ព្រឹត្តិការណ៍ព័ត៌មាន
ចំណេះជីវិត
ជំនាញ
យុវជនឆ្នើម
អប់រំកុមារតូច
ព័ត៌មានអាហារូបករណ៍
មាតិកាឌីជីថល
អនាគត
ពន្លកបៃតង
កម្ពុជា 360°
ការសើចចំអក ឬសើចសប្បាយ ខណៈកុមារកំពុងតែយំ វាមិនត្រឹមតែជាការរំលោភបំពានផ្លូវចិត្តរបស់កុមារប៉ុណ្ណោះទេ វាក៏បង្កជាបញ្ហាប៉ះពាល់ដល់ស្មារតី និងអារម្មណ៍របស់គេថែមទៀត ។
បើតាមគេហទំព័រ The Kind of parent you are បានបង្ហាញនូវចំណុចមួយចំនួនដែលមនុស្សធំតែងលេងសើចជាមួយកុមារដោយមិនបានចាប់អារម្មណ៍ ដូចជា៖ មនុស្សធំសើចនៅពេលកុមារព្យាយាមធ្វើអ្វីមួយដោយហត់នឿយខ្លាំង ឬកំពុងខំប្រឹងធ្វើអ្វីមួយដោយចេញពីចិត្ត, ករណីនេះយើងមិនគួរសើចឡើយ ព្រោះថា ជាទូទៅក្មេងៗត្រូវការរៀននូវសកម្មភាពផ្សេងៗ និងថ្មីៗជាច្រើនដូចជា ការដើរ ការនិយាយពាក្យថ្មីៗ ការរៀនស្លៀកពាក់ ។ល។ ហើយតាមរយៈកាយវិការនៃការខំប្រឹងប្រែងយ៉ាងស្វិតស្វាញទាំងនោះ ពេលខ្លះយើងមើលទៅក្មេងហាក់ដូចជាគួរឱ្យស្រឡាញ់ផង និងគួរឱ្យអស់សំណើចផងសម្រាប់ការគិតរបស់មនុស្សធំមួយចំនួន ខណៈក្មេងខំប្រឹងប្រែងអស់ពីកម្លាំងកាយចិត្តយ៉ាងលំបាក់សម្រាប់ខ្លួនពួកគេផ្ទាល់ ។ ឪពុកម្តាយត្រូវមានការឈ្វេងយល់ថា កុមារព្យាយាមធ្វើនូវរឿងអ្វីមួយដោយភ្ជាប់ជាមួយភាពលំបាកទៅតាមកម្រិតរបស់ពួកគេ ។ ហើយអ្វីដែលពួកគេធ្វើមិនមែនគ្រាន់តែចង់បង្ហាញពីអក្បកិរិយាគួរឱ្យចង់សើច ឬទាមទារការចាប់អារម្មណ៍ពីសំណាក់មនុស្សធំនោះទេ ។ ដូច្នេះហើយការបង្ហាញនូវសំណើចរបស់អ្នកចេញមកដោយក្អាកក្អាយ មិនមែនជាការឆ្លើយតបដ៏ល្អទៅនឹងបរិយាកាសនោះទេ ថែមទាំងមិនមែនជាការលើកទឹកចិត្តពួកគេទៀតផង គឺមានតែធ្វើឱ្យពួកគេកាន់តែឈឺចាប់នៅក្នុងចិត្ត ។
បន្ថែមពីនេះទៀតការសើចនៅពេលដែលកុមារកំពុងយំ ក៏ជារឿងដែលត្រូវជៀសវាងដែរសម្រាប់មនុស្សធំ ។ ការយំរបស់មនុស្សធំអាចបណ្តាលមកពីការរំភើបពេក ក៏ប៉ុន្តែសម្រាប់កុមារវិញគឺខុសគ្នា ការយំសោក បង្ហាញថា ពួកគេកំពុងមានទុក្ខព្រួយ ។ ត្រង់ចំណុចនេះអ្នកគួរតែនៅឱ្យស្ងៀមខ្លះ វាមិនមែនជារឿងសាមញ្ញទេនៅពេលអ្នកសើចក្នុងអំឡុងពេលនោះ ។
ជាមួយគ្នានេះ គេក៏តែងសង្កេតឃើញថា ឪពុកម្តាយមួយចំនួនហាក់សើចសប្បាយនៅពេលបានបោកបញ្ឆោតកូនរបស់ពួកគេជោគជ័យ ដូចជា ឪពុកម្តាយខ្លះកុហកកូនថាបានញាំស្ករគ្រាប់របស់កូនអស់រលីង ដោយមានបំណងចង់ឱ្យកូនយំ ហើយគិតថាជារឿងកម្សាន្តព្រោះដឹងថា ស្ករគ្រាប់ទាំងនោះកូនរបស់គាត់ចូលចិត្តណាស់បើបាត់បង់ គេនឹងយំជាក់ជាមិនខាន ។ តែយ៉ាងណា ឪពុកម្តាយទាំងអស់ត្រូវចងចាំថា ការធ្វើឱ្យកុមារយំដើម្បីជាការកម្សាន្ត វាជះផលអវិជ្ជមានចំពោះផ្លូវចិត្តរបស់គេខ្លាំងណាស់ ទោះកើតឡើងដោយអចេតនាក្តី ឬក្នុងកាលៈទេសៈណាក៏ដោយ។
ចំណុចសំខាន់ចុងក្រោយ គឺមិនគួរនិយាយព័ត៌មានផ្ទាល់ខ្លួនរបស់កុមារ ឬកូនរបស់អ្នកទៅកាន់អ្នកផ្សេង ទាំងដែលកុមារកំពុងតែនៅទីនោះឡើយ ។ ក្នុងករណីខ្លះកុមារអាចចូលចិត្តនូវរឿងមួយចំនួនដែលម្តាយឪពុកអធិប្បាយ ក៏ប៉ុន្តែមិនមែនមានន័យថា ពួកគេសុទ្ធតែពេញចិត្តត្រង់ចំណុចនេះទេ ។ អ្នកដឹងទេនៅពេលពួកគេមិនពេញចិត្តបរិយាកាសនោះនឹងធ្វើឱ្យពួកគេមានអារម្មណ៍ថាត្រូវបានគេទុកចោល និងហាក់ដូចជាមិនមាននរណាខ្វល់ពីអារម្មណ៍របស់ពួកគេសោះ ជាពិសេសនោះគឺនៅពេលដែលបានដឹងថា រឿងផ្ទាល់ខ្លួនរបស់ពួកគេក្លាយជារឿងដ៏អស់សំណើច ។
ជារួមមកវិញការសើចនៅពេលពួកគេកំពុងព្យាយាម កំពុងយំ និងយករឿងផ្ទាល់ខ្លួនកុមារទៅលេងសើច វាធ្វើឱ្យទំនាក់ទំនងរវាងអ្នក និងកុមារ ឬកូនកាន់តែឃ្លាតឆ្ងាយពីគ្នា ហើយកុមារនឹងមានអារម្មណ៍ថា អាម៉ាស់មុខ ត្រូវបានគេប្រមាថ និងមានអារម្មណ៍ថា គ្មានភាពជាគ្នាឯងទៀតទេ៕
លោកមានបទពិសោធន៍ជិត ១០ឆ្នាំក្នុងប្រព័ន្ធផ្សព្វផ្សាយទូរទស្សន៍ វិទ្យុ និងកាសែតផ្នែកសេដ្ឋកិច្ច អប់រំ និងសង្គម។ បច្ចុប្បន្នលោកជានិពន្ធនាយកសារព័ត៌មាន AMS Economy និង AMS Education។
របាយការណ៍ថ្មី
មើលទាំងអស់ ➧
ព័ត៌មានទូទៅ
មើលទាំងអស់ ➧
អាហារូបករណ៍ខ្សែក្រវ៉ាត់មួយផ្លូវមួយពីរដ្ឋាភិបាលចិន សម្រាប់ឆ្នាំសិក្សា២០២៣
ព័ត៌មានអាហារូបករណ៍, ព្រឹត្តិការណ៍
• 30/01/2023
ភ្នំពេញ - កម្មវិធីអាហារូបករណ៍ខ្សែក្រវ៉ាត់មួយផ្លូវមួយ របស់រដ្ឋាភិបាល នៃប្រទេសចិន បានប្រកាសផ្ដល់អាហារូបករណ៍ថ្នាក់បរិញ្ញាបត្រ បរិញ្ញាបត្រជាន់ខ្ពស់ និងថ្នាក់...
មជ្ឈមណ្ឌលបណ្តុះបណ្តាលវិជ្ជាជីវៈខេត្តកែប ជ្រើសរើសសិក្ខាកាម៦០០នាក់ រៀនជំនាញបច្ចេកទេសឥតគិតថ្លៃ
ព័ត៌មានអាហារូបករណ៍, ព្រឹត្តិការណ៍
• 14/12/2023
មជ្ឈមណ្ឌលបណ្តុះបណ្តាលវិជ្ជាជីវៈខេត្តកែប បានប្រកាសផ្តល់អាហារូបករណ៍សិក្សាជំនាញបច្ចេកទេស និងវិជ្ជាជីវៈឥតគិតថ្លៃ ដល់យុវជនមកពីគ្រួសារក្រីក្រ និងគ្រួសារងាយរងហានិភ័យ សរុបចំនួន ៦០០នាក់។
វិទ្យាស្ថានពហុបច្ចេកទេសភូមិភាគតេជោសែនតាកែវ ជ្រើសរើសយុវជនចូលរៀនជំនាញបច្ចេកទេស និងវិជ្ជាជីវៈ១ ចំនួនជាង១ពាន់នាក់
ព័ត៌មានអាហារូបករណ៍, ព្រឹត្តិការណ៍
• 21/02/2025
វិទ្យាស្ថានពហុបច្ចេកទេសភូមិភាគតេជោសែនតាកែវ បានប្រកាសពីការជ្រើសរើសយុវជនឱ្យចូលរៀនជំនាញបច្ចេកទេស និងវិជ្ជាជីវៈ១ ក្រោមគ្រោងកម្មវិធី ១,៥លាននាក់របស់រាជរដ្ឋាភិបាល រហូតដល់ទៅចំនួន ១៦៨០នាក់ ក្នុងឆ្នាំ២០២៥នេះ។
ឱកាសអាហារូបករណ៍សិក្សាឥតគិតថ្លៃនៅអាល្លឺម៉ង់ ពីកម្មវិធី DAAD MIDE 2026
ព័ត៌មានអាហារូបករណ៍, ព្រឹត្តិការណ៍
• 19/06/2025
កម្មវិធីអាហារូបករណ៍ DAAD MIDE 2026 បានប្រកាសផ្តល់អាហារូបករណ៍សម្រាប់និស្សិតអន្តរជាតិពីប្រទេសកំពុងអភិវឌ្ឍ ដើម្បីទៅសិក្សាថ្នាក់បរិញ្ញាបត្រជាន់ខ្ពស់សេដ្ឋកិច្ចអន្តរជាតិ និងការអភិវឌ្ឍ (Master)
អាហារូបករណ៍ KOICA’s 2026 សម្រាប់មន្រ្តីរាជការកម្ពុជា សិក្សាថ្នាក់បរិញ្ញាបត្រជាន់ខ្ពស់ នៅប្រទេសកូរ៉េ
ព័ត៌មានអាហារូបករណ៍, ព្រឹត្តិការណ៍
• 07/11/2025
កម្មវិធីអាហារូបករណ៍ KOICA (SP) ដែលត្រូវបានបង្កើតឡើងដើម្បីបណ្ដុះបណ្ដាលភាពជាអ្នកដឹកនាំដល់នៅក្នុងប្រទេសដៃគូ ដើម្បីរួមចំណែកដល់ការអភិវឌ្ឍសេដ្ឋកិច្ច-សង្គម នៃប្រទេសកំណើតរបស់ខ្លួន...
អាហារូបករណ៍ថ្នាក់បរិញ្ញាបត្រជាន់ខ្ពស់ពីកម្មវិធីអាហារូបករណ៍ Australia Awards ២០២៤នៅប្រទេសអូស្រ្តាលី
ព័ត៌មានអាហារូបករណ៍, ព្រឹត្តិការណ៍
• 29/02/2024
កម្មវិធីអាហារូបករណ៍ Australia Awards ប្រកាសបើកទទួលពាក្យស្នើសុំអាហារូបករណ៍ថ្នាក់ឧត្តមសិក្សានៅសាកលវិទ្យាល័យល្បីៗក្នុងប្រទេសអូស្ត្រាលី...
មជ្ឈមណ្ឌលបណ្តុះបណ្តាលវិជ្ជាជីវៈខេត្តកោះកុង ផ្តល់អាហារូបករណ៍១០០ភាគរយជាច្រើនកន្លែង
ព័ត៌មានអាហារូបករណ៍, ព្រឹត្តិការណ៍
• 16/01/2023
ជាឱកាសល្អសម្រាប់យុវជនរស់នៅក្នុងខេត្តកោះកុង ពេលនេះ មជ្ឈមណ្ឌលបណ្តុះបណ្តាលវិជ្ជាជីវៈខេត្តកោះកុង បានប្រកាសផ្តល់អាហារូបករណ៍១០០%...
វិទ្យាស្ថានពហុបច្ចេកទេសព្រះកុសុមៈ ជ្រើសរើសសិស្សចូលរៀនជំនាញវិជ្ជាជីវៈ និងបច្ចេកទេស ជំហានទី២ ជាង៣រយកន្លែង
ព័ត៌មានអាហារូបករណ៍, ព្រឹត្តិការណ៍
• 30/04/2024
វិទ្យាស្ថានពហុបច្ចេកទេសព្រះកុសុមៈ បានប្រកាសជ្រើសរើសសិស្សទាំងពីរភេទឱ្យចូលរៀនក្នុងកម្មវិធីបណ្តុះបណ្តាលជំនាញវិជ្ជាជីវៈ និងបច្ចេកទេស ដោយឥតគិតថ្លៃ ជំហានទី២ ចំនួន៣៦០កន្លែង។
វិទ្យាស្ថានពហុបច្ចេកទេសភូមិភាគតេជោសែនស្វាយរៀង ផ្តល់អាហារូបករណ៍១០០% ចំនួន២៧០កន្លែង
ព័ត៌មានអាហារូបករណ៍, ព្រឹត្តិការណ៍
• 23/01/2025
វិទ្យាស្ថានពហុបច្ចេកទេសភូមិភាគតេជោសែនស្វាយរៀង បានប្រកាសជ្រើសរើសនិស្សិតឱ្យចូលរៀនជំនាញបច្ចេកទេស និងវិជ្ជាជីវៈ លើកទី២ សម្រាប់ឆ្នាំសិក្សា២០២៤-២០២៥ ដោយផ្តល់អាហារូបករណ៍១០០% សរុបចំនួន ២៧០កន្លែង។
កម្មវិធីពិសេសរបស់ AMS EDUCATION
ព័ត៌មានសង្ខេប
