ព្រឹត្តិការណ៍ព័ត៌មាន
ចំណេះជីវិត
ជំនាញ
យុវជនឆ្នើម
អប់រំកុមារតូច
ព័ត៌មានអាហារូបករណ៍
មាតិកាឌីជីថល
អនាគត
ពន្លកបៃតង
កម្ពុជា 360°
អង្គភាពប្រឆាំងអំពើពុករលួយ (ACU) បានប្រកាសជ្រើសរើសអ្នកស្ម័គ្រចិត្ត ចំនួន ៣០៤០នាក់ ដើម្បីចូលរួមសង្កេតការណ៍ដំណើរការប្រឡងសញ្ញាបត្រមធ្យមសិក្សាទុតិយភូមិ ឬបាក់ឌុប នាថ្ងៃទី០៦ ខែវិច្ឆិកា ឆ្នាំ២០២៣ខាងមុខ។
បើតាមសេចក្តីជូនដំណឹងរបស់អង្គភាពប្រឆាំងអំពើពុករលួយ អ្នកស្ម័គ្រចិត្តទាំងជាង៣ពាន់នាក់នោះ សម្រាប់សង្កេតការណ៍ប្រឡងបាក់ឌុបនៅរាជធានីភ្នំពេញ ចំនួន ៥៥២នាក់, ខេត្តបន្ទាយមានជ័យ ចំនួន ១៣៣នាក់, បាត់ដំបង ចំនួន ២០៤នាក់, កំពង់ចាម ចំនួន ១៩៤នាក់, កំពង់ឆ្នាំង ចំនួន ៩៥នាក់, កំពង់ស្ពឺ ចំនួន ១១៤នាក់, កំពង់ធំ ចំនួន ១៣២នាក់, កំពត ចំនួន ១២៣នាក់, ខេត្តកណ្តាល ចំនួន ២៤៣នាក់, កោះកុង៣០នាក់, ក្រចេះ ចំនួន ៥២នាក់, មណ្ឌលគីរី ចំនួន ១៦នាក់, ព្រះវិហារ ចំនួន ៤២នាក់, ព្រៃវែង ចំនួន ១៧៩នាក់, ពោធិ៍សាត់ ចំនួន ៨៤នាក់, រតនគីរី ចំនួន ៤២នាក់, សៀមរាប ចំនួន ២៣៨នាក់, ព្រះសីហនុ ចំនួន ៤៥នាក់, ស្ទឹងត្រែង ចំនួន ២៤នាក់, ស្វាយរៀង ចំនួន ៩១នាក់, តាកែវ ចំនួន ២២១នាក់, កែប ចំនួន ៩នាក់, ប៉ៃលិន ចំនួន ១៦នាក់, ឧត្តរមានជ័យ ចំនួន ៣៩នាក់ និងខេត្តត្បូងឃ្មុំ ចំនួន ១២៣នាក់។
លក្ខខណ្ឌចុះឈ្មោះសុំធ្វើជាអ្នកសង្កេតការណ៍ស្ម័គ្រចិត្ត ត្រូវមានអាយុចាប់ពី ២១ឆ្នាំ ឡើងទៅ មានមធ្យោបាយ ធនធាន ពេលវេលាគ្រប់គ្រាន់សម្រាប់បំពេញការងារសង្កេតការណ៍ស្ម័គ្រចិត្តដោយខ្លួនឯងរាប់ទាំងមធ្យោបាយធ្វើដំណើរផង គោរពទៅតាមច្បាប់ បទប្បញ្ញត្តិ លិខិតបទដ្ឋានគតិយុត្តជាធរមាន ការចាត់តាំង ក្រុមដឹកនាំសង្កេតការណ៍ថ្នាក់កណ្តាល ថ្នាក់រាជធានី ខេត្ត និងថ្នាក់មណ្ឌល ជាពិសេសមានគណនីតេឡេក្រាមដែលមានឈ្មោះត្រឹមត្រូវពេញលេញ រូបថត លេខទូរស័ព្ទ។
អង្គភាពប្រឆាំងអំពើពុករលួយ នឹងផ្តល់អាទិភាពជ្រើសរើសអ្នកដាក់ពាក្យមុន និងផ្តល់អាទិភាពដល់នារី ដូច្នេះសម្រាប់សិស្ស និស្សិត ដែលមានចំណាប់អារម្មណ៍ សូមមកទទួលពាក្យសុំធ្វើអ្នកសង្កេតការណ៍ រហូតដល់ថ្ងៃទី២៤ ខែតុលា ឆ្នាំ២០២៣ ហើយប្រកាសឈ្មោះអ្នកជាប់ជាអ្នកសង្កេតការណ៍នៅថ្ងៃទី២៦ ខែតុលា ឆ្នាំ២០២៣៕
