ព្រឹត្តិការណ៍ព័ត៌មាន
ចំណេះជីវិត
ជំនាញ
យុវជនឆ្នើម
អប់រំកុមារតូច
ព័ត៌មានអាហារូបករណ៍
មាតិកាឌីជីថល
អនាគត
ពន្លកបៃតង
កម្ពុជា 360°
ពិធីកាន់បិណ្ឌដាក់បិណ្ឌ ក្នុងឱកាសបុណ្យភ្ជុំបិណ្ឌជាទំនៀមទម្លាប់ប្រជាជនខ្មែរ និងពុទ្ធសាសនិកតែងតែប្រារព្ធឡើង ដោយនាំយកសម្ភារប្រើប្រាស់ និងគ្រឿងឧបភោគបរិភោគផ្សេងៗតាមសទ្ធាជ្រះថ្លាទៅកាន់វត្តអារាម ។ នេះជាការលើកឡើងរបស់និស្សិតកម្ពុជាដែលកំពុងសិក្សាអាហារូបករណ៍នៅសហរដ្ឋអាមេរិក ។
លោក តាន់ ស៊ីវុត្ថា ជានិស្សិតអាហារូបករណ៍កំពុងសិក្សានៅសហរដ្ឋអាមេរិក បានលើកឡើងថា បើគិតត្រឹមបិណ្ឌទី៦នៃការកាន់បិណ្ឌក្នុងឱកាសបុណ្យភ្ជុំបិណ្ឌនេះ លោកបានទៅវត្តចំនួន២ ក្នុងរដ្ឋផេនស៊ីវេនាដើម្បីធ្វើបុណ្យឧទ្ទិស និងរំលឹកដល់ជីដូនជីតាដែលបានចែកឋានទៅ ។ លោកបន្តថា លោកពិតជាមានចិត្តសប្បាយរីករាយដែលបានទៅវត្តធ្វើបុណ្យជាមួយប្រជាជនខ្មែរដែលរស់នៅ និងសិក្សានៅសហរដ្ឋអាមេរិក និងបញ្ជាក់ឱ្យឃើញថា ប្រជាជនកម្ពុជាទោះទៅដល់ទីណាក៏មិនភ្លេចប្រទេសជាតិ វប្បធម៌ និងអរិយធម៌ឡើយ ។
« ខ្ញុំមានគម្រោងទៅវត្តផ្សេងៗទៀតនាពេលខាងមុខជាមួយប្រជានជនខ្មែរដែលរស់នៅទីនេះ»
លោក តាន់ ស៊ីវុត្ថា
លោក តាន់ ស៊ីវុត្ថា បានបន្ថែមថា មានហេតុផលជាច្រើនដែលជំរុញចិត្តឱ្យលោកទៅវត្តអារាមក្នុងឱកាសបុណ្យទានផ្សេងៗ ព្រោះជាឱកាសល្អមួយដែលអាចឱ្យលោក ក៏ដូចជានិស្សិតខ្មែរផ្សេងទៀតដែលកំពុងសិក្សានៅសហរដ្ឋអារិកបានស្គាល់ និងឃើញពីការរស់នៅរបស់ជនជាតិខ្មែរដែលរស់នៅទីនេះ ។ សម្រាប់លោក ស៊ីវុត្ថា ផ្ទាល់មិនត្រឹមតែអាចររៀនសូត្របានពីពួគគាត់ទេ ថែមទាំងទទួលបានការរាប់ស្រលាញ់រាប់អានពីអ៊ុំពូមីងប្រៀបដូចជាសមាជិកគ្រួសារផងដែរ ។
ជារួមលោក តាន់ ស៊ីវុត្ថា បញ្ជាក់ថា សកម្មភាពនេះក៏ជាចំណែកមួយដែលបង្ហាញពីការថែរក្សាទំនៀមទម្លាប់ ប្រពៃណី និងជាឱកាសរិតបន្តឹង បង្កើនមិត្តភាពជាមួយសិស្សដទៃទៀតផង ៕
