ព្រឹត្តិការណ៍ព័ត៌មាន
ចំណេះជីវិត
ជំនាញ
យុវជនឆ្នើម
អប់រំកុមារតូច
ព័ត៌មានអាហារូបករណ៍
មាតិកាឌីជីថល
អនាគត
ពន្លកបៃតង
កម្ពុជា 360°
កាលណាសិស្ស និស្សិត យុវជន យល់ដឹងកាន់តែច្បាស់ ស៊ីជម្រៅ និងតិចនិចក្នុងការនិយាយជាសាធារណៈ នោះនៅពេលដែលពួកគេនិយាយទៅកាន់ជនណាម្នាក់ ឬមហាជន គេអាចនិយាយដោយទំនុកចិត្ត និយាយទៅមានអ្នកស្តាប់ និយាយទៅចាក់ចំបេះដូងអ្នកស្តាប់ និងនិយាយធ្វើឱ្យអ្នកស្តាប់ចូលចិត្ត ។
លោក ស៊ិន សុវណ្ណារ៉ុង អ្នកគ្រប់គ្រងផ្នែកបណ្តុះបណ្តាល នៃវិទ្យាស្ថានមគ្គុទ្ទេសក៍ សាកលវិទ្យាល័យបញ្ញាសាស្រ្តកម្ពុជា បានមានប្រសាសន៍ថា ដោយមើលឃើញពីសារៈសំខាន់ នៃការនិយាយជាសាធារណៈ និងក្នុងបំណងចង់ឱ្យមិត្តនិស្សិតនិងយុវជនទាំងអស់ក្លាយជាអ្នកនិយាយនៅលេីវេទិកាសាធារណៈដ៏ឆ្នើម និងអភិវឌ្ឍភាពជាអ្នកដឹកនាំកាន់តែប្រសើរឡើង ជាពិសេសចង់ឱ្យមិត្តនិស្សិតប្រើប្រាស់ការនិយាយជាសាធារណៈរបស់ពួកគេ ដើម្បីដឹកនាំជីវិត និងក្លាយជានិស្សិតជោគជ័យសម្រាប់ជីវិតសាកលវិទ្យាល័យ និងអាជីពនាពេលអនាគត វិទ្យាស្ថាននឹងរៀបចំកម្មវិធីមួយនៅដើមខែកក្កដា ខាងមុខ ដោយមានឈ្មោះថា «សិល្បៈនៃការនិយាយជាសាធារណៈនៅក្នុងចំណោមមហាជន»។
ក្រៅពីវាគ្មិនទាំង៣ខាងលើ ក៏មានវាគ្មិនកិត្តិយសចំនួន២រូបទៀតចូលរួមផងដែរ រួមមាន ៖ លោកតា បណ្ឌិត កុល ផេង បិតាស្ថាបនិក និងជាប្រធាននៃសាកលវិទ្យាល័យបញ្ញាសាស្ត្រកម្ពុជា, លោក ជរណាថាន់ ជួ Jonathon Chau (Singapore Professional Public Speaking Trainer, Top President Award-Foothill Toastmaster Club and Former Director of BNI Asia Pacific)។
ក្រៅពីការបកស្រាយប្រធានបទរបស់វាគ្មិន កម្មវិធីនោះ ក៏មានសកម្មភាពជាច្រើនទៀត ដូចជាការពិភាក្សាតុមូលទៅលើប្រធានបទ, ការសួរឆ្លើយពីសំណាក់អ្នកចូលរយម និងវាគ្មិន ហើយក៏មានការសម្តែងសិល្បៈទៀតផង។
តាមការបញ្ជាក់របស់លោក ស៊ិន សុវណ្ណារ៉ុង កម្មវិធី «សិល្បៈនៃការនិយាយជាសាធារណៈនៅក្នុងចំណោមមហាជន» នឹងរៀបចំឡើងនៅថ្ងៃសៅរ៍ ទី៨ ខែកក្កដា ឆ្នាំ២០២៣ ពីវេលាម៉ោង១ ដល់ម៉ោង៥រសៀល នៅមជ្ឈមណ្ឌលសហប្រតិបត្តិការកម្ពុជា-កូរ៉េ (CKCC) ដោយសិស្ស និស្សិត ក៏ដូចជាបុគ្គលិកក្រុមហ៊ុននានាអាចចូលរួមបាន តាមរយៈការចុះឈ្មោះតាមដំណរភ្ជាប់ https://docs.google.com/forms/d/e/1FAIpQLSeCZ_Z-Ltbs3onv0cDTj0avLaBk6KdmyREz1mrW1fF23N1r9A/viewform ៕
