ព្រឹត្តិការណ៍ព័ត៌មាន
ចំណេះជីវិត
ជំនាញ
យុវជនឆ្នើម
អប់រំកុមារតូច
ព័ត៌មានអាហារូបករណ៍
មាតិកាឌីជីថល
អនាគត
ពន្លកបៃតង
កម្ពុជា 360°
គ្រួសារពិតជាមានឥទ្ធិពលណាស់សម្រាប់កុមារ តាមរយៈការផ្តល់ឱកាសឱ្យពួកគេទទួលបានការអប់រំដ៏ពេញលេញ រួមទាំងចំណេះដឹងផ្នែកយេនឌ័រ ការស្វែងយល់អំពីផ្នត់គំនិតសង្គម និងអនុញ្ញាឱ្យពួកគេចូលរួមបញ្ចេញយោបល់ផ្សេងៗនៅក្នុងផ្ទះដោយគ្មានការវាយតម្លៃ ។ នេះបើតាមលោកស្រី ស៊ាន ស្រីមុំ ប្រធានកម្មវិធីអង្គការមជ្ឈមណ្ឌលធនធានស្រ្ដីប្រចាំខេត្តសៀមរាប (WRC) ថ្លែងនៅក្នុងកម្មវិធីបញ្ឈប់អំពើហិង្សាលើកុមារ ដែលរៀបចំដោយអង្គការ Plan International កាលពីពេលថ្មីៗនេះ។
លោកស្រី ស៊ាន ស្រីមុំ បានលើកឡើងថា ការអនុញ្ញាតឱ្យកុមារ ឬក្មេងស្រីបានចូលរួមនៅក្នុងការផ្តល់ជាមតិយោបល់នៅក្នុងក្រុមគ្រួសារ គឺជារឿងសំខាន់បំផុត ព្រោះវាមិនមែនត្រឹមតែបង្ហាញពីគំរូភាពល្អៗប៉ុណ្ណោះទេ ប៉ុន្តែក៏ជាការចូលរួមរបស់ក្មេងស្រី ឬកុមារបានបង្កើននូវភាពស្និទ្ធស្នាលក្នុងគ្រួសារផងដែរ ។ ការចូលរួមទាំងនោះមានដូចជា ការធ្វើ ឬជជែកអំពីកិច្ចការក្នុងផ្ទះ ឬការនិយាយពីបញ្ហានានាដែលកើតឡើងប្រចាំថ្ងៃជាដើម ទន្ទឹមគ្នានោះក៏ត្រូវគោរពរាល់ការសម្រេចចិត្តរបស់ពួកគេផងដែរ ។
លោកស្រីសង្ឃឹមថា ឪពុកម្តាយទាំងឡាយគួរតែងាកមកមើលទាក់ទងជាមួយនឹងការអប់រំកូនតាមបែបវិជ្ជមាន ដើម្បីឱ្យការចិញ្ចឹមកូនបានល្អ និងផ្តល់ឱកាសឱ្យកុមារមានពេលវេលាគ្រប់គ្រាន់ក្នុងការទទួលបានការអប់រំប្រកបដោយសមភាព ។
លោកស្រី ស៊ាន ស្រីមុំ
“ក្នុងនាមជាឪពុកម្តាយគួរតែមានឥរិយាបថផ្លាស់ប្រែក្នុងការអប់រំដើម្បីឱ្យកូនអាចទទួលបាននូវភាពស្មើគ្នាទាំងបុរសនិងស្រ្តី និងផ្ដល់ព័ត៌មានឱ្យបានគ្រប់ជ្រុងជ្រោយទៅដល់កុមារដើម្បីឱ្យកុមារឈានទៅរកការសម្រេចចិត្តឱ្យបានត្រឹមត្រូវ”
បើតាមលោកស្រី ស្រីមុំ ការយកចិត្តទុកដាក់ គឺគិតចាប់ពីរបស់របរ ឬការលេងល្បែង ដោយឪពុកម្តាយមិនគួរមានការបែងចែកអំពីរបស់លេងរវាងក្មេងប្រុស និងក្មេងស្រី ។ លោកស្រីថា ការបែងចែកនេះហើយ ជាកត្តារាំងស្ទះទេពកោសល្យ ថែមទាំងធ្វើឱ្យក្មេងស្រី ឬកុមារមិនហ៊ានបង្ហាញនូវចំណង់ចំណូលចិត្តផ្ទាល់ខ្លួន ទោះបីរឿងរ៉ាវទាំងនេះមើលទៅហាក់ដូចជារឿងសាមញ្ញសម្រាប់មនុស្សធំ ប៉ុន្តែវាជាចំណុចមួយដែលនាំឱ្យកុមារីកាន់តែបាត់បង់នូវភាពក្លាហាន និងពិបាកឈោងចាប់ឱកាសបានដូចកុមារា ។
ចំណែកឯក្មេងស្រីខ្លួនឯងផ្ទាល់ គួរតែស្វែងយល់អំពីរូបរាងកាយ ជាពិសេសផ្នែកសុខភាពទាំងផ្លូវចិត្តនិងផ្លូវកាយ បន្តអភិវឌ្ឍជំនាញតាមរយៈការបង្កើនចំណេះដឹង ឬការសិក្សាស្រាវជ្រាវ និងការសាកល្បងចូលរួមសកម្មភាពសង្គមនានាដើម្បីចាប់យកឱកាសដែលសង្គមបានផ្តល់ឱ្យ ទាំងនេះសុទ្ធសឹងតែជាហេតុធ្វើឱ្យពួកគេកាន់តែរឹងមាំ និងការសម្រេចចិត្តកាន់តែប្រសើរ ៕
ថានិត រាយការណ៍ព័ត៌មាន និងប្រែសម្រួលអត្ថបទនៅ AMS-Education ទាក់ទងអំពី ការអប់រំកុមារតូចនិងការចិញ្ចឹមកូនបែបវិជ្ជមាន បំណិនជីវិត បុគ្គលិកលក្ខណៈរបស់មនុស្ស ប្រវត្តិរបស់យុវជនឆ្នើមឬបុគ្គលគំរូ ការជ្រើសជំនាញសិក្សា និងព្រឹត្តិការណ៍ព័ត៌មានក្នុងកម្មវិធីចំណេះដឹងទូទៅតាមរយៈវេទិកាសាធារណៈនិងនៅតាមសហគមន៍នានា៕
របាយការណ៍ថ្មី
មើលទាំងអស់ ➧
វិធីសាស្រ្ត ៤ ដើម្បីការពារ និងគ្រប់គ្រងអាការៈ Burnout
ចំណេះជីវិត, បទយកការណ៍, ព្រឹត្តិការណ៍
• 13/04/2026
ការប្រើគ្រឿងស្រវឹងអាចបំផ្លាញខួរក្បាល ដែលរួមចំណែកនាំឱ្យមានជំងឺវង្វេង
បទយកការណ៍, ព័ត៌មានអន្តរជាតិ, ព្រឹត្តិការណ៍
• 13/04/2026
ព័ត៌មានទូទៅ
មើលទាំងអស់ ➧
អាហារូបករណ៍ថ្នាក់បរិញ្ញាបត្រ និងបរិញ្ញាបត្រជាន់ខ្ពស់នៅសាកលវិទ្យាល័យ MGIMO ចំនួន៣កន្លែង
ព័ត៌មានអាហារូបករណ៍, ព្រឹត្តិការណ៍
• 26/05/2025
យោងតាមសមាគមនិស្សិតខ្មែរប្រចាំសហព័ន្ធរុស្សី ពេលនេះ សាកលវិទ្យាល័យ MGIMO បានប្រកាសជ្រើសរើសនិស្សិតចំនួន៣កន្លែង សម្រាប់ថ្នាក់បរិញ្ញាបត្រ និងបរិញ្ញាបត្រជាន់ខ្ពស់ ក្នុងឆ្នាំសិក្សា២០២៥-២០២៦។
អាហារូបករណ៍បរិញ្ញាបត្រជាន់ខ្ពស់រយៈពេល១ឆ្នាំក្រោមគម្រោង Princess Maha Chakri Sirindhorn Scholarship ឆ្នាំ២០២៣
ព័ត៌មានអាហារូបករណ៍, ព្រឹត្តិការណ៍
• 18/05/2023
ឱកាសសិក្សាអាហារូបករណ៍ថ្នាក់បរិញ្ញាបត្រជាន់ខ្ពស់សម្រាប់បុគ្គលិកអប់រំ និងមន្ត្រីរាជការដែលកំពុងបម្រើការងារទាក់ទងនឹងការអភិវឌ្ឍយុវជន និងកុមារ នៅកម្ពុជា ។...
វិទ្យាស្ថានពហុបច្ចេកទេសព្រះកុសុមៈ ជ្រើសរើសសិស្សចូលរៀនជំនាញវិជ្ជាជីវៈ និងបច្ចេកទេស ជំហានទី២ ជាង៣រយកន្លែង
ព័ត៌មានអាហារូបករណ៍, ព្រឹត្តិការណ៍
• 30/04/2024
វិទ្យាស្ថានពហុបច្ចេកទេសព្រះកុសុមៈ បានប្រកាសជ្រើសរើសសិស្សទាំងពីរភេទឱ្យចូលរៀនក្នុងកម្មវិធីបណ្តុះបណ្តាលជំនាញវិជ្ជាជីវៈ និងបច្ចេកទេស ដោយឥតគិតថ្លៃ ជំហានទី២ ចំនួន៣៦០កន្លែង។
អាហារូបករណ៍សិក្សាភាសាចិននៅសាធារណរដ្ឋប្រជាមានិតចិនរយៈពេលមួយឆ្នាំ
ព័ត៌មានអាហារូបករណ៍, ព្រឹត្តិការណ៍
• 27/06/2023
ឱកាសសិក្សាអាហារូបករណ៍ថ្នាក់ភាសាចិនរយៈពេល១ឆ្នាំនៅសាធារណរដ្ឋប្រជាមានិតចិនពីសមាគមន៍សិស្ស-និស្សិតអាហារូបករណ៍សម្ដេចអគ្គមហាសេនាបតីតេជោ ហ៊ុន សែន...
វិទ្យាស្ថាន NTTI ជ្រើសរើសយុវជនចូលរៀនជំនាញបច្ចេកទេស និងវិជ្ជាជីវៈ ឥតគិតថ្លៃ ក្រោមគម្រោង TVET 1.5M
ព័ត៌មានអាហារូបករណ៍, ព្រឹត្តិការណ៍
• 11/03/2026
វិទ្យាស្ថានជាតិបណ្តុះបណ្តាលបច្ចេកទេស (NTTI) បានប្រកាសចុះឈ្មោះយុវជនមកពីគ្រួសារក្រីក្រ/គ្រួសារងាយរងហានិភ័យ កម្មករនិយោជិត នៃសេដ្ឋកិច្ចក្នុងនិងក្រៅប្រព័ន្ធ និងសារធារណៈជនឱ្យចូលរៀនវគ្គបណ្តុះបណ្តាលជំនាញវិជ្ជាជីវៈ...
ឱកាសសិក្សាអាហារូបករណ៍ថ្នាក់ឧត្ដមសិក្សានៅប្រទេសឥណ្ឌាឆ្នាំសិក្សា ២០២៤-២០២៥
ព័ត៌មានអាហារូបករណ៍, ព្រឹត្តិការណ៍
• 19/02/2024
ឱកាសសិក្សាអាហារូបករណ៍ថ្នាក់ឧត្ដមសិក្សានៅសាកលវិទ្យាល័យល្បីៗចំនួន១២៦ប្រទេសពីអាហារូបករណ៍រដ្ឋាភិបាលឥណ្ឌានៃកម្មវិធីអាហារូបករណ៍ ICCR ឆ្នាំសិក្សា២០២៤...
សាកលវិទ្យាល័យអន្តរជាតិផារ៉ាហ្គន ប្រកាសផ្តល់អាហារូបករណ៍១០០% ដល់និស្សិតត្រឡប់ពីប្រទេសថៃវិញ
ព័ត៌មានអាហារូបករណ៍, ព្រឹត្តិការណ៍
• 29/08/2025
សាកលវិទ្យាល័យអន្តរជាតិ ផារ៉ាហ្គនប្រកាសផ្តល់អាហារូបករណ៍ដល់និស្សិតកម្ពុជាដែលត្រឡប់មកពីប្រទេសថៃវិញ ដោយសារវិបត្តិជម្លោះព្រំដែនកម្ពុជា-ថៃ ដែលមានបំណងបន្តការសិក្សានៅកម្ពុជា
ឱកាសសិក្សាអាហារូបករណ៍ថ្នាក់បណ្ឌិតពីកម្មវិធី Singapore A STAR ACIS ឆ្នាំសិក្សា២០២៥
ព័ត៌មានអាហារូបករណ៍, ព្រឹត្តិការណ៍
• 22/04/2025
កម្មវិធីអាហារូបករណ៍ Singapore A STAR ACIS នឹងបើកទទួលពាក្យអាហារូបករណ៍សម្រាប់និស្សិតអន្តរជាតិ ឱ្យស្នើការសិក្សាថ្នាក់ឧត្ដមសិក្សាសម្រាប់ឆ្នាំសិក្សា២០២៥ នៅប្រទេសសឹង្ហបុរី។ អាហារូបករណ៍ផ្ដល់ជូនការសិក្សាថ្នាក់បណ្ឌិតស្រាវជ្រាវ..
អាហារូបករណ៍ថ្នាក់ឧត្ដមសិក្សាពីកម្មវិធីអាហារូបករណ៍រដ្ឋាភិបាល Hubei
ព័ត៌មានអាហារូបករណ៍, ព្រឹត្តិការណ៍
• 12/05/2025
កម្មវិធីអាហារូបករណ៍រដ្ឋាភិបាល Hubei ប្រកាសផ្ដល់អាហារូបករណ៍ថ្នាក់ឧត្ដមសិក្សានៅសាកលវិទ្យាល័យ Hubei សាកលវិទ្យាល័យវិទ្យាសាស្ត្រ និងបច្ចេកវិទ្យា Huazhong និង សាកលវិទ្យាល័យភូមិសាស្ត្រចិន បានប្រកាសផ្តល់អាហារូបករណ៍...
កម្មវិធីពិសេសរបស់ AMS EDUCATION
ព័ត៌មានសង្ខេប
