ព្រឹត្តិការណ៍ព័ត៌មាន
ចំណេះជីវិត
ជំនាញ
យុវជនឆ្នើម
អប់រំកុមារតូច
ព័ត៌មានអាហារូបករណ៍
មាតិកាឌីជីថល
អនាគត
ពន្លកបៃតង
កម្ពុជា 360°
សមាគមនិស្សិតកម្ពុជាប្រចាំសាធារណរដ្ឋប្រជាមានិតចិន ប្រកាសជ្រើសរើសនិស្សិតសិក្សាអាហារូបករណ៍ថ្នាក់បរិញ្ញាបត្រជាន់ខ្ពស់ និងថ្នាក់បណ្ឌិត នៅសាកលវិទ្យាល័យ Zhijiang សម្រាប់ឆ្នាំសិក្សា២០២៥-២០២៦។ អាហារូបករណ៍ផ្ដល់ជូនការសិក្សាលើជំនាញគណិតវិទ្យា ចំនួន៥នាក់ ក្រោមកម្មវិធីអាហារូបករណ៍រដ្ឋាភិបាលចិនប្រភេទ B ឬហៅកាត់ថា CSC-Type B ដែលសិក្សាជាភាសាចិន ឬភាសាអង់គ្លេស។
បេក្ខជនដែលមានចំណាប់អារម្មណ៍ក្នុងការដាក់ពាក្យ ត្រូវបំពេញពាក្យនៅក្នុងទម្រង់ CSC Apllication form Type B តាមរយៈ https://studyinchina.csc.edu.cn/#/login និងភ្ជាប់ជាមួយ Study plan ឬ Personal Statement, Recommendation Letters ជាភាសាអង់គ្លេសចំនួន២ច្បាប់ ដែលសរសេរដោយសាស្ត្រាចារ្យរង ឬខ្ពស់ជាងនេះក្នុងវិស័យពាក់ព័ន្ធរបស់បេក្ខជនស្នើ, វិញ្ញាបនបត្រជំនាញភាសាអង់គ្លេស ( TOEFL, IELTS ឬវិញ្ញាបនបត្រភាសាអង់គ្លេសផ្សេងៗ) សម្រាប់កម្មវិធីដែលបង្រៀនភាសាអង់គ្លេស។ ចំពោះកម្មវិធីសិក្សាជាភាសាចិន បេក្ខជនត្រូវមាន វិញ្ញាបនបត្របញ្ជាក់ភាសាចិន HSK ៥ ឡើង។
លក្ខខណ្ឌសម្រាប់ជ្រើសរើស ៖ បេក្ខជនដែលស្នើពាក្យសម្រាប់ថ្នាក់បរិញ្ញាបត្រជាន់ខ្ពស់ ត្រូវមាន សញ្ញាបត្រថ្នាក់បរិញ្ញាបត្រ និងព្រឹត្តិបត្តិពិន្ទុថ្នាក់បរិញ្ញាបត្រ សម្រាប់ថ្នាក់បណ្ឌិត, បេក្ខជនត្រូវភ្ជាប់សញ្ញាបត្រថ្នាក់បរិញ្ញាបត្រជាន់ខ្ពស់ និងព្រឹត្តិបត្តិពិន្ទុថ្នាក់បរិញ្ញាបត្រជាន់ខ្ពស់ លិខិតឆ្លងដែនដែលមានសុពុលភាព លិខិតពិនិត្យសុខភាព និងបញ្ជាក់មិនធ្លាប់មានបទឧក្រិដ្ឋ។ សូមបញ្ជាក់ថា បេក្ខជនទាំងអស់ត្រូវបំពេញ និងផ្ញើឯកសារដោយខ្លួនឯងទៅកាន់ភាគីសាកលវិទ្យាល័យផ្ទាល់ និងចម្លងជូន រួចផ្ញើទៅកាន់ Email: acsccambodia@gmail.com ។ ចាប់ទទួលពាក្យពីថ្ងៃផ្សាយដំណឹងរហូតត្រឹមខែមីនា ឆ្នាំ២០២៥៕
