ព្រឹត្តិការណ៍ព័ត៌មាន
ចំណេះជីវិត
ជំនាញ
យុវជនឆ្នើម
អប់រំកុមារតូច
ព័ត៌មានអាហារូបករណ៍
មាតិកាឌីជីថល
អនាគត
ពន្លកបៃតង
កម្ពុជា 360°
អ្នកនាំពាក្យក្រសួងអប់រំ យុវជន និងកីឡា មានប្រសាសន៍ថា ករណីអនុរក្សម្នាក់ដែលយកទូរស័ព្ទចូលបន្ទប់ប្រឡង នៅព្រឹកថ្ងៃទីមួយ នៃការប្រឡងសញ្ញាបត្រមធ្យមសិក្សាទុតិយភូមិ ក្រសួងអប់រំនឹងបង្កើតគណៈកម្មការមួយក្រោយចប់ការប្រឡងបាក់ឌុប ដើម្បីសម្រេចពីកម្រិតទោសរបស់គាត់។
អង្គភាពប្រឆាំងអំពើពុករលួយនៅព្រឹកថ្ងៃទី៨ ខែតុលា ឆ្នាំ២០២៤ បានប្រកាសថា គេបានរកឃើញអនុរក្សម្នាក់នៅមណ្ឌលវិទ្យាល័យ ហស រ៉ូតា ខ្សាច់កណ្តាល ស្ថិតក្នុងខេត្តកណ្តាល ដែលមានអាយុ៥២ឆ្នាំ បានយកជាប់ខ្លួននូវទូរស័ព្ទ១គ្រឿង ចូលបន្ទប់ប្រឡង និងបានចេញទៅនិយាយទូរស័ព្ទនៅបន្ទប់ទឹក ពេលកូនទូរស័ព្ទមក។
ចំពោះករណីនេះ បើតាមការបញ្ជាក់របស់លោកជំទាវ ឃួន វិច្ឆិកា អ្នកនាំពាក្យក្រសួងអប់រំ យុវជន និងកីឡា គណៈមេប្រយោគបានសម្រេចបញ្ឈប់តួនាទីជាអនុរក្សរបស់គាត់ហើយ ហើយករណីនេះនឹងលើកយកមកពិភាក្សាលម្អិតទៀតនៅក្នុងគណៈកម្មការដែលនឹងបង្កើតឡើង នៅក្រោយចប់ការប្រឡងដើម្បីសម្រេចពីកម្រិតទោសកំហុសរបស់គាត់។
បើយោងតាមបទប្បញ្ញត្តិរបស់ក្រសួងអប់រំ យុវជន និងកីឡា សម្រាប់បេក្ខជនប្រឡង និងបុគ្គលិកអប់រំ ក្នុងការប្រើប្រាស់ទូរស័ព្ទដៃ និងឧបករណ៍អេឡិចត្រូនិកក្នុងមណ្ឌលសំណេរ បុគ្គលដែលមានសិទ្ធិយកចូល និងប្រើប្រាស់ គឺ គណៈមេប្រយោគទូទាំងប្រទេស, ប្រធានអប្បមាទទូទាំងប្រទេសប្រចាំមណ្ឌល, ប្រធានមណ្ឌល, ប្រធានសន្តិសុខប្រចាំមណ្ឌល និងអ្នកសង្កេតការណ៍អង្គភាពប្រឆាំងអំពើពុករលួយ និងអ្នកសង្កេតការណ៍ស្ម័គ្រចិត្ត។
ដោយឡែកបុគ្គលដែលគ្មានសិទ្ធិយកចូល និងប្រើប្រាស់ទូរស័ព្ទដៃ ឧបករណ៍អេឡិចត្រូនិក រួមមាន បេក្ខជនប្រឡង, អនុប្រធាន សមាជិកអប្បមាទ និងជំនួយការអប្បមាទ, អនុប្រធានមណ្ឌល, គណៈកម្មការកណ្តាល អ្នកត្រួតពិនិត្យតាមអគារ និងអនុរក្ស, សមាជិកសន្តិសុខ និងបុគ្គលិកសុខាភិបាលប្រចាំមណ្ឌល៕
