ព្រឹត្តិការណ៍ព័ត៌មាន
ចំណេះជីវិត
ជំនាញ
យុវជនឆ្នើម
អប់រំកុមារតូច
ព័ត៌មានអាហារូបករណ៍
មាតិកាឌីជីថល
អនាគត
ពន្លកបៃតង
កម្ពុជា 360°
ការរត់មិនត្រឹមតែដើម្បីពង្រឹងសុខភាពរាងកាយឱ្យរឹងមាំប៉ុណ្ណោះទេ ជាមួយគ្នានោះ គេអាចទាញនូវអត្ថប្រយោជន៍ដទៃៗទៀតបាន ដូចជា ការជួបជុំ ការបង្កើតមិត្ត និងការបង្កើនភាពរីករាយ និងអារម្មណ៍ស្រស់ស្រាយ។ គេហទំព័រ fleet feet បានអធិប្បាយអំពីមូលហេតុ នៃការរត់ជាក្រុម បង្កើននូវភាពរីករាយ និងការជំរុញថាមពល។
ការបន្តក្នុងរយៈពេលវែង ៖ តាមពិតទៅ នៅមានហេតុផលជាច្រើនដែល ជំរុញឱ្យមនុស្សសម្រេចចិត្តរត់ជាក្រុម ហើយហេតុផលជាទូទៅ គឺវាផ្តល់ភាពងាយស្រួល ផ្តល់កម្លាំងចិត្តរត់ និងភាពរីករាយ។ មានការសាកសួរបន្ថែមពីអ្នករត់ជាក្រុម ហើយពួកគេឆ្លើយស្រដៀងៗគ្នាអំពីការពង្រឹងរាងកាយនៅត្រង់ផ្នែកណាមួយដែលខ្លួនចង់បាន។ ការរត់ម្នាក់ឯងក៏ល្អដែរ ប៉ុន្តែបើមានគ្នារត់ រឹងរឹតតែបង្កើនប្រសិទ្ធភាព នៃការធ្វើលំហាត់ប្រាណ។
ការបង្កើតទំនាក់ទំនងដែលមានអត្ថន័យ ៖ មនុស្សកាន់តែមានអារម្មណ៍រីករាយ នៅពេលដែលបានធ្វើទំនាក់ទំនងបន្ថែមនៅក្នុងសង្គម ហើយការរត់ជាមួយអ្នកដទៃក៏ជាឱកាសក្នុងការបង្កើតនូវមិត្តភាពពិតប្រាកដ, មិត្តដែលឧស្សាហ៍នាំ ឬបបួលធ្វើសកម្មភាពវិជ្ជមានទៅកាន់រាងកាយ។ ក្រោយសម្រាកពីការរត់ វាជាឱកាសក្នុងការជំរុញឱ្យមានកិច្ចសន្ទនាមួយដែលមានការបើកចំហ និងការស្វែងយល់ពីគ្នាបានស៊ីជម្រៅ។ ទោះបីជាស្ថិតក្នុងអាកាសធាតុមិនអំណោយផលក៏ដោយ ការរត់ជាមួយក្រុម បានបង្កើននូវភាពរីករាយ និងជំរុញគ្នាឱ្យទៅមុខជានិច្ច ក៏ដូចជាការពង្រឹងសម្ព័ន្ធភាពនៅក្នុងសមាជិកនៃក្រុមទាំងឡាយ។
ប្រភពនៃថាមពល ៖ កត្តាខាងក្នុងខ្លួនចាប់ផ្តើមពីដំបូង បន្ទាប់មកកត្តាខាងក្រៅខ្លួនត្រូវចាប់ផ្តើមរកនៅពេលអនុវត្តន៍ជាក់ស្តែង។ ការចាប់ផ្តើមសម្រេចចិត្តអនុវត្តន៍សកម្មភាពអ្វីមួយ មិនថាផ្តល់ប្រយោជន៍ ឬអត់ប្រយោជន៍ សុទ្ធសឹងតែផ្តើមឡើងពីខ្លួនឯង តួយ៉ាងការរត់ក៏ត្រូវការចាប់ផ្តើមពីខ្លួនឯងដែរ ប៉ុន្តែការរត់មានគ្នា ការរត់ជាមួយមិត្ត បានជះឥទ្ធិពលវិជ្ជមានបន្ថែមទៅកាន់ដំណើរមួយដែលមានភាពជាប់លាប់ដូចជា ការបំផុសទឹកចិត្ត និងការស្រូបយកថាមពលបន្ថែម៕
