ព្រឹត្តិការណ៍ព័ត៌មាន
ចំណេះជីវិត
ជំនាញ
យុវជនឆ្នើម
អប់រំកុមារតូច
ព័ត៌មានអាហារូបករណ៍
មាតិកាឌីជីថល
អនាគត
ពន្លកបៃតង
កម្ពុជា 360°
និស្សិតជាង ១,៤០០នាក់ បានដាក់ពាក្យសុំអាហារូបករណ៍ យ៉ាងចម្លែកពីសាកលវិទ្យាល័យជាតិសេអ៊ូល ដែលផ្ដល់ជូនជាទឹកប្រាក់រហូតដល់ ៧០ម៉ឺនរ៉ុន (៥៤០ដុល្លារអាមេរិក) សម្រាប់ការឡើងភ្នំចំនួន ៦។
កាសែតកូរ៉េ Chosun បានរាយការណ៍ថា ចាប់ពីថ្ងៃទី៨ ដល់ថ្ងៃទី ១៨ ខែកក្កដា សាកលវិទ្យាល័យជាតិសេអ៊ូល របស់កូរ៉េ នឹងបើកកម្មវិធី «អាហារូបករណ៍ឡើងភ្នំ Misan» ដែលនឹងផ្ដល់រង្វាន់ជាសាច់ប្រាក់ ដល់និស្សិតដែលបានឡើងភ្នំចំនួន ៦ ដោយជោគជ័យ មុនបំណាច់ឆ្នាំនេះ។ យុវជននឹងទទួលបានអាហារូបករណ៍ភ្លាមៗ ដោយមិនចាំបាច់មានការប្រឡង ការសរសេរអត្ថបទ ឬសមិទ្ធផល និងស្នាដៃសិក្សាអ្វីនោះទេ ដោយមានតែភស្ដុតាងនៃការឡើងភ្នំ គឺគ្រប់គ្រាន់។
អ្នកដែលបានឡើង ៣ ទៅ៥ភ្នំ នឹងទទួលបាន ៣០ម៉ឺនវ៉ុន ខណៈពេលដែល អាចឡើងដល់ ៦ភ្នំ នឹងទទួលបាន ៧០ម៉ឺនវ៉ុន។ កាសែត Economist Korea បានរាយការណ៍ថា អាហារូបករណ៍មានចំនួន ៧០កន្លែង ប៉ុន្តែមានសិស្សជាង ១,៤០០នាក់ ដែលបានដាក់ពាក្យ ដែលធ្វើឱ្យការប្រកួតប្រជែងកាន់តែខ្លាំងក្លា។
អាហារូបករណ៍នេះ ទទួលបានទឹកប្រាក់ឧបត្ថម្ភ ពីអតីតនិស្សិតវ័យ ៨១ឆ្នាំ ឈ្មោះ Kwon Jun-ha ដែលសង្ឃឹមថា អាហារូបករណ៍នេះ នឹងជំរុញទឹកចិត្តឱ្យនិស្សិតដកឃ្លាពីសៀវភៅខ្លះ ហើយងាកមកគិតពីការថែទាំសុខភាព។
លោក Kwon មានប្រសាសន៍ថា និស្សិត SNU បានចំណាយជីវិតរបស់ពួកគេ នៅជាមួយការសិក្សាសឹងតែគ្រប់ពេល។ ហេតុនេះ លោកចង់ឱ្យពួកគេ គិតគូរពីការថែទាំសុខភាព និងបង្កើតអនុស្សាវរីយ៍ល្អៗ សម្រាប់ជីវិត។
គួរបញ្ជាក់ថា សម្រាប់ឆ្នាំ២០២៦ នេះ សាកលវិទ្យាល័យជាតិសេអ៊ូល ជាប់ចំណាត់ថ្នាក់លេខ ៣៨ ជាសាកលវិទ្យាល័យល្អបំផុតលើពិភពលោក ក្នុងតារាងចំណាត់ថ្នាក់ QS ៕
