ព្រឹត្តិការណ៍ព័ត៌មាន
ចំណេះជីវិត
ជំនាញ
យុវជនឆ្នើម
អប់រំកុមារតូច
ព័ត៌មានអាហារូបករណ៍
មាតិកាឌីជីថល
អនាគត
ពន្លកបៃតង
កម្ពុជា 360°
ភ្នំពេញ – និយាយពីអំណាន និងគុណតម្លៃនៃអំណានទំនងមនុស្សគ្រប់រូប យល់ឃើញថា អំណានពិតជាសំខាន់សម្រាប់ការសិក្សា និងមានគុណប្រយោជន៍សម្រាប់ជីវិត ។ ផ្ទុយទៅវិញបើពិនិត្យភ្លាមៗពីផលនៃអំណាន វាហាក់បីដូចជាមើលមិនឃើញ និងត្រូវរង់ចាំមើលផលអំណាននៅពេលណាមួយបន្ទាប់ពីមនុស្សបានឆ្លងកាត់ការអាន ។ សម្រាប់សាស្ត្រាចារ្យបណ្ឌិតនរវិទ្យា អាំង ជូលាង បានចែករំលែកបទពិសោធន៍អំណានផ្ទាល់ខ្លួនថា “សម្ពាយវិជ្ជាកើតដោយមិនដឹងខ្លួនតាមរយៈអំណាន” ។
លោកសាស្ត្រាចារ្យបណ្ឌិត អាំង ជូលាង នរវិទូ មានប្រសាសន៍ថា ៖
“សូមឱ្យចៅៗ ក្មួយៗស្តាប់រឿងហ្នឹង (អំណាន) គឺថាការអានផ្តល់ផលឱ្យយើងឥតដឹងខ្លួនទេ សម្ពាយវិជ្ជាចូលមកខ្លួនយើងម្តងមួយចឹបៗ ដោយមិនដឹងខ្លួន ថ្ងៃណាមួយយើងមានសម្ពាយមួយ (ចំណេះដឹង) ដោយមិនដឹងខ្លួន ។”
ទន្ទឹមនឹងការលើកឡើងនេះ លោកសាស្ត្រាចារ្យបណ្ឌិត អាំង ជូលាង បានបញ្ជាក់ថា ដើម្បីទទួលផលពីអំណានមនុស្សគប្បីយល់ពីតម្លៃនៃអំណានជាមុនសិន ។ តម្លៃពិតនៃអំណានកើតឡើងដោយសារគ្រួសារនីមួយៗមានទម្លាប់អានសៀវភៅ និងមានសៀវភៅឱ្យកូនតូចរបស់ខ្លួនរៀនអាន ។ បណ្ណាល័យគ្រួសារជាផ្នែកសំខាន់ជួយឱ្យមនុស្សចេះអាច ជួយឱ្យកុមារចាប់អារម្មណ៍អាន និងបណ្តុះទម្លាប់អានរបស់កុមារបានយ៉ាងប្រសើរ ។
សូមជម្រាបថា ការលើកឡើងរបស់លោកសាស្ត្រាចារ្យបណ្ឌិត អាំង ជូលាង ធ្វើឡើងនៅក្នុងកិច្ចពិភាក្សាស្តីពីសារៈសំខាន់របស់អំណានក្នុងការសិក្សា ដោយមានការចូលរួមពីព្រះមុនីកោសល្យបណ្ឌិត យ៉ន សេងយៀត ព្រះសាកលវិទ្យាធិការរង នៃពុទ្ធិកសាកលវិទ្យាល័យ ព្រះសីហនុរាជ នៅក្នុងព្រឹត្តិការណ៍ទិវាជាតិអំណាន ១១មីនា ឆ្នាំ២០២៣ នៅវិទ្យាស្ថានបច្ចេកវិទ្យាកម្ពុជា ៕
