំងអស់ ជាពិសេសលោកគ្រូ អ្នកគ្រូដែលមកពីសាលាសាធារណៈ គណៈគ្រប់គ្រងសាលារៀនមានការខិតខំតខំប្រឹងប្រែងអភិវឌ្ឍខ្លួនក្នុងការផ្ដល់ការអប់រំបែបឌីជីថលទៅដល់សិស្សានុសិស្ស។ លោក គង់ សំនៀង បន្តថា ចំពោះវិស័យសាធារណៈ ក៏កំពុងឆ្ពោះទៅរកបច្ចេកវិទ្យាឌីជីថលផងដែរ ជាពិសេសសាលារៀនមួយចំនួនមានលទ្ធភាពអាចទិញយកប្រព័ន្ធគ្រប់គ្រងសាលារៀនឌីជីថលមកដាក់ប្រើប្រាស់ ចំណែកសាលាដែលគ្មានធនធានគ្រប់គ្រាន់អាចប្រើប្រាស់ថវិការបស់រដ្ឋផងដែរ។
លោក គង់ សំនៀង
“ខ្ញុំគិតថាមិនយូរនោះទេ ការដើរទន្ទឹមគ្នាក្នុងការប្រើប្រាស់ប្រព័ន្ធគ្រប់គ្រងសាលារៀនឌីជីថលនៅក្នុងសាលាសាធារណៈ និងឯកជន ប្រហែលជា ៤ទៅ៥ឆ្នាំ ទៅមុខទៀត តែដើម្បីបង្កើនការប្រើប្រាស់ប្រព័ន្ធគ្រប់គ្រងសាលារៀនឌីជីថលឱ្យដំណើរការបាន លុះត្រាតែមានប្រព័ន្ធអ៊ីនធឺណិត”
គួរជម្រាបជូនថា បើតាមការសិក្សារបស់មជ្ឈមណ្ឌលអប់រំ៤.០ ស្ដីពី បច្ចេកវិទ្យា និងការអប់រំឆ្លាតវៃនៅកម្ពុជា បានបញ្ជាក់ថា ដើម្បីឈានទៅរកការអប់រំឆ្លាតវៃ វិស័យអប់រំមានភារកិច្ចពីរគឺ ទី១. ទទួលយកនូវបច្ចេកវិទ្យាថ្មី ដើម្បីកែលម្អប្រសិទ្ធភាពរបស់ខ្លួន និងទី២. បង្កើតធនធានមនុស្ស ដែលអាចប្រើប្រាស់ឧបករណ៍ថ្មីៗដែលមានស្រាប់ និងបង្កើតបច្ចេកវិទ្យាថ្មីៗសម្រាប់ជាប្រយោជន៍ដល់វិស័យអប់រំខ្លួនឯងផ្ទាល់ និងវិស័យដទៃទៀតផងដែរ៕
កញ្ញា វ៉ាន គីមសល់ ជាអ្នកសរសេរព័ត៌មានអប់រំ នៅ AMS Education។ កញ្ញាមានចំណូលចិត្តសរសេរមាតិកាព័ត៌មានអប់រំទាក់ទងនឹង ព្រឹត្តិការណ៍ ព័ត៌មានជាតិ ការអប់រំយុវជន និងកុមារតូច ព្រមទាំងស្រាវជ្រាវលើការវិវឌ្ឍន៍ថ្មីៗក្នុងវិស័យអប់រំ។
របាយការណ៍ថ្មី
មើលទាំងអស់ ➧
វិធីសាស្រ្ត ៤ ដើម្បីការពារ និងគ្រប់គ្រងអាការៈ Burnout
ចំណេះជីវិត, បទយកការណ៍, ព្រឹត្តិការណ៍
• 13/04/2026
ការប្រើគ្រឿងស្រវឹងអាចបំផ្លាញខួរក្បាល ដែលរួមចំណែកនាំឱ្យមានជំងឺវង្វេង
បទយកការណ៍, ព័ត៌មានអន្តរជាតិ, ព្រឹត្តិការណ៍
• 13/04/2026
ព័ត៌មានទូទៅ
មើលទាំងអស់ ➧
អាហារូបករណ៍រដ្ឋាភិបាលចិនប្រភេទ B ថ្នាក់បរិញ្ញាបត្រជាន់ខ្ពស់ និងបណ្ឌិតនៅវិទ្យាស្ថានបច្ចេកវិទ្យាប៉េកាំងឆ្នាំ២០២៥
ព័ត៌មានអាហារូបករណ៍, ព្រឹត្តិការណ៍
• 03/02/2025
កម្មវិធីអាហារូបករណ៍រដ្ឋាភិបាលចិន ប្រភេទ B ( CSC Type B) ប្រកាសជ្រើសរើសសិស្សនិស្សិតសិក្សាថ្នាក់បរិញ្ញាបត្រជាន់ខ្ពស់ និងថ្នាក់បណ្ឌិតនៅវិទ្យាស្ថានបច្ចេកវិទ្យាប៉េកាំង សម្រាប់ឆ្នាំសិក្សា២០២៥។ ជំនាញដែលអាហារូបករណ៍ផ្ដល់ជូនរួមមាន...
កម្មវិធីផ្លាស់ប្តូរវប្បធម៌ Autumn Korean Culture Camp 2024 នៅប្រទេសកូរ៉េខាងត្បូង
ព័ត៌មានអាហារូបករណ៍, ព្រឹត្តិការណ៍
• 26/07/2024
ជាឱកាសសម្រាប់សិស្សានុសិស្សក្នុងការសិក្សាស្វែងយល់អំពីវប្បធម៌ដ៏សម្បូរបែប និងទទួលយកបទពិសោធថ្មីៗនៅក្នុងប្រទេសកូរ៉េខាងត្បូងរយៈពេល ៦ ថ្ងៃ គឺចាប់ពីថ្ងៃទី១៧-២២ ខែវិច្ឆិកា ឆ្នាំ២០២៤...
ឱកាសសិក្សាអាហារូបករណ៍ជំនាញវិជ្ជាជីវៈជាច្រើនកន្លែងនៅវិទ្យាស្ថានជាតិពាណិជ្ជសាស្ត្រ
ព័ត៌មានអាហារូបករណ៍, ព្រឹត្តិការណ៍
• 11/09/2024
ឱកាសសិក្សាជំនាញវិជ្ជាជីវៈដោយឥតគិតថ្លៃ និងសិក្សារយៈពេលខ្លីសម្រាប់យុវជន យុវនារី ដែលមានជីវភាពខ្វះខាត នៅវិទ្យាស្ថានជាតិពាណិជ្ជសាស្ត្រ។ អាហារូបករណ៍ផ្ដល់ជូនការសិក្សាជំនាញជាច្រើនកន្លែងសម្រាប់យុវជន យុវនារី និងសាធារណៈជន...
ឱកាសសិក្សាអាហារូបករណ៍ថ្នាក់វិជ្ជាជីវៈនៅវិទ្យាស្ថានពហុបច្ចេកទេសខេត្តកំពង់ឆ្នាំង
ព័ត៌មានអាហារូបករណ៍, ព្រឹត្តិការណ៍
• 12/11/2025
វិទ្យាស្ថានពហុបច្ចេកទេសខេត្តកំពង់ឆ្នាំងប្រកាសជ្រើសរើស សិស្សានុសិស្ស និងសាធារណៈជន ចូលសិក្សាជំនាញវិជ្ជាជីវៈ សម្រាប់ថ្នាក់សញ្ញាបត្របច្ចេកទេស និងវិជ្ជាជីវៈ១ (C1 ១,៥លាននាក់) ចំនួន៩០០នាក់។
វិទ្យាស្ថានពហុបច្ចេកទេសភូមិភាគតេជោសែនស្វាយរៀង ផ្តល់អាហារូបករណ៍១០០% ចំនួន២៧០កន្លែង
ព័ត៌មានអាហារូបករណ៍, ព្រឹត្តិការណ៍
• 23/01/2025
វិទ្យាស្ថានពហុបច្ចេកទេសភូមិភាគតេជោសែនស្វាយរៀង បានប្រកាសជ្រើសរើសនិស្សិតឱ្យចូលរៀនជំនាញបច្ចេកទេស និងវិជ្ជាជីវៈ លើកទី២ សម្រាប់ឆ្នាំសិក្សា២០២៤-២០២៥ ដោយផ្តល់អាហារូបករណ៍១០០% សរុបចំនួន ២៧០កន្លែង។
កម្មវិធីអាហារូបករណ៍ Fulbright ប្រកាសផ្តល់អាហារូបករណ៍ថ្នាក់បរិញ្ញាបត្រជាន់ខ្ពស់ និងបណ្ឌិតសម្រាប់ឆ្នាំសិក្សា២០២៤-២០២៥
ព័ត៌មានអាហារូបករណ៍, ព្រឹត្តិការណ៍
• 17/02/2023
អាហារូបករណ៍ Fulbright កំពុងប្រកាសផ្ដល់អាហារូបករណ៍សិក្សាថ្នាក់បរិញ្ញាបត្រជាន់ខ្ពស់ និងថ្នាក់បណ្ឌិតសិក្សានៅសហរដ្ឋអាមេរិក...
អាហារូបករណ៍ភាពជាអ្នកដឹកនាំអន្តរជាតិ នៅសាកលវិទ្យាល័យ Glasgow នៃចក្រភពអង់គ្លេស
ព័ត៌មានអាហារូបករណ៍, ព្រឹត្តិការណ៍
• 21/08/2023
ឱកាសសិក្សាអាហារូបករណ៍ថ្នាក់បរិញ្ញាបត្រជាន់ខ្ពស់នៅសាកលវិទ្យាល័យGlasgow នៃកម្មវិធីអាហារូបករណ៍ភាពជាអ្នកដឹកនាំអន្តរជាតិឆ្នាំសិក្សា២០២៣-២០២៤ ...
កម្មវិធីតិចណូវេសិន ជ្រើសរើសសិស្សកម្ពុជា ចូលរួមការអប់រំបច្ចេកវិទ្យា និងសហគ្រិនភាព
ព័ត៌មានអាហារូបករណ៍, ព្រឹត្តិការណ៍
• 14/01/2026
ឱកាសសម្រាប់សិស្សានុសិស្ស ដែលមានបំណងចង់ចេះបង្កើត Mobile App និងចង់ក្លាយជាសហគ្រិនវ័យក្មេង ពេលនេះ កម្មវិធីតិចណូវេសិន (Technovation) ប្រកាសជ្រើសរើសសិស្សដែលមានអាយុ៨ ដល់១៨ឆ្នាំ...
ឱកាសសិក្សាជំនាញបច្ចេកទេស និងវិជ្ជាជីវៈ ឥតគិតថ្លៃពីវិទ្យាស្ថានពហុបច្ចេកទេសខេត្តព្រះសីហនុ
ព័ត៌មានអាហារូបករណ៍, ព្រឹត្តិការណ៍
• 12/12/2023
វិទ្យាស្ថានបច្ចេកទេសខេត្តព្រះសីហនុ បានប្រកាសផ្តល់អាហារូបករណ៍ ១០០ភាគរយ សម្រាប់វគ្គសិក្សាកម្រិតសញ្ញាបត្របច្ចេកទេស និងវិជ្ជាជីវៈ ១ (C1) ដោយសិក្សារយៈពេល៤ខែ ដោយឥតគិតថ្លៃ។
កម្មវិធីពិសេសរបស់ AMS EDUCATION
ព័ត៌មានសង្ខេប
