ព្រឹត្តិការណ៍ព័ត៌មាន
ចំណេះជីវិត
ជំនាញ
យុវជនឆ្នើម
អប់រំកុមារតូច
ព័ត៌មានអាហារូបករណ៍
មាតិកាឌីជីថល
អនាគត
ពន្លកបៃតង
កម្ពុជា 360°
វិទ្យាស្ថានបច្ចេកវិទ្យាកម្ពុជាសាខាខេត្តត្បូងឃ្មុំ ប្រកាសជ្រើសរើសនិស្សិតចូលសិក្សាថ្នាក់កម្រិតវិស្វករ ចំនួន១២០កន្លែង។ អាហារូបករណ៍ប្រឡងជ្រើសរើសសម្រាប់កម្រិតវិស្វករ សិក្សារយៈពេល៥ឆ្នាំក្នុងដេប៉ាតឺម៉ង់ចំនួនបួន។
អាហារូបករណ៍ផ្ដល់ជូនការសិក្សានៅ ដេប៉ាតឺម៉ង់ទេពកោសល្យគីមី និងអាហារចំនួន៣០កន្លែង, ដេប៉ាតឺម៉ង់ទេពកោសល្យសំណង់ស៊ីវិលចំនួន៣០កន្លែង, ដេប៉ាតឺម៉ង់ទេពកោសល្យអគ្គិសនី និងថាមពលចំនួន៣០កន្លែង និង ដេប៉ាតឺម៉ង់ទេពកោសល្យឧស្សាហកម្ម និងមេកានិចចំនួន៣០កន្លែង។
លក្ខខណ្ឌនៃការជ្រើសរើស ៖ បេក្ខជនត្រូវមានសញ្ញាបត្រមធ្យមសិក្សាទុតិយភូមិ ឬសញ្ញាបត្រសមមូល ដោយបេក្ខជនអាចផ្ដល់សញ្ញាបត្រថតចម្លងនៅពេលដាក់ពាក្យចូលរៀន។ ជាមួយគ្នានេះ បេក្ខជនទាំងអស់ត្រូវឆ្លងកាត់ការប្រឡងលើវិញ្ញាសាមួយចំនួនដូចជា គណិតវិទ្យា រយៈពេល២ម៉ោង តក្កវិទ្យា រយៈពេល១ម៉ោង រូបវិទ្យា រយៈពេល២ម៉ោង និងគីមីវិទ្យា រយៈពេល២ម៉ោង។ កាលបរិច្ឆេទប្រឡងនឹងប្រព្រឹត្តិទៅនាថ្ងៃទី២៧ ខែវិច្ឆិកា ឆ្នាំ២០២៤។
បេក្ខជនស្នើពាក្យប្រឡងត្រូវទៅដាក់ពាក្យដោយផ្ទាល់នៅវិទ្យាស្ថានបច្ចេកវិទ្យាកម្ពុជា សាខាត្បូងឃ្មុំ ចាប់ពីថ្ងៃទី៣០ ខែតុលា ឆ្នាំ២០២៤ ដល់ថ្ងៃទី២៤ ខែវិច្ឆិកា ឆ្នាំ២០២៤ ដោយភ្ជាប់ជាមួយប្រាក់ចំនួន២ម៉ឺនរៀលដើម្បីបង់សិទ្ធប្រឡង។
ឈប់ទទួលពាក្យត្រឹមថ្ងៃទី២៤ ខែវិច្ឆិកា បិទបញ្ជីឈ្មោះប្រឡងថ្ងៃទី២៦ ខែវិច្ឆិកា និងប្រឡងនៅថ្ងៃទី២៧ ខែវិច្ឆិកា ឆ្នាំ២០២៤។ សម្រាប់លទ្ធផលប្រឡង នឹងប្រកាសនៅថ្ងៃទី៣០ ខែវិច្ឆិកា ឆ្នាំ២០២៤ វេលាម៉ោង៤:០០រសៀល នៅវិទ្យាស្ថានបច្ចេកវិទ្យាកម្ពុជា សាខាតត្បូងឃ្មុំ និងការផ្សព្វផ្សាយក្នុងទំព័រផ្លូវការរបស់វិទ្យាស្ថានដែលមានឈ្មោះ ITC-Tboung Khmum តិចណូ-ត្បូងឃ្មុំ ។
សម្រាប់ព័ត៌មានបន្ថែមអាចទៅកាន់វិទ្យាស្ថានបច្ចេកវិទ្យាកម្ពុជា សាខាត្បូងឃ្មុំ ដែលមានអាសយដ្ឋាននៅក្នុងសាកលវិទ្យាល័យ ហេង សំរិន ត្បូងឃ្មុំ ស្ថិតនៅក្នុងភូមិនិគមលើ ឃុំស្រឡប់ ស្រុកត្បូងឃ្មុំ ខេត្តត្បូងឃ្មុំ ឬអាចទំនាក់ទំនងទៅកាន់ ០៧៨ ៣៧៨ ៣៧៨ និង ០៧៧ ៨៨៩ ៩៣៨៕
