ព្រឹត្តិការណ៍ព័ត៌មាន
ចំណេះជីវិត
ជំនាញ
យុវជនឆ្នើម
អប់រំកុមារតូច
ព័ត៌មានអាហារូបករណ៍
មាតិកាឌីជីថល
អនាគត
ពន្លកបៃតង
កម្ពុជា 360°
ភ្នំពេញ – ក្រសួងអប់រំ យុវជន និងកីឡា បានប្រកាសដល់ប្រធានមន្ទីរអប់រំ យុវជន និងកីឡារាជធានី ខេត្តទាំងអស់ ឱ្យទៅទទួលយកវិញ្ញាបនបត្របណ្តោះអាសន្នមធ្យមសិក្សាទុតិយភូមិសម័យប្រឡង ៥ ធ្នូ ឆ្នាំ២០២២ ចាប់ពីថ្ងៃទី២៣ ខែមករា ឆ្នាំ២០២៣ តទៅ ដើម្បីផ្តល់ជូនបេក្ខជនដែលបានប្រឡងជាប់ដោយឥតគិតថ្លៃ និងដើម្បីយកទៅប្រើប្រាស់តាមច្បាប់អនុញ្ញាត។
ជាមួយគ្នានេះ ក្រសួងអប់រំ ក៏បានណែនាំដល់ប្រធានមន្ទីរអប់រំ រាជធានីខេត្តទាំងអស់ ត្រូវប្រជុំថ្នាក់ដឹកនាំ មន្រ្តីជំនាញរបស់មន្ទីរ និងនាយក នាយិកាគ្រឹះស្ថានមធ្យមសិក្សាដែលមានបេក្ខជនប្រឡងជាប់ រៀបចំយន្តការ និងនីតិវិធីផ្តល់វិញ្ញាបនបត្រ និងធ្វើសេចក្តីជូនដំណឹងលម្អិតបន្ថែមប្រកបដោយស្មារតីទទួលខុសត្រូវខ្ពស់។
គួរបញ្ជាក់ដែរថា ការប្រឡងសញ្ញាបត្រមធ្យមសិក្សាទុតិយភូមិ ឬបាក់ឌុបឆ្នាំ២០២២នេះ មានបេក្ខជនដែលប្រឡងជាប់សញ្ញាបត្រសរុបចំនួន ៩០៩៥០នាក់ ក្នុងនោះបេក្ខជនទទួលបាននិទ្ទេស A ចំនួន ១០៤៩នាក់, និទ្ទេស B ចំនួន ៧២៣២នាក់, និទ្ទេស C ចំនួន ១៩០៥៣នាក់, និទ្ទេស D ចំនួន ៣១១៦៦នាក់ និង និទ្ទេស E ចំនួន ៣២៤៥០នាក់៕
