ព្រឹត្តិការណ៍ព័ត៌មាន
ចំណេះជីវិត
ជំនាញ
យុវជនឆ្នើម
អប់រំកុមារតូច
ព័ត៌មានអាហារូបករណ៍
មាតិកាឌីជីថល
អនាគត
ពន្លកបៃតង
កម្ពុជា 360°
ក្នុងជីវិតប្រចាំថ្ងៃ ការទទួលខុសត្រូវចំពោះខ្លួនឯងជាកត្តាសំខាន់ក្នុងការអភិវឌ្ឍខ្លួន និងពង្រឹងភាពរីកចម្រើន។ តាមរយៈគេហទំព័រ tiffytaffy បានបង្ហាញចំណុចសំខាន់ចំនួនបី ដែលមនុស្សគួរយកចិត្តទុកដាក់ ដើម្បីកែលម្អជីវិត។
១. ការគ្រប់គ្រងពេលវេលា ៖ ពេលវេលា ជាទ្រព្យសម្បត្តិដ៏មានតម្លៃដែលមិនអាចសងត្រឡប់បាន។ ការប្រើពេលវេលាបានយ៉ាងមានប្រសិទ្ធភាព គឺជាគន្លឹះដ៏សំខាន់ក្នុងការរីកចម្រើន។ មនុស្សដែលអាចគ្រប់គ្រងពេលវេលារបស់ខ្លួនបានល្អ ពួកគេអាចសម្រេចបានគោលដៅដែលខ្លួនបានកំណត់។ ដូច្នេះសូមបញ្ចប់ទម្លាប់ពន្យារពេល និងប្រើពេលវេលាដោយប្រយ័ត្ន ទាំងនេះគឺជាកត្តាជំរុញផលិតភាពការងារ និងធ្វើឱ្យជីវិតរីកចម្រើន។
២. សុភមង្គលផ្តើមចេញពីខ្លួនឯង ៖ ការមានផ្នត់គំនិត ឬជំនឿថា សេចក្ដីសុខ ឬសុភមង្គលកើតឡើងតាមរយៈអ្នកដទៃ នោះពិបាកនឹងរកឃើញភាពរីករាយចំពោះខ្លួនឯងបន្តិច។ ការរំពឹងសុភមង្គលពីមជ្ឈដ្ឋានខាងក្រៅ មិនថាតាមរយៈទំនាក់ទំនង លុយកាក់ ឬក៏លទ្ធផលសម្រេចបានណាមួយនោះទេ ការរំពឹងបែបនេះ ពុំមាននិរន្តរភាពឡើយ ព្រោះតាមពិតទៅ សុភមង្គលដែលមាននិរន្តរភាព គឺផ្តើមចេញពីខ្លួនឯងទៅវិញទេ ដូច្នេះសូមពេញចិត្តជាមួយស្ថានភាពបច្ចុប្បន្នរបស់ខ្លួនឯង និងកែច្នៃពេលបច្ចុប្បន្ននេះ ឱ្យកើតទៅជាប្រយោជន៍ណាមួយ។
៣. ទំនួលខុសត្រូវចំពោះជីវិតខ្លួនឯង ៖ គ្រប់គ្នា មានទំនួលខុសត្រូវចំពោះជីវិតរបស់រៀងៗខ្លួន អ្វីដែលពាក់ព័ន្ធគ្នា គួរតែជាកិច្ចសហការណ៍ និងការផ្លាស់ប្តូរគ្នានៃប្រយោជន៍ណាមួយ។ ដោយសារតែខ្លួនឯង ជាបុគ្គលដែលមានទំនួលខុសត្រូវចំពោះជីវិតខ្លួនឯងបែបនេះហើយ ទើបតម្រូវឱ្យរៀនសម្រេចចិត្តមិនថារឿងតូច ឬរឿងធំនោះទេ។ ការផ្លាស់ប្តូរស្ថានភាពផ្ទាល់ខ្លួន ក៏មានការរួមចំណែកពីខ្លួនឯងដែរ ដូច្នេះសូមព្យាយាមជ្រើសរើសសកម្មភាពទាំងឡាយណាដែលស្របជាមួយក្ដីស្រមៃ និងគុណតម្លៃនៃខ្លួនឯង។ ការគិតបែបនេះនឹងជំរុញឱ្យយើងមានភាពស្វិតស្វាញជំនះនឹងបញ្ហា។
សរុបមកវិញ ការទទួលខុសត្រូវចំពោះខ្លួនឯង ជួយឱ្យយើងក្លាយទៅជាអ្នកដែលមានការតាំងចិត្ត និងមានសមត្ថភាពកែច្នៃអនាគតរបស់ខ្លួនឯង។ ដូច្នេះ ការប្រើពេលវេលាបានល្អ ការស្វែងរកសុភមង្គលខ្លួនឯង និងការទទួលខុសត្រូវចំពោះជីវិតខ្លួន ជាកត្តាសំខាន់ក្នុងការរៀបចំអនាគតប្រកបដោយភាពជោគជ័យ៕
