ព្រឹត្តិការណ៍ព័ត៌មាន
ចំណេះជីវិត
ជំនាញ
យុវជនឆ្នើម
អប់រំកុមារតូច
ព័ត៌មានអាហារូបករណ៍
មាតិកាឌីជីថល
អនាគត
ពន្លកបៃតង
កម្ពុជា 360°
ហ្វ្រែងឃ្លីនខូវី កម្ពុជា មានមោទនភាពប្រកាសអំពីការអនុវត្តដោយជោគជ័យនៃកម្មវិធីសិក្សា “Leader in Me” នៅប្រទេសកម្ពុជា និង ដែលត្រូវបានទទួលស្គាល់ជាសកល។ កម្មវិធីសិក្សានេះ កំពុងត្រូវបានអនុវត្តតាមសាលាជាង ៣០ នៅប្រទេសកម្ពុជា និង ជាង7,000 សាលា ក្នុង ៨០ប្រទេស នៃទ្វីបទាំង៦ ទូទាំងពិភពលោក។ កម្មវិធីប្រកបដោយភាពច្នៃប្រឌិតនេះផ្តល់ឱ្យសិស្សនូវជំនាញភាពជាអ្នកដឹកនាំ និងបំនិនជីវិតសំខាន់ៗ ដើម្បីឱ្យពួកគេមានភាពរីកចម្រើនក្នុងវិស័យសិក្សា ទំនាក់ទំនងក្នុងសង្គម និងផ្លូវអារម្មណ៍។
កម្មវិធី Leader in Me ជំរុញឱ្យសិស្សទទួលបានជំនាញសំខាន់ៗ ដែលមានគុណតម្លៃយ៉ាងច្រើនសំរាប់ភាពជោគជ័យក្នុងជីវិត ប៉ុន្តែគុណតំម្លៃទាំងនេះត្រូវបានមនុស្សភាគច្រើនមើលរំលង។ កម្មវិធីសិក្សានេះរួមបញ្ចូលនូវការអនុវត្តជាក់ស្តែងអំពីភាពជាអ្នកដឹកនាំ ការដោះស្រាយបញ្ហា និងការអភិវឌ្ឍផ្ទាល់ខ្លួន ចូលក្នុងវប្បធម៌សាលា។
គន្លឹះ និងអត្ថប្រយោជន៍សំខាន់ៗសម្រាប់សិស្ស ៖
- ភាពជាអ្នកដឹកនាំផ្ទាល់ខ្លួន និងការទទួលខុសត្រូវ – ជំរុញឲ្យសិស្សមានការទទួលខុសត្រូវចំពោះទង្វើរ និងការសិក្សារបស់ខ្លួន។
- គំនិតចង់រីកចម្រើន និងការអត់ធ្មត់ – បង្កើនសមត្ថភាពក្នុងការសម្របខ្លួន អត់ធ្មត់ និងជម្នះឧបសគ្គ។
- បញ្ញាផ្លូវអារម្មណ៍ និងការយោគយល់ – ជួយឲ្យសិស្សយល់ពីខ្លួនឯង និងអ្នកដទៃ ដើម្បីកសាងទំនាក់ទំនងល្អ។
- ការគិតវិភាគ និងដោះស្រាយបញ្ហា – បង្រៀនឲ្យសិស្សវិភាគ វាយតម្លៃ និងធ្វើការសម្រេចចិត្តដោយប្រុងប្រយ័ត្ន។
- ការសហការណ៍ និងការចូលរួមក្នុងសហគមន៍ – ជំរុញការធ្វើការជាក្រុម និងការទទួលខុសត្រូវសង្គម។
- ទំនាក់ទំនងមានប្រសិទ្ធភាព – អភិវឌ្ឍសមត្ថភាពក្នុងការបង្ហាញគំនិតឲ្យបានច្បាស់ ទំនុកចិត្ត និងប្រកបដោយការគោរព។
- សុខភាព និងការថែទាំខ្លួនឯង – ជំរុញឲ្យមានតុល្យភាព ការយកចិត្តទុកដាក់ និងសុខុមាលភាពផ្ទាល់ខ្លួន។
ការបញ្ចូលជំនាញទាំងនេះចូលក្នុងវប្បធម៌សាលា ធ្វើឱ្យសិស្សអាចទទួលបានលទ្ធផលសិក្សា ដ៏ល្អ ជាមួយនឹងការកើនឡើងនៃទំនុកចិត្ត វិន័យផ្ទាល់ខ្លួន និងសមត្ថភាពភាពជាអ្នកដឹកនាំ ដែលរៀបចំឲ្យពួកគេចូលរួមនិងមានភាពជោគជ័យលើសកម្មភាពក្រៅពីការសិក្សាក្នុងសាលារៀន។ សាលានានានៅកម្ពុជាដែលអនុវត្តកម្មវិធីសិក្សា Leader in Me បានរាយការណ៍អំពីការចូលរួមរបស់សិស្សកាន់តែខ្លាំង ការប្រព្រឹត្តល្អប្រសើរឡើង និងការចូលរួមរបស់សហគមន៍កាន់តែរឹងមាំ។
សម្រាប់ព័ត៌មានបន្ថែមអំពីកម្មវិធី “Leader in Me” សូមទំនាក់ទំនង៖
ឈ្មោះ: អ៊ឹម ម៉ាដែន
ទូរស័ព្ទ: ០១៦ ៨១៨ ៩៥៩/ ០៩៧ ៥០៧ ៦១៦១/ ០៨១ ៩១២ ១១៣
អ៊ីមែល: nin.duk@franklincovey-kh.com
គេហទំព័រ: https://www.facebook.com/share/1A4d2Cy1xB/?mibextid=wwXIfr
