និស្សិត​កម្ពុជា​ជំនាន់​ដំបូង​ ​៣១​រូប​ ​បញ្ចប់​ការ​សិក្សា​ផ្នែក​នគរូបនីយកម្ម ​និង​អភិវឌ្ឍន៍​ក្រុង​ ក្រោម​កិច្ចសហការ​ជាមួយ​សាកលវិទ្យាល័យ​សេអ៊ូល​

​ដេប៉ាតឺ​ម៉ង់​នគរូបនីយកម្ម ​និង​អភិវឌ្ឍន៍​ក្រុង​ប្រកបដោយ​ចីរភាព​ នៃ​សាកលវិទ្យាល័យ​ភូមិន្ទ​ភ្នំពេញ​ ​(​RUPP​) ​ដែល​ជា​កម្មវិធី​សិក្សា​ដំបូង​គេ​នៅ​កម្ពុជា​ផ្តោត​លើ​ការ​រៀបចំ​ផែនការ​ទីក្រុង​ ​និង​បង្កើតឡើង​ដោយ​មាន​ការ​គាំទ្រ​ពី​សាកលវិទ្យាល័យ​សេអ៊ូល ​បាន​បញ្ចប់​ការ​បណ្តុះបណ្តាល​និស្សិត​ជំនាន់​ដំបូង​ចំនួន​ ​៣១​រូប​ដោយ​ជោគជ័យ។

​ដេប៉ាតឺ​ម៉ង់​នេះ​ត្រូវបាន​បង្កើតឡើង​ក្នុង​ឆ្នាំ​២០២២​ ​នៅ​សាកលវិទ្យាល័យ​ភូមិន្ទ​ភ្នំពេញ​ ​ដែល​ជា​សាកលវិទ្យាល័យ​ជាតិ​ធំ​ជាង​គេ​របស់​កម្ពុជា​ ​ក្រោម​កម្មវិធី​ជំនួយ​អភិវឌ្ឍន៍​ផ្លូវការ​របស់​ក្រសួង​អប់រំ ​នៃ​សាធារណរដ្ឋ​កូរ៉េ។​

​លោក​ វ៉ុន ​យ៉ុង​គុល ​(​Won​ ​Yong​-​kul​) ​សាកលវិទ្យាធិការ​ នៃ​សាកលវិទ្យាល័យ​សេអ៊ូល ​បាន​ថ្លែង​អបអរសាទរ​ថា​ ​និស្សិត​បញ្ចប់​ការ​សិក្សា​ទាំង ​៣១​រូប​ ​នឹង​ក្លាយជា​អ្នក​ត្រួសត្រាយ​ផ្លូវ​ក្នុង​ការ​បើក​ទំព័រ​ថ្មី​សម្រាប់​ការ​អភិវឌ្ឍ​ទីក្រុង​នៅ​កម្ពុជា​ ​ក្នុង​នាមជា​អ្នកជំនាញ​ដែល​មាន​សមត្ថភាព​ប្រកួតប្រជែង​លើ​ឆាក​អន្តរជាតិ​ ​ដោយ​រួមបញ្ចូល​បទពិសោធន៍​អភិវឌ្ឍន៍​ទីក្រុង​របស់​ទីក្រុង​សេអ៊ូល ​ជាមួយ​ចំណេះដឹង​ ​និង​ជំនាញ​ដែល​ទទួលបាន​ពី​សាកលវិទ្យាល័យ​ភូមិន្ទ​ភ្នំពេញ។​

​ជាមួយគ្នា​នេះ​ ​ឯកឧត្តម​បណ្ឌិត​ ​សោម ​រតនា ​អនុ​រដ្ឋលេខាធិការ​ក្រសួង​អប់រំ ​យុវជន​ និង​កីឡា ​បាន​អបអរសាទរ​ដល់​និស្សិត​ទាំងអស់​ដែល​បាន​ខិតខំ​សិក្សា​ ​និង​ស្រាវជ្រាវ​រហូត​ទទួលបាន​ជោគជ័យ​។ ​ឯកឧត្តម​លើកឡើង​ថា​ ​សញ្ញាបត្រ​ដែល​ទទួលបាន​នា​ពេលនេះ​ ​គឺជា​ចំណុច​ចាប់ផ្តើម​នៃ​ការ​រួមចំណែក​បង្កើត​ស្នាដៃ​ដ៏​មាន​តម្លៃ​សម្រាប់​សង្គម​ តាមរយៈ​ការ​យក​ចំណេះដឹង​ ​និង​ជំនាញ​ផ្នែក​នគរូបនីយកម្ម​ទៅ​អភិវឌ្ឍ​ទីក្រុង​ ​និង​ហេដ្ឋារចនាសម្ព័ន្ធ​របស់​កម្ពុជា​ឱ្យ​កាន់តែ​មាន​ចីរភាព ​ដើម្បី​បម្រើ​ទាំង​តម្រូវការ​បច្ចុប្បន្ន​ ​និង​បន្សល់ទុក​ជា​កេរមរតក​សម្រាប់​មនុស្ស​ជំនាន់​ក្រោយ។​

​យោង​តាម​សាកលវិទ្យាល័យ​សេអ៊ូល​បាន​ឱ្យដឹង​ថា​ ​ខ្លួន​ត្រូវបាន​ជ្រើសរើស​អនុវត្ត​កម្មវិធី​នេះ​នៅ​ឆ្នាំ​២០២១​ និង​ទទួលបាន​ការ​អនុម័ត​ជា​ផ្លូវការ​នៅ​ខែឧសភា ​ឆ្នាំ​២០២២​ ​ដើម្បី​បង្កើត​ដេប៉ាតឺ​ម៉ង់​នេះ។​

​ក្នុង​អំឡុង​ពេល​អនុវត្ត​គម្រោង​ ​សាកលវិទ្យាល័យ​សេអ៊ូល​បាន​អភិវឌ្ឍ​វគ្គ​សិក្សា​ចំនួន​ ​២៨​មុខវិជ្ជា​ ​រៀបចំ​សៀវភៅ​សិក្សា​ ​បើក​សិក្ខាសាលា​ពង្រឹង​សមត្ថភាព​សាស្ត្រាចារ្យ​ ​ផ្គត់ផ្គង់​ឧបករណ៍​អប់រំ ​និង​បង្កើត​បរិក្ខារ​សិក្សា​ឆ្លាតវៃ​។ ​លើស​ពី​នេះ​ និស្សិត​ក៏​បាន​ទទួល​ការ​បណ្តុះបណ្តាល​ជាក់ស្តែង​តាមរយៈ​កម្មសិក្សា​នៅ​ក្រសួង​រៀបចំ​ដែនដី​ នគរូបនីយកម្ម ​និង​សំណង់​ និង​រដ្ឋបាល​រាជធានី​ភ្នំពេញ។​

​គម្រោង​នេះ​ក៏​មាន​ការ​ចូលរួម​ពី​សាលា​អន្តរជាតិ​វិទ្យាសាស្ត្រ​ទីក្រុង​នៃ​សាកលវិទ្យាល័យ​សេអ៊ូល ​ដែល​មាន​ឯកទេស​ផ្នែក​ការ​សិក្សា​ទីក្រុង​ ​និង​ត្រូវបាន​បង្កើតឡើង​ដើម្បី​ចែករំលែក​បទពិសោធន៍​អភិវឌ្ឍន៍​ទីក្រុង​ ​និង​ជំនាញ​គោលនយោបាយ​របស់​ទីក្រុង​សេអ៊ូល​ជាមួយ​ប្រទេស​ដៃ​គូ ​និង​សហគមន៍​អន្តរជាតិ។​

​សូម​ជម្រាប​ថា​ ​ពិធី​ប្រគល់​សញ្ញាបត្រ​ដល់​និស្សិត​កម្ពុជា​ចំនួន​ ​៣១​រូប​ ត្រូវបាន​រៀបចំឡើង​នៅ​សាកលវិទ្យាល័យ​ភូមិន្ទ​ភ្នំពេញ​ ​កាលពី​ថ្ងៃទី​៣១​ ​ខែកក្កដា ​ឆ្នាំ​២០២៦​ ​ដោយ​មាន​ការ​ចូលរួម​ពី​ថ្នាក់ដឹកនាំ​ជាន់​ខ្ពស់​របស់​កម្ពុជា​ ​តំណាង​សាកលវិទ្យាល័យ​សេអ៊ូល ​និង​ភ្ញៀវ​កិត្តិយស​ជាច្រើន៕




របាយការណ៍ថ្មី

មើលទាំងអស់ ➧

ព័ត៌មានទូទៅ

មើលទាំងអស់ ➧

ឱកាសអាហារូបករណ៍ស្រាវជ្រាវថ្នាក់បណ្ឌិត (PhD) សម្រាប់គ្រូពេទ្យ ពីមូលនិធិ VCRF នៅសាកលវិទ្យាល័យ RMIT ប្រទេសអូស្ត្រាលី

ព័ត៌មានអាហារូបករណ៍, ព្រឹត្តិការណ៍

• 17/06/2026

សាកលវិទ្យាល័យ RMIT នៃប្រទេស​អូស្រ្តាលី បានប្រកាស​ពីការ​ផ្តល់អាហារូបករណ៍ស្រាវជ្រាវថ្នាក់បណ្ឌិត (VCRF Scholarship) ផ្តោតលើការសិក្សាស្រាវជ្រាវអំពី «របួសជង្គង់ចំពោះកីឡាករ-កីឡាការិនី» ជាពិសេសគឺ...

អាហារូបករណ៍ថ្នាក់បរិញ្ញាបត្រ និងបរិញ្ញាបត្រជាន់ខ្ពស់នៅសាកលវិទ្យាល័យ Salford ឆ្នាំសិក្សា២០២៥-២០២៦

ព័ត៌មានអាហារូបករណ៍, ព្រឹត្តិការណ៍

• 19/05/2025

ឱកាសសម្រាប់សិស្ស និស្សិត​កម្ពុជា​ដែល​ចង់បន្តការសិក្សា​នៅ​ចក្រភពអង់គ្លេស ពេលនេះ កម្មវិធី Salford International Excellence Scholarship បានប្រកាសផ្តល់អាហារូបករណ៍ថ្នាក់បរិញ្ញាបត្រ និងបរិញ្ញាបត្រជាន់ខ្ពស់...

ឱកាស​សម្រាប់​សិស្ស​និស្សិត​កម្ពុជា បន្ត​ការ​សិក្សា​ថ្នាក់ឧត្តមសិក្សា​នៅប្រទេស​ចិន តាមរយៈអាហារូបករណ៍ China-ASEAN Digital Academy

ព័ត៌មានអាហារូបករណ៍, ព្រឹត្តិការណ៍

• 18/05/2026

សាធារណរដ្ឋ​ប្រជាមានិត​ចិន កំពុុង​​ប្រកាស​ផ្តល់​អាហារូបករណ៍​ដល់​និស្សិត​កម្ពុជាចំនួន ១០​ រូប ដើម្បី​ឱ្យ​ទៅ​បន្ត​ការ​សិក្សា​ថ្នាក់​បរិញ្ញាបត្រ បរិញ្ញាបត្រជាន់ខ្ពស់ និងថ្នាក់បណ្ឌិត លើមុខជំនាញផ្សេងៗ នៅ Harbin Institute of Technolog

សិក្សាជំនាញ៨ ឥតគិតថ្លៃ នៅ​វិទ្យាស្ថាន​ជាតិសហគ្រិនភាព និង​នវានុវត្តន៍ (NIEI)

ព័ត៌មានអាហារូបករណ៍, ព្រឹត្តិការណ៍

• 20/02/2025

សម្រាប់យុវជនមកពីគ្រួសារក្រីក្រ/គ្រួសារងាយរងហានិភ័យ កម្មករនិយោជិតនៃសេដ្ឋកិច្ចក្នុងនិងក្រៅប្រព័ន្ធ និងសារធារណៈជនទូទៅ ដែលចង់ទទួលបាន​ជំនាញ​មួយ​ច្បាស់លាស់​ប្រចាំជីវិត ដើម្បីប្រកប​ការងារ ឬបង្កើតជាមុខរបរ​ ពេលនេះ...

អាហារូបករណ៍ថ្នាក់បរិញ្ញាបត្រចំនួន១០០កន្លែង សិក្សា​នៅ​សាកលវិទ្យាល័យសម្តេចព្រះមហាសង្ឃរាជ បូរ គ្រី

ព័ត៌មានអាហារូបករណ៍, ព្រឹត្តិការណ៍

• 30/11/2023

ក្រោម​ការ​ឧបត្ថម្ភ និង​គាំទ្រ​ពី​ ឯកឧត្តម​អភិសន្តិបណ្ឌិត ស សុខា និងលោកជំទាវ សាកលវិទ្យាល័យសម្តេចព្រះសង្ឃរាជ បួរ គ្រី ផ្តល់ជូនអាហារូបករណ៍ដល់សិស្ស-និស្សិតសម្រាប់ឆ្នាំសិក្សា​២០២៣-២០២៤ ...

វគ្គសិក្សា Online ឥតគិតថ្លៃចំនួន ៦ ពីសាកលវិទ្យាល័យ Harvard សម្រាប់ឆ្នាំសិក្សា២០២៥

ព័ត៌មានអាហារូបករណ៍, ព្រឹត្តិការណ៍

• 04/03/2025

សាកលវិទ្យាល័យ Harvard បានផ្ដល់ការសិក្សាវគ្គខ្លីតាមរយៈ Online ក្រោមកម្មវិធី Harvard Online ដើម្បីផ្ដល់ឱកាសសិក្សាដោយឥតគិតថ្លៃសម្រាប់និស្សិត និងអ្នកដែលចង់សិក្សាវគ្គខ្លីមកពីទូទាំងពិភពលោក។ 

វិទ្យាស្ថាន​ពហុបច្ចេកទេស​ភូមិ​ភាគ​តេជោសែនតាកែវ ផ្តល់អាហារូបករណ៍​សិក្សា​ជំនាញវិជ្ជាជីវៈ១ ឥតគិតថ្លៃចំនួន៨៤០កន្លែង

ព័ត៌មានអាហារូបករណ៍, ព្រឹត្តិការណ៍

• 30/04/2024

វិទ្យាស្ថានពហុបច្ចេកទេស​ភូមិ​ភាគ​តេជោសែនតាកែវ បានប្រកាស​ផ្តល់អាហារូបករណ៍​ ក្នុងការ​សិក្សា​ជំនាញសំខាន់ៗ​ចំនួន៧​ដែល​កំពុង​មានតម្រូវ​ការ​ទីផ្សារ សម្រាប់យុវជនដែល​កំពុងស្វែង​រក​ជំនាញ​ប្រចាំជីវិត...

ឱកាសអាហារូបករណ៍ថ្នាក់បរិញ្ញាបត្រ ១៥កន្លែង នៅសាកលវិទ្យាល័យភូមិន្ទនីតិសាស្ត្រ និងវិទ្យាសាស្ត្រសេដ្ឋកិច្ច (RULE)

ព័ត៌មានអាហារូបករណ៍, ព្រឹត្តិការណ៍

• 28/09/2026

សាកលវិទ្យាល័យភូមិន្ទនីតិសាស្ត្រ និងវិទ្យាសាស្ត្រសេដ្ឋកិច្ច (RULE) ផ្ដល់ជូនអាហារូបករណ៍សរុបចំនួន ១៥កន្លែង លើកម្រិតថ្នាក់បរិញ្ញាបត្រ សម្រាប់ឆ្នាំសិក្សា២០២៦-២០២៧។

ក្រសួង​ប្រៃសណីយ៍​ ​ប្រកាស​ផ្តល់​អាហារូបករណ៍​​ទេពកោសល្យ​ឌីជីថល​តេជោ ​២៥​កន្លែង​ ​លើ​ជំនាញ​ «​វិទ្យាសាស្ត្រ​កុំព្យូទ័រ​កង់​ទិច​» ​នៅ​សាកលវិទ្យាល័យ​ ​AUPP​

ព័ត៌មានអាហារូបករណ៍, ព្រឹត្តិការណ៍

• 07/08/2026

​ដើម្បី​ឆ្លើយតប​ទៅនឹង​ការ​វិវត្ត​យ៉ាង​រហ័ស​នៃ​បច្ចេកវិទ្យា​ឌីជីថល ​និង​ការ​អភិវឌ្ឍ​មូលធន​មនុស្ស​ក្នុង​យុគសម័យ​ថ្មី​ ​និង​ក្នុង​គោលបំណង​ជំរុញ​កំណើន​សេដ្ឋកិច្ច​ ​ការ​ប្រកួតប្រជែង​ផ្នែក​បច្ចេកវិទ្យា​