ព្រឹត្តិការណ៍ព័ត៌មាន
ចំណេះជីវិត
ជំនាញ
យុវជនឆ្នើម
អប់រំកុមារតូច
ព័ត៌មានអាហារូបករណ៍
មាតិកាឌីជីថល
អនាគត
ពន្លកបៃតង
កម្ពុជា 360°
ការរៀនសូត្រគឺជាដំណើរការមួយដែលគ្មានទីបញ្ចប់ និងអាចកើតឡើងបានគ្រប់ពេលវេលា និងគ្រប់ទីកន្លែង។ មិនថា តាមរយៈការសិក្សាផ្លូវការនៅសាលារៀន ការចូលរួមសិក្ខាសាលា ឬការរៀនដោយខ្លួនឯងតាមអនឡាញនោះទេ សំណួរដែលតែងតែកើតឡើងគឺ តើយើងដឹងដោយរបៀបណាថា យើងពិតជាបានរៀនអ្វីមួយពិតប្រាកដមែន? តើមានសញ្ញាណអ្វីខ្លះដែលអាចបញ្ជាក់បានយ៉ាងច្បាស់ថា ចំណេះដឹង ឬជំនាញដែលអ្នកបានរៀន ត្រូវបានស្រូបយក និងអាចប្រើប្រាស់បានប្រកបដោយប្រសិទ្ធភាព?
តាមរយៈគេហទំព័រ Oxford Review បានបង្ហាញត្រួសៗក្នុងការកត់សម្គាល់ខ្លួនឯង អំពីប្រសិទ្ធភាពនៃការរៀន ក៏ដូចជាលទ្ធផលជាក់ស្តែងដែលទទួលបានពីការរៀន មានដូចជា មានលទ្ធភាពក្នុងការបង្រៀនអ្នកដទៃ, អាចអធិប្បាយឬពន្យល់ក្នុងវិធីខុសៗគ្នា, ប្រើប្រាស់ទៅក្នុងស្ថានភាពជាក់ស្តែង, អាចចងចាំទៅតាមពេលណាមួយ, ដឹងពីចំណុចដែលចេះក៏ដូចជាកន្លែងដែលត្រូវបំពេញបន្ថែម និងយល់ពីបុព្វហេតុ និងគោលការណ៍ដើមជានិច្ច ទន្ទឹមគ្នានោះក៏មានលម្អិតបន្ថែមដូចខាងក្រោម ៖
ការផ្លាស់ប្តូរ ៖ អាកប្បកិរិយាក៏បានរួមចំណែកដែរថាខ្លួនពិតជាបានរៀនអ្វីមួយប្រាកដមែន អាកប្បកិរិយានៅត្រង់ចំណុចនេះ សំដៅលើការមានទម្លាប់អភិវឌ្ឍន៍សមត្ថភាពខ្លួនឯងបន្ថែមជាប្រចាំ ផ្លាស់ប្តូរនូវសកម្មភាពដែលពុំនាំឱ្យការរស់នៅមានភាពល្អប្រសើរ មានគំនិតច្រើនទូលំទូលាយជាងមុន មានទំនួលខុសត្រូវខ្ពស់ជាងមុន រួមទាំងមានសមត្ថភាពក្នុងការបត់បែនរបៀបសិក្សា និងរបៀបធ្វើការបានល្អជាងមុន។
ការអនុវត្តសាកល្បង ៖ ការរៀនដែលមិនមានការសាកល្បង មិនបានបញ្ជាក់ពីប្រសិទ្ធភាពនៃការសិក្សានោះទេ វាគ្រាន់តែបញ្ជាក់នូវការយល់តែប៉ុណ្ណោះ ការអនុវត្តគឺជាការសាកល្បងជាក់ស្តែង ឃើញសមត្ថភាពពិតៗ និងជាការវាស់វែងអំពីភាពខ្វះចន្លោះ រួមទាំងងាយស្រួលក្នុងស្វែងរកចំណេះដើម្បីបំពេញបន្ថែម៕
