ព្រឹត្តិការណ៍ព័ត៌មាន
ចំណេះជីវិត
ជំនាញ
យុវជនឆ្នើម
អប់រំកុមារតូច
ព័ត៌មានអាហារូបករណ៍
មាតិកាឌីជីថល
អនាគត
ពន្លកបៃតង
កម្ពុជា 360°
ការគេងឱ្យបានគ្រប់គ្រាន់ និងគុណភាព ជាប្រយោគដែលមនុស្សលឺស្ទើរតែរាល់ថ្ងៃ ប៉ុន្តែអនុវត្តន៍ពុំបានរាល់ថ្ងៃនោះទេ ដែលជាហេតុត្រូវការ ការរំលឹកឱ្យបានជាប្រចាំដូចគ្នា។ តាមរយៈគេហទំព័រ Unhealthy បានបង្ហាញភាពសំខាន់៣ចំណុច នៃការរក្សាទម្លាប់គេង ឬពង្រឹងគុណភាពគេង ដោយមានរៀបរាប់នៅខាងក្រោម ៖
ការគេងពាក់ព័ន្ធនឹងសុខភាពទាំងមូល ៖ នៅពេលដែលគេងមានគុណភាព ប្រៀបដូចជាការរួមចំណែក នៃការជួសជុលរាល់ភាពខ្វះចន្លោះឡើងវិញ ការសម្រួលដំណើរការខួរក្បាល រួមទាំងការពង្រឹងការចងចាំផងដែរ។ បន្ថែមពីនោះ ក៏បានរួមចំណែកដល់ការរក្សាអារម្មណ៍វិជ្ជមាន និងការរិះរកដំណោះស្រាយបញ្ហា។ ការគេងមិនបានគ្រប់គ្រាន់ នោះសុខភាពខួរក្បាល និងរាងកាយក៏ពុំមានឱកាសក្នុងការសម្រាក ហើយដំណើរការរាងកាយទាំងមូល ក៏មិនមានដំណើរការប្រក្រតីដូចគ្នា។
គេងមិនគ្រប់នាំឱ្យមានបញ្ហាសុខភាព ៖ ទោះបីជាបច្ចុប្បន្ន លោកអ្នកមានសុខភាពល្អធម្មតាក៏ដោយ ប្រសិនបើទទួលទានដំណេកមិនបានគ្រប់គ្រាន់នោះទេ គឺនឹងនាំឱ្យសុខភាពរាងកាយ និងសុខភាពផ្លូវចិត្ត ងាយទ្រុឌទ្រោមពីមួយថ្ងៃ ទៅមួយថ្ងៃ ដែលហានិភ័យទាំងនោះ មានដូចជា អាការគាំងបេះដូង មហារីក និងអាការស្ត្រូកជាដើម ក្រៅពីនោះ ក៏នាំឱ្យប្រព័ន្ធសាច់ដុំមានអាការឈឺចាប់ផងដែរ។
គេងជួយឱ្យអារម្មណ៍ល្អ និងបង្កើនផលិតភាព ៖ ការគេងមិនគ្រប់ ឬគេងគ្មានគុណភាព វាធ្វើឱ្យពិបាកក្នុងការផ្ចង់អារម្មណ៍ និងបាត់បង់កម្លាំងចិត្តក្នុងការបន្តដំណើរទៅមុខ។ ការចាំផ្តើមរៀបកាលវិភាគគេងឱ្យបានគ្រប់គ្រាន់ឡើងវិញ ជួយឱ្យអារម្មណ៍ស្ងប់ បង្កើនផលិតភាព និងដំណើរការទូទៅ នៃរាងកាយមានភាពល្អប្រសើរ៕
