ឧកញ៉ា ប៉ិច បូឡែន ៖ ដើម្បីជោគជ័យក្នុងជីវិតការងារ និងអាជីវកម្ម យុវជនត្រូវមានចំណង់ ចំណេះ ជំនាញ ចំណងទាក់ទង និងចរិយាសម្បត្តិ

“ដើម្បីទទួលបានជោគជ័យ វឌ្ឍនភាពក្នុងជីវិត ការងារ និងអាជីវកម្ម យុវជនត្រូវមានចំណង់ ចំណេះ ជំនាញ ចំណងទាក់ទង និងចរិយាសម្បត្តិ(ចរិត)”។ នេះជាការលើកឡើងរបស់ឧកញ៉ា ប៉ិច បូឡែន អគ្គនាយកបណ្តាញគ្រឹះស្ថានអប់រំ វេសឡាញ អេឌ្យូខេសិន គ្រុប ក្នុងកម្មវិធីផ្សព្វផ្សាយអាហារូបករណ៍ដល់ថ្នាក់ទី១២ កាលពីពេលថ្មីៗកន្លងមកនេះ។

បើតាមលោកឧកញ៉ា ប៉ិច បូឡែន ចំណង់ ដែលលើកមកនិយាយនេះ គឺសំដៅលើក្តីស្រលាញ់ គោលដៅ បុព្វហេតុសន្ទុះចិត្ត និងឆន្ទៈ។ ដោយជាធម្មតានៅពេលប្អូនៗកំពុងនៅសិក្សាតែងតែគិតថាទៅថ្ងៃមុខចង់មានការងារល្អធ្វើ មានរថយន្តទំនើបជិះ និងមានផ្ទះស្អាតរស់នៅសមរម្យនៅក្នុងសង្គម ដែលទាំងនេះគឺជាចំណង់ ប៉ុន្តែប្អូនៗក៏ត្រូវស្វែងរកគោលដៅរបស់ខ្លួនឱ្យបានពិតប្រាកដ និងដាក់សន្ទុះចិត្តទៅមុខ ដើម្បីសម្រេចចំណង់ឱ្យក្លាយជាការពិត។ ម្យ៉ាងទៀត គោលដៅតែងតែប្រែប្រួលលឿនណាស់ ដូចនេះត្រូវកំណត់ ហេតុផលឱ្យច្បាស់លាស់ និងកំណត់គោលដៅ៥ឆ្នាំ និង១០ឆ្នាំទៀត ចង់ក្លាយជាអ្វី? ដើម្បីកុំឱ្យបាត់ភាពម្ចាស់ការលើខ្លួនឯង។

រីឯចំណេះវិញ អ្នកជំនាញផ្នែកអប់រំបានបញ្ជាក់ថា យុវជនត្រូវមានចំណេះដឹងទូទៅទូលំទូលាយទាំងក្នុងតំបន់អាស៊ាន និងសកលលោក ភាសាបរទេស ចិត្តសាស្រ្ត ប្រវត្តិសាស្រ្ត ភូមិសាស្រ្ត នយោបាយ សេដ្ឋកិច្ច ព្រមទាំងបច្ចេកវិទ្យាផងដែរ។ លើសពីនេះ យុវជនត្រូវខិតខំសិក្សាស្រាវជ្រាវឱ្យបានច្រើន និងស្វែងរកចំណេះថ្មីៗតាមរយៈដំណើរកម្សាន្តនៅក្រៅប្រទេស និងឈ្វេងយល់ពីប្រតិបត្តិការគម្រូអាជីវកម្មថ្មីៗ។

ទន្ទឹមនឹងនេះ លោកឧកញ៉ាបញ្ជាក់ថា យុវជនក៏ត្រូវចាប់យកជំនាញណាមួយឱ្យប្រាកដប្រជា។ ចេះធ្វើឱ្យបានលទ្ធផលច្បាស់លាស់ ហើយកុំគ្រាន់តែដឹង និងបានត្រឹមតែនិយាយ។ ម្យ៉ាងវិញទៀត យុវជនគួរចូលរួមការងារស្ម័គ្រចិត្ត ដើម្បីទទួលបានចំណេះដឹងថ្មីបន្ថែម ជំនាញ និងបទពិសោធន៍ការងារជាក់ស្តែង។

ចំពោះចំណងទាក់ទងវិញ លោកឧកញ៉ាពន្យល់ថា ធ្វើអ្វីក៏ដោយយុវជនត្រូវការបណ្តាញទំនាក់ទំនង ដើម្បីប្រឹក្សាយោបល់ រួមគ្នាគិត រួមគ្នាធ្វើ ជួយយកអាសារគ្នានិងចែកប្រយោជន៍គ្នា។ តាមលោកឧកញ៉ា យុវជនត្រូវរាប់អានមិត្តភក្តិឱ្យបានច្រើន ចូលរួមការងារសង្គម និងការងារស្ម័គ្រចិត្ត ដើម្បីកសាងទំនាក់ទំនងល្អ និងបង្កើតឱកាសផងដែរ។

អគ្គនាយកបណ្តាញគ្រឹះស្ថានអប់រំ វេសឡាញ អេឌ្យូខេសិន គ្រុប បន្ថែមថា បើយុវជនមានសម្បត្តិទាំង៤ខាងលើ តែបើចរិតយ៉ាប់ ចរិយាសម្បត្តិអន់ លទ្ធផលជីវិតក៏មិនអាចល្អដែរ។ ដូច្នេះត្រូវស្វែងរកកំណត់ និងប្រកាន់យកចរិតសមស្រប និងល្អសមរម្យសម្រាប់ជីវិត និងអាជីពការងារ។

លោកឧកញ៉ា ប៉ិច បូឡែន

“កុំស្លូតពេក ក្រែងគេកិបកេង កុំកាចពេក ក្រែងគេស្អប់មិនហ៊ាននៅក្បែរ។ កុំទាបពេក ក្រែងគេជាន់ កុំខ្ពស់ពេករហូតភ្លេចខ្លួនភ្លេចមិត្តភក្រ្តបងប្អូន…ជាដើម, ត្រូវមានចិត្តល្អ និងក្លាហានក្នុងពេលជាមួយគ្នា។ កុំកេងគេ ហើយក៏កុំរស់នៅ ដើម្បីតែសេចក្តីសុខអ្នកដទៃ។ ត្រូវក្លាហានក្នុងការនិយាយដោយការគោរពអ្នកដទៃ និងហ៊ាននិយាយការពារប្រយោជន៍យើង…”

លោកឧកញ៉ា ប៉ិច បូឡែន ក៏បានក្រើនរំលឹកទៅដល់យុវជនត្រូវចេះផ្ទៀងផ្ទាត់អ្វីដែលរៀនក្នុងសៀវភៅ និងពីសាលា ជាមួយទិដ្ឋភាពជាក់ស្តែងក្នុងសង្គម ហើយរៀនគ្រប់គ្រងផ្លូវអារម្មណ៍ ស្មារតី និងទំនាក់ទំនងក្រុមការងារដែលជំនាញនេះមិនបានបង្រៀននៅមហាវិទ្យាល័យនោះទេ៕




របាយការណ៍ថ្មី

មើលទាំងអស់ ➧

ព័ត៌មានទូទៅ

មើលទាំងអស់ ➧

ឱកាសសិក្សានៅប្រទេសជប៉ុន ពីកម្មវិធីអាហារូបករណ៍ធនាគារអភិវឌ្ឍអាស៊ីឆ្នាំ២០២៣

ព័ត៌មានអាហារូបករណ៍, ព្រឹត្តិការណ៍

• 10/03/2023

កម្មវីធីអាហារូបករណ៍ The ADB-Japan Scholarship Program (JSP) បានប្រកាស​ផ្ដល់អាហារូបករណ៍ថ្នាក់បរិញ្ញាបត្រជាន់ខ្ពស់សម្រាប់សិក្សានៅសាកលវិទ្យាល័យ Tokyo ...

មជ្ឈមណ្ឌលស៉ីមេអូ RELC ផ្ដល់អាហារូបករណ៍ដល់បុគ្គលិកអប់រំចំនួន១៤កន្លែង លើវគ្គបណ្ដុះបណ្ដាល និងបច្ចេកទេសបង្រៀនភាសាអង់គ្លេស

ព័ត៌មានអាហារូបករណ៍, ព្រឹត្តិការណ៍

• 25/07/2025

ក្រសួងអប់រំ យុវជន និងកីឡា បានប្រកាសជ្រើសរើស បុគ្គលិកអប់រំ និងគ្រូបង្រៀនភាសាអង់គ្លេស ចំនួន១៤នាក់ ទៅសិក្សាអាហារូបករណ៍ វគ្គបណ្ដុះបណ្ដាលភាសាអង់គ្លេស នៅ មជ្ឈមណ្ឌលស៊ីមេអូ RELC សម្រាប់ឆ្នាំ២០២៦។ វគ្គបណ្ដុះបណ្ដាល..

ឱកាសសិក្សាអាហារូបករណ៍ចំនួន១២០កន្លែងនៅវិទ្យាស្ថានបច្ចេកវិទ្យាកម្ពុជា សាខាខេត្តត្បូងឃ្មុំ

ព័ត៌មានអាហារូបករណ៍, ព្រឹត្តិការណ៍

• 18/10/2024

វិទ្យាស្ថានបច្ចេកវិទ្យាកម្ពុជាសាខាខេត្តត្បូងឃ្មុំ ប្រកាសជ្រើសរើសនិស្សិតចូលសិក្សាថ្នាក់កម្រិតវិស្វករ ចំនួន១២០កន្លែង។ អាហារូបករណ៍ប្រឡងជ្រើសរើសសម្រាប់កម្រិតវិស្វករ សិក្សារយៈពេល៥ឆ្នាំក្នុងដេប៉ាតឺម៉ង់ចំនួនបួន។

រដ្ឋាភិបាល​ឆែក ​ប្រកាស​ផ្ដល់​អាហារូបករណ៍​ថ្នាក់​អនុ​បណ្ឌិត ​និង​បណ្ឌិត ​ដល់​និស្សិត​កម្ពុជា​ ​សម្រាប់​ឆ្នាំ​សិក្សា​ ​២០​២៧​–​២០២៨

ព័ត៌មានអាហារូបករណ៍, ព្រឹត្តិការណ៍

• 25/08/2026

​រដ្ឋាភិបាល​នៃ​សាធារណរដ្ឋ​ឆែក ​បាន​ប្រកាស​ពី​ការ​បើក​ទទួល​ពាក្យ​ស្នើសុំ​អាហារូបករណ៍​ជា​ផ្លូវការ​សម្រាប់​ឆ្នាំ​សិក្សា​ ​២០​២៧​–​២០២៨ ​ដល់​និស្សិត​កម្ពុជា​ដែល​មាន​បំណង​បន្ត​ការ​សិក្សា​ថ្នាក់​ឧត្តម​សិក្សា​...

វិទ្យាស្ថានពហុបច្ចេកទេស​ព្រះកុសុមៈ ផ្តល់អាហារូបករណ៍ថ្នាក់សញ្ញាបត្រ​ជាន់ខ្ពស់២៨០កន្លែង

ព័ត៌មានអាហារូបករណ៍, ព្រឹត្តិការណ៍

• 05/11/2024

សម្រាប់ឆ្នាំសិក្សា​២០២៤-២០២៥នេះ វិទ្យាស្ថានពហុបច្ចេកទេស​ព្រះកុសមៈ បានប្រកាស​ផ្តល់អាហារូបករណ៍ថ្នាក់សញ្ញាបត្រ​ជាន់ខ្ពស់បច្ចេកទេស និង​សញ្ញាបត្រ​ជាន់ខ្ពស់​ពាណិជ្ជសាស្រ្ត (សិក្សា​រយៈពេល២ឆ្នាំ) រហូត​ដល់២៨០កន្លែង​សម្រាប់សិស្ស...

ឱកាសសិក្សា​ជំនាញកក់សំបុត្រយន្តហោះ ឥតគិតថ្លៃ

ព័ត៌មានអាហារូបករណ៍, ព្រឹត្តិការណ៍

• 17/02/2025

ដើម្បីចូលរួម​ពង្រឹងគុណភាពសេវាកម្ម និង​ការ​អភិវឌ្ឍ​សមត្ថភាព និង​ជំនាញថ្មី​ដល់យុវជន សិស្ស និស្សិត និង​អ្នក​បម្រើ​ការក្នុងឧស្សាហកម្ម​ទេសចរណ៍ ជាពិសេស​ជំនាញកក់សំបុត្រយន្តហោះ ក្រសួងទេសចរណ៍ បានប្រកាស​ដល់​អ្នក​បម្រើ​ការ​ក្នុងវិស័យ...

ឱកាសសិក្សាអារូបករណ៍ថ្នាក់បរិញ្ញាបត្រជាន់ខ្ពស់ពីកម្មវិធី DREAM TOGETHER នៅប្រទេសកូរ៉េឆ្នាំ២០២៤

ព័ត៌មានអាហារូបករណ៍, ព្រឹត្តិការណ៍

• 26/02/2024

ឱកាសសិក្សាអាហារូបករណ៍ថ្នាក់បរិញ្ញាបត្រជាន់ខ្ពស់ពីកម្មវិធីអាហារូបករណ៍ DREAM TOGETHER នៅប្រទេសកូរ៉េឆ្នាំសិក្សា ២០២៤-២០២៥។ អាហារូបករណ៍ជាការ...

អាហារូបករណ៍ថ្នាក់បរិញ្ញាបត្រនៅសាកលវិទ្យាល័យ Melburne ប្រទេសអូស្ត្រាលីឆ្នាំសិក្សា២០២៣

ព័ត៌មានអាហារូបករណ៍, ព្រឹត្តិការណ៍

• 24/03/2023

សាកលវិទ្យាល័យ Melburne នៅប្រទេស​អូស្រ្តាលី បាន​ប្រកាស​ផ្ដល់អាហារូបករណ៍ថ្នាក់បរិញ្ញាបត្រសម្រាប់និស្សិតអន្តរជាតិនៅឆ្នាំសិក្សា២០២៣នេះ ។...

អាហារូបករណ៍ KOICA សម្រាប់និស្សិតកម្ពុជាសិក្សាថ្នាក់បរិញ្ញាបត្រជាន់ខ្ពស់ និង​ថ្នាក់បណ្ឌិតនៅសាធារណរដ្ឋកូរ៉េ

ព័ត៌មានអាហារូបករណ៍, ព្រឹត្តិការណ៍

• 15/06/2026

នៅក្នុងឆ្នាំសិក្សា២០២៧ ខាងមុខនេះ ការិយាល័យទីភ្នាក់ងារសហប្រតិបត្តិការអន្តរជាតិកូរ៉េ KOICA ប្រចាំកម្ពុជា តាមរយៈកម្មវិធីអាហារូបករណ៍ KOICA Scholarship Program 2027 បានប្រកាសបើក​ទទួលពាក្យ​ឱ្យចូល​សិក្សា...