ព្រឹត្តិការណ៍ព័ត៌មាន
ចំណេះជីវិត
ជំនាញ
យុវជនឆ្នើម
អប់រំកុមារតូច
ព័ត៌មានអាហារូបករណ៍
មាតិកាឌីជីថល
អនាគត
ពន្លកបៃតង
កម្ពុជា 360°
ស្រមៃមើលនៅពេលដែលអ្នកអាចរស់នៅក្នុងពិភពលោកមួយដែលអ្នកអាចប្រើប្រាស់សេវាកម្មរដ្ឋាភិបាលណាមួយដោយរលូនជាមួយនឹងអត្តសញ្ញាណឌីជីថលដ៏ឆ្លាតវៃ ឬក៏ពិភពមួយ ដែលអ្នកបច្ចេកទេសផ្នែកឌីជីថលបានធានានូវកម្រិតនៃការតភ្ជាប់ និងការចូលប្រើវីដេអូ ដើម្បីធ្វើការងាររបស់ពួកគេដោយសុវត្ថិភាព ក្នុងពេលវេលាជាក់ស្ដែង តាមរយៈបច្ចេកវិទ្យា AR ។ ឬពិភព ដែលយើងអាចបញ្ជាក់អំពីស្ថានភាពជាក់ស្ដែង នៃការដឹកជញ្ជូនអន្តរជាតិបានគ្រប់ពេល ដោយមានការបង្ហាញផ្លូវយន្តហោះគ្មានមនុស្សបើក (Drone) បានដោយប្រើបច្ចេកវិទ្យា។ តើវានឹងកាន់តែមានភាពងាយស្រួលកម្រិតណា?
យ៉ាងណាក៏ដោយ រឿងរ៉ាវទាំងនេះ អាចធ្វើទៅបានដោយសារថាមពល នៃបណ្ដាញ ។ ដើម្បីឱ្យការគិតនេះក្លាយជាការពិត មនុស្សត្រូវបង្កើតបណ្ដាញ ដែលមានសមត្ថភាពខ្ពស់ (high – performing networks) នៅទូទាំងពិភពលោក ព្រមទាំងកំណត់ឡើងវិញ នូវរបៀប ដែលអាចចូលប្រើប្រាស់ និងរក្សាសុវត្ថិភាពបណ្ដាញបាន។
យោងតាម WE Forum បានឱ្យដឹងថា ក្នុងរយៈពេលបីទសវត្សកន្លងមកនេះ ការតភ្ជាប់បណ្ដាញតាមទូរស័ព្ទ (Mobile connectivity) បានផ្លាស់ប្ដូរពិភពលោក ឱ្យក្លាយជាពិភពមួយដែលមនុស្សមិននឹកស្មានដល់។ សព្វថ្ងៃ យើងមានការតភ្ជាប់បណ្ដាញស្ទើរតែគ្រប់ទីកន្លែងទូទាំងពិភពលោក ជាមួយនឹងការទិញទូរស័ព្ទចល័តចំនួន ៨,៦ពាន់លានគ្រឿង។ លើសពីនេះ ក្នុងរយៈពេល ៣០ឆ្នាំចុងក្រោយ ល្បឿនទិន្នន័យបានកើនឡើងក្នុងល្បឿនមួយលឿនគួរឱ្យកត់សម្គាល់។
បណ្ដាញ 4G បានធ្វើឱ្យសេដ្ឋកិច្ចកើនឡើងយ៉ាងឆាប់រហ័ស និងផ្លាស់ប្ដូររបៀបរស់នៅរបស់មនុស្សតាមបែបឌីជីថល ។ ឌីជីថលភាវូបនីយកម្មក្លាយជាឧបករណ៍សំខាន់សម្រាប់ដោះស្រាយបញ្ហាប្រឈមធំបំផុតរបស់សង្គម រួមទាំងវិបត្តិអាកាសធាតុ និងបរិយាប័ន្នសង្គម។
ប៉ុន្តែដើម្បីឈានទៅជំហានបន្ទាប់ក្នុងឌីជីថលភាវូបនីយកម្ម ពិភពលោក ត្រូវការល្បឿនបណ្ដាញ ដែលលឿនជាង 4G នេះទៅទៀត ដើម្បីសម្រេចបាននូវឌីជីថលភាវូបនីយកម្មពេញលេញទាំងនៅក្នុងសហគ្រាស និងវិស័យសាធារណៈ។
ជាមួយបច្ចេកវិទ្យា 5G ល្បឿននៃបណ្ដាញ នឹងមានថាមពលខ្លាំងជាងជំនាន់មុន ១០ដង ហើយក្នុងរយៈពេល ៥ ទៅ ១០ ឆ្នាំខាងមុខ យើងនឹងឃើញមានការអភិវឌ្ឍបច្ចេកវិទ្យា Mobile first world ដែលគាំទ្រដោយ cloud និង បញ្ញាសិប្បនិម្មិត (AI) ក៏ដូចជាការបង្កើនល្បឿននៃនិន្នាការសំខាន់ៗដូចជា អគ្គិសនី ខ្សែសង្វាក់ផ្គត់ផ្គង់ និងស្វ័យប្រវត្តិកម្មឧស្សាហកម្មជាដើម។
បច្ចុប្បន្ន វេទិកាសេដ្ឋកិច្ចពិភពលោក (WE Forum) កំពុងចូលរួមធ្វើឱ្យសមត្ថភាពបណ្ដាញ 5G កម្រិតខ្ពស់ មានសម្រាប់សហគមន៍អ្នកអភិវឌ្ឍរបស់ពិភពលោក (World’s developer community) ដោយប្រើសម្ព័ន្ធផ្នែករឹងរបស់កុំព្យូទ័រ (interface) ដែលគេស្គាល់ថាជាបណ្ដាញ APTs ។ បណ្ដាញនេះ អនុញ្ញាតឱ្យ អ្នកអភិវឌ្ឍកម្មវិធីអាចប្រមូលផ្ដុំនូវបណ្ដាញជាក់លាក់ ដូចជា គុណភាពនៃសេវាកម្ម ល្បឿន និងទីតាំង។ បណ្ដាញ APIs គឺជាជំហានសំខាន់ សម្រាប់ការជំរុញនវានុវត្ត ដោយសារអ្នកអភិវឌ្ឍអាចបង្កើតសេវាកម្ម ដែលប្រសើរឡើង ដោយមិនចាំបាច់យល់ពីបច្ចេកវិទ្យាបណ្តាញស្មុគស្មាញ។
ការធ្វើឱ្យបណ្ដាញ APIs មាននៅទូទាំងពិភពលោក នឹងអនុញ្ញាតឱ្យក្រុមអ្នកបង្កើតថ្មី (Inventors) និងសហគ្រិន បង្កើតកម្មវិធីថ្មីៗគ្រប់ទីកន្លែងនៅលើផែនដី ដរាបណាពួកគេមានលទ្ធភាពប្រើប្រាស់ហេដ្ឋារចនាសម្ព័ន្ធឌីជីថល។ ហេតុនេះ មជ្ឈមណ្ឌលបច្ចេកវិទ្យារបស់ពិភពលោក នឹងលែងពឹងផ្អែកទាំងស្រុងលើប្រទេសមហាអំណាចទៀតហើយ៕
