សាកលវិទ្យាល័យអាមេរិកាំងភ្នំពេញ (AUPP) បានសហការជាមួយសាកលវិទ្យាល័យអារីហ្សូណា (UA) ក្នុងប្រធានបទ «ស្វែងយល់ពី UA នៅ AUPP» នៅមជ្ឈមណ្ឌលបច្ចេកវិទ្យា AUPP Technology Center (ATC) ដែលមានអត្ថន័យយ៉ាងសំខាន់ក្នុងការបង្កើតឱកាសសិក្សា និងចែករំលែកចំណេះដឹងជាសកល។

វេទិកាជជែកពិភាក្សានេះបានផ្តល់ឱកាសឱ្យសិស្សានុសិស្សទទួលបានចំណេះដឹងផ្នែកទំនាក់ទំនងនៅក្នុងវិស័យឧស្សាហកម្មដែលកំពុងលូតលាស់ និងជាសាកលភាវូបនីយកម្ម។ កិច្ចពិភាក្សានេះ មានវាគ្មិនចំនួនបួនរូប រួមមាន លោកស្រី Hillary Vance ជំនួយការអនុប្រធានប្រចាំតំបន់អាស៊ីអាគ្នេយ៍នៅសាកលវិទ្យាល័យអារីហ្សូណា, កញ្ញា Katherine M. Diop អនុប្រធានបេសកកម្មស្តីទីនៅស្ថានទូតសហរដ្ឋអាមេរិកប្រចាំប្រទេសកម្ពុជា, លោកជំទាវ អ៊ឹង ឈីវលី អតីតនិស្សិតនៃសាកលវិទ្យាល័យអារីហ្សូណា និងជានាយកប្រតិបត្តិនៃក្រុមហ៊ុន Lyly Food Industry Co., Ltd. និង លោក Rex Lam នាយកគ្រប់គ្រងផ្នែកទីផ្សារនៃក្រុមហ៊ុន មេនូឡាយហ្វ៍ ខេមបូឌា។

កម្មវិធីនេះបានផ្តោតលើការចែករំលែកបទពិសោធន៍ ចំណេះដឹង និងចែករំលែកគន្លឹះសំខាន់ៗសម្រាប់និស្សិត អ្នកសិក្សា ក្នុងវិស័យទំនាក់ទំនង និងអាជីវកម្ម។ ក្រៅពីនេះ កម្មវិធីក៏បានបង្ហាញពីភាពរឹងមាំ នៃការសហការរវាងសាកលវិទ្យាល័យ AUPP និង សាកលវិទ្យាល័យ UA ដែលផ្តល់ឱកាសដល់សិស្សនិស្សិតនៅកម្ពុជាបានសិក្សានៅក្នុងបរិយាកាសស្តង់ដារបែបអាមេរិក។

គួរបញ្ជាក់ផងដែរ កម្មវិធីសញ្ញាបត្រដែលផ្តល់ជូននៅសាកលវិទ្យាល័យ AUPP ក្នុងភាពជាដៃគូជាមួយ សាកលវិទ្យាល័យ UA មានដូចជា ផ្នែកគ្រប់គ្រងពាណិជ្ជកម្ម ផ្នែកទំនាក់ទំនង ផ្នែកទីផ្សារឌីជីថល និងផ្នែកច្បាប់។ កម្មវិធីទាំងនេះត្រូវបានរៀបចំឡើងដើម្បីបំពេញតាមតម្រូវការនៃសេដ្ឋកិច្ចរបស់កម្ពុជា និងសាកលលោកភាវូបនីយកម្ម ដោយបំពាក់ឱ្យសិស្សនូវជំនាញនៃការអនុវត្តជាក់ស្តែង សមត្ថភាពនៃការគិតវិភាគប្រកបដោយវិជ្ជមាន និងទស្សនវិស័យជាសកល។

អំពី AUPP
សាកលវិទ្យាល័យអាមេរិកាំងភ្នំពេញ (AUPP) គឺជាសាកលវិទ្យាល័យតែមួយគត់ក្នុងប្រទេសកម្ពុជាដែលផ្តល់ជូននូវកម្មវិធីសិក្សាស្តង់ដារបែបអាមេរិក និងកម្មវិធីសញ្ញាបត្រពីរដែលទទួលស្គាល់ដោយសហរដ្ឋអាមេរិក។ សិស្សនិស្សិតមានឱកាសជ្រើសរើសីមុខជំនាញ១៣មុខផ្សេងៗគ្នានៅក្នុងមហាវិទ្យាល័យធុរកិច្ច បច្ចេកវិទ្យាឌីជីថល នីតិសាស្ត្រ និងវិទ្យាសាស្ត្រសង្គម។ នៅ AUPP មហាវិទ្យាល័យជំនាញរបស់យើងបាននាំមកនូវចំណេះដឹង និងបទពិសោធន៍ក្នុងសង្គមពិតជាច្រើនដល់ថ្នាក់រៀន ដោយផ្តល់ឱ្យសិស្សនិស្សិតនូវការយល់ដឹង និងការណែនាំដែលមិនអាចកាត់ថ្លៃបាន នៅពេលពួកគេចាប់ផ្តើមដំណើរការសិក្សាជាមួយ AUPP។

វគ្គសិក្សាថ្មី ២០២៥ កំពុងបើកទទួលពាក្យចូលរៀន ដាក់ពាក្យឥឡូវនេះ៖ https://bit.ly/BachelorsApplication

ស្វែងយល់បន្ថែម៖
www.aupp.edu.kh
www.facebook.com/AUPPkh