កម្មវិធីប្រគួតប្រជែងគំនិតអាជីវកម្មដោយប្រើប្រាស់បច្ចេកវិទ្យា Ideathon Cambodia បានវិលត្រឡប់មកជួបសិស្សនិស្សិតកម្ពុជាម្ដងទៀត ហើយនេះជាលើកទី៣ចាប់តាំងពីឆ្នាំ ២០២២ ដែលយើងបានរៀបចំកម្មវិធីប្រកួតប្រជែងនេះឡើងដើម្បីអោយសិស្សនិស្សិតដែលមានគំនិតអាជីវកម្មអាចសហការជាក្រុមបង្កើតស្នាដៃ រិះរកមធ្យោបាយថ្មីដើម្បីដោះស្រាយបញ្ហាដែលកំពុងជួបប្រទះ និងបង្កើតជាគំនិតអាជីវកម្ម ដែលអាចធ្វើទៅបានពិតប្រាដក។ គួរបញ្ចាក់ផងដែរថាការវិលត្រឡប់មកវិញនៃកម្មវិធី Ideathon Cambodia ឆ្នាំ២០២៤ នេះ គឺត្រូវបានបង្កើតឡើងដោយក្រុមហ៊ុន MARS FLAG ដែលជាក្រុមហ៊ុនបច្ចេកវិទ្យាឈានមុខគេមួយនៅក្នុងប្រទេសជប៉ុនផ្តល់សេវាកម្មគេហទំព័រផ្អែកលើ Web Services និង Search Engine ឲ្យក្រុមហ៊ុនក្នុងស្រុក និងអន្តរជាតិ និងទីភ្នាក់ងាររដ្ឋាភិបាល ហើយកម្មវិធីនេះផងដែរត្រូវបានរៀបចំឡើងដោយ ReNet Marketing ។

កន្លងមកចំពោះរដូវកាលទី១ ក៏ដូចជារដូវកាលទី២ បេក្ខជនទាំងអស់គ្រប់ក្រុមពិតជាបានបញ្ចេញនូវគំនិតច្នៃប្រឌិតទៅតាមប្រធានបទដែលយើងបានលើកឡើង សម្រាប់ចូលរួមការប្រកួតបានយ៉ាងល្អក្រៃលែង។ យើងសង្ឃឹមយ៉ាងមុតមាំថា កម្មវិធី Ideathon Cambodia នឹងជួយដល់ការអភិវឌ្ឍមួយផ្នែកនៃធនធានមនុស្សក្នុងប្រទេសកម្ពុជាផងដែរ។

សម្រាប់កម្មវិធីប្រគួតប្រជែងគំនិតអាជីវកម្មដោយប្រើប្រាស់បច្ចេកវិទ្យា Ideathon Cambodia រដូវកាលនេះ នឹងដើរតួរជាចំនុចចាប់ផ្តើមដំបូងរបស់យុវជនកម្ពុជាដែលចង់ស្វែងរកឱកាសដើម្បីផ្តួចផ្តើមគំនិត និងកសាងអាជីវកម្មនាពេលអនាគត តែមិនដឹងថាចាប់ផ្តើមពីកន្លែងណា និងរបៀបណា ។ ឆ្នាំនេះជាឆ្នាំទី 3 នៃកម្មវិធី Ideathon Cambodia ប្រសិនបើអ្នកកំពុងស្វែងរកឱកាស សូមកុំខកខានឱ្យសោះ។

ជាមួយគ្នានេះដែរ សម្រាប់ប្រធានបទដែលសិស្សនិស្សិតត្រូវប្រកួតក្នុងរដូវកាលទី៣នេះ គឺមានចំនួន ៤ធំៗរួមមាន វិស័យអប់រំ កសិកម្ម សុខាភិបាល និងទេសចរណ៍ ដោយក្នុងនោះក្រុមសិស្សនិស្សិត ដែលបានចុះឈ្មោះចូលប្រកួត នឹងត្រូវរិះរកគំនិតច្នៃប្រឌិតថ្មី ដើម្បីដោះស្រាយបញ្ហានៅក្នុងសង្គមដោយប្រើបច្ចេកវិទ្យា។

សម្រាប់ក្រុមដែលឈ្នះក្នុងការប្រកួត នឹងត្រូវជ្រើសរើសយកតែ៣ក្រុមប៉ុណ្ណោះ ៖
• ជ័យលាភីលេខ១ នឹងបានរង្វាន់ជាទឹកប្រាក់ 1500 USD
• ជ័យលាភីលេខ២ ទទួលបាន 1000 USD
• ជ័យលាភីលេខ៣ ទទួលបាន 500 USD

កម្មវិធីក៏មានការចាប់រង្វាន់ និងវត្ថុអនុស្សាវរីយ៍សម្រាប់អ្នកដែលបានចុះឈ្មោះចូលរួមថែមទៀតផង។

កម្មវិធី Ideathon រដូលកាលថ្មីនេះគឺនឹងធ្វើឡើងនៅថ្ងៃទី១៤-១៥ ខែកញ្ញា ឆ្នាំ២០២៤ នៅមជ្ឈមណ្ឌលសហប្រតិបត្ដិការកម្ពុជា-ជប៉ុន (CJCC) ក្នុងបរិវេណសាកលវិទ្យាល័យភូមិន្ទភ្នំពេញ ដោយក្នុងនោះគណ:កម្មការវាយតម្លៃ និងផ្ដល់ពិន្ទុ គឺអញ្ជើញមកពីក្រៅប្រទេស មកចូលរួមដោយផ្ទាល់ផងដែរ។

ចាប់ទទួលពាក្យចូលរួមពីថ្ងៃនេះតទៅ រហូតដល់ថ្ងៃទី ៣១ ខែសីហា ឆ្នាំ២០២៤
សម្រាប់ព័ត៌មានបន្ថែម និងការដាក់ពាក្យ សូមចូលទៅកាន់ លីងតំណ៖ https://forms.gle/EEphWb1A6THBaPTd9

Facebook Page: Ideathon Cambodia by Mars Flag
វីដេអូខ្លីៗពីរដូវកាលទី១ | វីដេអូខ្លីៗពីរដូវកាលទី២