ព្រឹត្តិការណ៍ព័ត៌មាន
ចំណេះជីវិត
ជំនាញ
យុវជនឆ្នើម
អប់រំកុមារតូច
ព័ត៌មានអាហារូបករណ៍
មាតិកាឌីជីថល
អនាគត
ពន្លកបៃតង
កម្ពុជា 360°
ការចំណាយពេលយ៉ាងច្រើនដើម្បីប្រតិបត្តិការងារប្រចាំថ្ងៃក្នុងរយៈពេលយូរៗ ទោះបីជាធ្វើច្រើនដងមកហើយនេះជាបញ្ហាទូទៅមួយ ដែលមនុស្សមិនសប្បាយចិត្តជាមួយនឹងការចំណាយពេលជាច្រើន ប៉ុន្តែបានសមិទ្ធិផលតិច ខណៈពេលដែលបានធ្វើផែនការ បានបែងចែកការងារ ព្យាយាមផ្តោតអារម្មណ៍ ឬក៏ប្រឹងប្រែងក្នុងវិធីសាស្រ្តនានា។ ឆ្លើយតបទៅនឹងចំណោទបញ្ហាមួយនេះ គេហទំព័រ Harvard Business Review បានបង្ហាញយុទ្ធសាស្ត្រ ដើម្បីសន្សំពេលនិងជំរុញផលិតភាពការងារ។
១. សួរបញ្ជាក់អំពីការរំពឹងទុក ៖ ការពិនិត្យ ឬសួរបញ្ជាក់អំពីការរំពឹងទុកមានសារៈសំខាន់ក្នុងការបំពេញការងារ ដែលឆ្លើយតបនឹងតម្រូវការជាក់ស្តែង ហើយកាន់តែសំខាន់នោះ គឺនៅពេលមានការងារសំខាន់ៗ ការសួរបញ្ជាក់ឱ្យច្បាស់ ម្តងហើយម្តងទៀតមុននឹងចាប់ផ្តើមអនុវត្តន៍ការងារ ត្បិតមើលទៅហាក់សាំញ៉ាំបន្តិច ប៉ុន្តែជាលទ្ធផលវិជ្ជមាន គឺជាវិធីសាស្រ្តក្នុងការសន្សំពេល ជៀសវាងការធ្វើសកម្មភាពដែលពុំចាំបាច់ ក៏ដូចជាការសន្សំថាមពលទៅធ្វើរាល់សកម្មភាពដែលចំគោលដៅ។
២. ប្រើប្រាស់សម្ភារៈ ឬកម្មវិធីដែលមានពីមុនៗ ៖ ក្នុងការកាត់បន្ថយការចំណាយពេលច្រើនទៅលើសកម្មភាពដែលធ្លាប់ធ្វើកន្លងមក ការកែច្នៃកិច្ចការចាស់ៗពីមុនៗ ក៏បានរួមចំណែកក្នុងការសន្សំពេលដែរ តួយ៉ាងការធ្វើស្លាយ ឬក៏រូបភាពនៃបទបង្ហាញ កាលដែលយកឯកសារពីមុនៗមកកែសម្រួលឡើងវិញ មិនត្រឹមតែសន្សំពេលនោះទេ ប៉ុន្តែក៏ផ្តល់ភាពងាយស្រួលក្នុងការបង្កើនភាពច្នៃប្រតិដ្ឋបន្ថែម។
៣. ផ្លាស់ប្តូរកម្មវិធីពិនិត្យការងារ ៖ ដើម្បីបង្កើនល្បឿនការងារនាពេលបច្ចុប្បន្ន វាក៏អាស្រ័យទៅលើទម្លាប់ប្រចាំថ្ងៃដូចគ្នា ជាពិសេសគឺការផ្ទៀងផ្ទាត់ និងកែសម្រួលបញ្ជីត្រួតពិនិត្យការងារប្រចាំថ្ងៃមិនថា សរសេរដោយដៃ ឬក៏ប្រើប្រាស់កម្មវិធីណាមួយដើម្បីជាជំនួយ។ ការពិនិត្យមើលតារាងការងាររឹងរឹតតែសំខាន់ចំពោះអ្នកធ្វើការចម្រុះលាយឡំគ្នា ព្រោះអាចជួយក្នុងការរំលឹក ជួយឱ្យអាចបែងចែករវាងការងារសំខាន់ និងបន្ទាន់ ក៏ដូចជាកាត់បន្ថយភាពស្មុគស្មាញ និងបង្កើនភាពលឿនរហ័សក្នុងការអនុវត្តន៍ការងារ៕
