ព្រឹត្តិការណ៍ព័ត៌មាន
ចំណេះជីវិត
ជំនាញ
យុវជនឆ្នើម
អប់រំកុមារតូច
ព័ត៌មានអាហារូបករណ៍
មាតិកាឌីជីថល
អនាគត
ពន្លកបៃតង
កម្ពុជា 360°
ភ្នំពេញ – ដើម្បីបន្តចូលរួមចំណែកជាមួយរាជរដ្ឋាភិបាលក្នុងការលើកកម្ពស់វិស័យអប់រំ និងបណ្តុះបណ្តាលធនធានមនុស្សនៅកម្ពុជា សហភាពសហព័ន្ធយុវជនកម្ពុជារាជធានីភ្នំពេញ ក្រោមកិច្ចសហប្រតិបត្តិការជាមួយវិទ្យាស្ថានជាតិសង្គមកិច្ច បានប្រកាសផ្តល់អាហារូបករណ៍ថ្នាក់បរិញ្ញាបត្រសរុបចំនួន១៦០កន្លែង (១០០%) ដល់សិស្សានុសិស្ស និស្សិត និងយុវជន ដែលមានបំណងក្នុងការបន្តការសិក្សា។
ជំនាញឯកទេសដែលត្រូវផ្តល់ជូននោះរួមមាន ៖ សង្គមកិច្ចវិទ្យា (២០កន្លែង), កិច្ចគាំពារសង្គម (២០កន្លែង), សង្គមវិទ្យា (២០កន្លែង), អក្សរសាស្រ្តអង់គ្លេស (២០កន្លែង), រដ្ឋបាលសាធារណៈ (២០កន្លែង), គ្រប់គ្រងសាធារណៈ (២០កន្លែង), គោលនយោបាយសាធារណៈ (២០កន្លែង), គោលនយោបាយសង្គម (២០កន្លែង)។
លក្ខខណ្ឌនៃការជ្រើសរើស ត្រូវជាបេក្ខជនដែលមានជីវភាពខ្វះខាត, ត្រូវមានសញ្ញាបត្រមធ្យមសិក្សាទុតិយភូមិ (BacII) ឬឯកសារបញ្ជាក់ដែលមានតម្លៃស្មើ, ត្រូវឆ្លងកាត់ការប្រកួតប្រជែងជ្រើសរើស ដែលរៀបចំដោយក្រុមការងារកម្មវិធីសាបព្រោះគ្រាប់ពូជ នៃសហភាពសហព័ន្ធយុវជនកម្ពុជារាជធានីភ្នំពេញ។
សម្រាប់ការដាក់ពាក្យ បេក្ខជនត្រូវស្នើសុំ និងបំពេញទម្រង់បែបបទស្នើសុំអាហារូបករណ៍ ចាប់ពីថ្ងៃជូនដំណឹងនេះ រហូតដល់ថ្ងៃទី៣០ ខែកុម្ភៈ ឆ្នាំ២០២៣ជាកំហិត។
សំណុំលិខិតដែលត្រូវភ្ជាប់ស្នើសុំអាហារូបករណ៍ រួមមាន ពាក្យសុំអាហារូបករណ៍, បង្កាន់ដៃទទួលពាក្យស្នើសុំអាហារូបករណ៍, ជីវប្រវត្តិសង្ខេបដែលមានបិតរូបថតថ្មី (៤x៦), សញ្ញាបត្រមធ្យមសិក្សាទុតិយភូមិ (Bac II) ឬឯកសារបញ្ជាក់ដែលមានតម្លៃស្មើ, ថតចម្លងអត្តសញ្ញាណបណ្ណ ឬសេចក្តីចម្លងសំបុត្រកំណើត, រូបថតក្នុងពេលថ្មីៗទំហំ ៤x៦ ស.ម ថតពីមុខគ្មានវ៉ែនតា និងមានផ្ទៃខាងក្រោយពណ៌ស ចំនួន៣សន្លឹក។
បេក្ខជនដែលមានចំណាប់អារម្មណ៍ សូមទាញយកសំណុំឯកសារស្នើសុំអាហារូបករណ៍របស់ ស.ស.យ.ក. រាជធានីភ្នំពេញ តាមរយៈតំណភ្ជាប់ https://bit.ly/3C1gNuI ដើម្បីបំពេញ រួច Upload ឯកសារនេះតាមរយៈតំណភ្ជាប់ ៖ https://forms.gle/SurhLiQwyCzPh1Uc9 ៕
